Yohana 3:34 - Eriiraghano Eriihë

³⁴ Eryobha ꞉ndeemotomiri kubha asiikërë amangʼana ghaache, nikyo remoheere Akörö Ahörëëru etaanyi ne ekirëngërë.

Yohana 3:34 Referans Kwoze

Amaköri gha Bhatomu 10:38

Mweche kubha, Eryobha ꞉ndeemwahwire Yesu o Nasareeti gho komuha Akörö Ahörëëru no obhotoro. Yesu ꞉naaghiire ino na ino, araköra amachömu na kuhöri bhoose bhano ꞉bhaare bharanyaakibhu na changuru che Rishambu, gho kubha Eryobha ndeere haghirohamu nawe.

Yohana 15:26

“Hano akuucha ghokoonyu Omotoorereri, uno nekomotoma ghokoonyu koru o‑Taata, niyo Akörö Ahörëëru e hëënë ino ekoru o‑Taata, neghungambëra obhuhëënë ighoro yaane.

Mataayo 12:18

“Mööhi, uno niwe omutamishi waane uno nemwahwire, Omosiighani waane uno aghuchömëri omotema waane. Neghotoora Akörö yaane ighoro yaache, kubha araghani obhuhëënë bhoone kwo matöngö ghoose.

Abhakorosaayi 2:9

gho kubha, obhohikeerani bhoose bho Ryobha mboonyi mo‑mobhere o Kirisito.

Yohana 5:26

Kinya bhuno Taata anyi no obhuhöru moose yaache, hangʼu hangʼu nibhu amoheere Omoona kubha no obhuhöru moose yaache.

Ruuka 4:18

“Akörö e Mutëmi Waryobha, neenyi haghirohamu na neeni. Wiiki, nimariri konyaahura kobhamënyi, abhahabhe Angʼana Anchömu. Nentomiri kwo bhabhöhu, nebhabhoorere kubha mbaghotighooroku. Abhahuku, bhatore korighi wiiki, na bhano bhakunyaakibhu, nebhatoori.

Abhakorosaayi 1:19

Gho kubha Eryobha ꞉ndeerooche n‑kumangi kubha, obhohikeerani bhooche bhoose bhwikare mo‑Moona waache.

Abharuumi 8:2

Gho nchëra e ghughöötana na Kirisito Yesu, changuru che Körö Ahörëëru chino chekurëëta obhuhöru bho miishe ghyose, ncheghontoori koruusibhu koru mo‑kibhöhö ke masari, kubha netighe ghukangatu na changuru che masari no oroko.

Yohana 7:16

Niho Yesu akabhabhoorera akabhugha, “Ameeghi ghano nekweghi taanyi ghaane, amare n‑gha uno antomiri ghokoonyu.

Yohana 3:17

Eryobha retaamotomiri Omoona waache kubha atenere abhaato ekiina, amare abhaato bhatooribhu gho kohetera iwe.

Yohana 1:16

Kurëngʼaana no obhohikeerani bhooche, Eryobha ndetoheere itu bhoose aghareeya, ndyëngërëriiri mo‑ghareeya ino ꞉riishamiri ghotuha.

Abhaebheeso 3:8

Eni m‑mosuuhu neenyi ghokera abhatööbhiyu bhoose bha Ryobha, amare Eryobha ndinsakiiri aghareeya kubha nebharaghaneri abhaato bha matöngö obhwame bho rubhango ro Kirisito runo rotaanyi ne ekirëngërë.

Yohana 8:47

Uno anyi o Ryobha nahaatëghëërëra amangʼana ghaache. Inyu motaaghutëghëërëra ghano Eryobha rekobhugha gho kubha inyu taanyi abhaato bha Ryobha moonyi.”

Obhohunyurëru 22:1

Akamara marayika uyo akanyëërëki orooche ro manche gha bhuhöru, ndoore rorabhari kinya ekiröri na ndorweriire irungu re ghetumbe ghe ghitëmi ke Ryobha no Omoona o Ngʼöndu.

Yohana 16:7

“Nekobhabhoorera inyu obhuhëënë kubha, ngʼoni ghokoonyu eni neghi o‑Taata, neraanga ghuye, Omotoorereri wuure taaghotora kuucha ghokoonyu. Amare aribha neraghe, nekomotoma ghokoonyu.

Obhohunyurëru 21:6

Akamboorera wiiki akabhugha, “ˆGhakahikeerana! Eni neeni Simoka na Antenero, eni neeni uno niisëëmiri amangʼana ghoose na ghoghamareereri. Omooto woose uno anyi na anyööta, nekomuha bhoowa amanche koru mo‑bherika bhe manche gha bhuhöru, anyo.

Yohana 8:40

Amare ibheere moghutabhara anchëra e koonyita, koru nangabha nebhabhooriire obhuhëënë bhuno nyoghwire koru kwo Waryobha. Abhurahamu taaköriri kinya bhuno mokwënda ghunkörëra eni.

Amaköri gha Bhatomu 1:2

mbagha orosiko runo aghëghuru ghuye Mwishaaro. Hano are akeere ghughëghu, akabhaha abhatomu bhaache bhano are ahwire, amëