Yohana 3:5 - Eriiraghano Eriihë

⁵ Yesu akamugharokeri akabhugha, “Mahëënë ˆneghakobhoorera, taanyi‑ho omooto uno aghotora ghusöha mo‑bhutëmi bho Ryobha aribha atibhwiru kwo manche na gho Akörö e Ryobha.

Yohana 3:5 Referans Kwoze

Amaköri gha Bhatomu 2:38

Bheetero akabhabhoorera akabhugha, “Omooto woose atuukuunere amasari ghaache, na abhatiisu kwo riina re Yesu Kirisito, kubha amwabhërë na kuhaabhu Akörö Ahörëëru.

Abhaebheeso 5:26

꞉Naaköriri hangʼu, kubha amuse eriikanisa, gho koryeghi kwo manche gha bhubhatiiso, na kwo ngʼana e Ryobha.

1 Bheetero 3:21

Amanche ghayo n‑eghetuubhaani ke bhubhatiiso, bhuno bhoghototoori, taanyi gho koruusi eriiku mo‑mobhere, amare n‑eriiraghano re mënda meero kwo Waryobha. Amangʼana ghayo, ngaakubha gho kohetera koryoka kwo Yesu Kirisito.

1 Abhakorinto 6:11

Abhande ghate yaanyu hangʼu moore. Amare ibheere, gho kohetera kwo Mutëmi wiito Yesu Kirisito, na gho changuru che Körö e Ryobha, obhobhe bhoonyu mbweghuru, mbomusuru, na kubhareru obhuhëënë ambërë e Ryobha.

Mataayo 3:11

“Eni nekobhabhatiisa kwo manche kwërëki kubha motuukuuniri amasari ghaanyu. Amare uno akuucha anyuma yaane, iwe nakobhabhatiisa gho Körö Ahörëëru na kwo mororo. Omooto uyo naanyi na changuru ghonkera, koru nteekurëngʼaanera ghughëgha ebhekwera bheeche.

Yohana 3:3

Yesu akamugharokeri akabhugha, “Mahëënë ˆneghakobhoorera, taanyi‑ho omooto uno aghotora ghusöha mo‑bhutëmi bho Ryobha aribha atibhwiru mara e kabhere.”

Maariko 16:16

Omooto wowoose uno aghokumi na kubhatiisu, naghotooribhu. Amare, omooto wowoose uno akwanga ghokumi, naghoteneru ekiina.

1 Abhakorinto 2:12

Eryobha ndetoheere itu Akörö yaache, kubha toghamënyë ghano tuhaabhuru gho ghareeya yaache. Mbe, totaakwihëëbha kinya bhuno abhaato bha mo‑se bhakwihëëbha.

Yohana 1:13

Bhayo nibho abhaana bha Ryobha, bhano ꞉bhiibhwiru taanyi kwo masaahë, hamu amiigha gha mobhere, hamu amiigha gha mosubhe, amare n‑kwo Ryobha eryene.

1 Yohana 5:1

Omooto wowoose uno aghokumi kubha Yesu n‑Kirisito, niwe omoona o Ryobha. Wowoose uno akomosiigha omwibhori, nakobhasiigha na abhaana bha mwibhori uyo.

1 Yohana 2:29

Mweche kubha Kirisito n‑o bhuhëënë, gho ghayo, mumënyë kubha wowoose uno aghuköra gha bhuhëënë, niwe omoona o Ryobha.

Abhagharatiya 6:15

Ghusaaru hamu kwanga ghusaaru, ghotaanyi ne ekebhune ghyokyose. Egheghiro ke bhwëra n‑ghuköru obhuhë ne Eryobha.

Abharuumi 14:17

Amangʼana amachömu mo‑bhaato bha bhutëmi bho Ryobha taanyi ighoro e kurë hamu kunyo, amare n‑ghuköra ghano Eryobha rekwënda, kubha no omurëmbë na kumanya gho ghuchömëru. Ghayo ghoose ngaakubha kwo bhotoorereri bho Körö Ahörëëru.

Mataayo 28:19

Mbe, mughëndë kwo bhaato bha matöngö ghoose na kobhaköra kubha abhaanabheegha bhaane. Mobhakörë bhabhe abhaanabheegha bhaane gho kobhabhatiisa, kwo riina re Taata, na re Moona na re Akörö Ahörëëru.

Mataayo 18:3

akabhabhoorera akabhugha, “Mahëënë ˆnekabhabhoorera, aribha motaaghwigharura na kubha kinya abhaana abhasuuhu, motaaghusöha mo‑bhutëmi bho Mwishaaro.

1 Bheetero 1:2

Korwera kare, Taata Waryobha nabhamënyiri na kobhaahura gho ghiri yaache. Akörö yaache nebhaköriri mubhe abhatööbhiyu, kubha momosooke Yesu Kirisito na komusu kwo masaahë ghaache. Nëköbhëëndëra aghareeya no omurëmbë kwo bhwaru, ghibhe na niinyu.

Amaköri gha Bhatomu 3:19

Ibheere, motuukuune amasari ghaanyu, na moriigharurere Eryobha, rebhaabhërë. Ghaache amabhagha gha koweera gho kubha‑ho Omutëmi,

Ruuka 13:3

ˆNekabhabhoorera taanyi hangʼu! Moraanga ghotuukuunera amasari ghaanyu, hangʼu hangʼu koru inyu moghosireekerera bhoose.

Mataayo 5:20

Mbe, ˆnekabhabhoorera kubha, aribha moraanga ghuköra ghano Eryobha rekwënda ghokera Amabharisaayo na abheeghi bha meghiro, motaaghusöha kimu mo‑bhutëmi bho Mwishaaro.

Abharuumi 8:2

Gho nchëra e ghughöötana na Kirisito Yesu, changuru che Körö Ahörëëru chino chekurëëta obhuhöru bho miishe ghyose, ncheghontoori koruusibhu koru mo‑kibhöhö ke masari, kubha netighe ghukangatu na changuru che masari no oroko.

Ruuka 13:24

“Mwiköngʼi bhoose ghusöha gho kohetera ekehita egheghute. ˆNekabhabhoorera kubha, abhaato bhaaru mbaghusaki ghusöha, amare bhataaghotora.

Ruuka 13:5

ˆNekabhabhoorera tiyaanyi! Moraanga ghotuukuunera amasari ghaanyu, hangʼu hangʼu inyu bhoose moghosireekerera!”

Mataayo 19:24

ˆNekabhabhoorera wiiki kubha, n‑kohoho angamiya koheta mwibhanga re roshintani, ghokera omwame ghusöha mo‑bhutëmi bho Ryobha.”

Mataayo 21:31

Kana, mo‑bhabhere bhayo, n‑niwe uno aköriri kinya bhuno ishe waache ꞉ëndiri?” Bhaghagharokeri bhakabhugha, “Wuure o mumbërë.” Niho Yesu akabhabhoorera akabhugha, “Mahëënë ˆnekabhabhoorera, abhatöbhi bha righööti na abhasöngörëëri mbaghukangata ghusöha mo‑bhutëmi bho Ryobha.

Maariko 9:47

Wiiki, aribha n‑eriiso reecho reghughëri ukörë amasari, oreruusi. N‑ngʼoni usöhë mo‑bhutëmi bho Ryobha onyi ne eghitöngʼö, ghokera kubha na amiisho abhere, na kurëkëru mwiribha re mororo.

Maariko 10:14

Hano Yesu abharooche abhaanabheegha bhaache bharaköra hangʼu, aghakarara. Akabhabhoorera akabhugha, “Mobhatighe abhaana abhasuuhu bhaache ghokoone, motabharëki, gho kubha obhutëmi bho Ryobha m‑bho bhaato bhano bhaanyi kinya abhaana bhano.

Yohana 3:4

Nikoteemu akamobhoori Yesu akabhugha, “Omooto nibhu aghotora kwibhoru mara e kabhere anyi mugharuka? Kana, naghotora ghusöha mo‑nda e nyina wiiki kubha ibhoru?”

1 Abhakorinto 15:50

Abhahiiri bhaane, kino nekwënda kobhugha n‑kubha, emebhere ghiito ghe chaanyama na amasaahë ghetaaghotora ghusöha mo‑bhutëmi bho Ryobha, wiiki emebhere ghino gheghusarëka ghetaaghotora kubha no obhuhöru bho miishe ghyose.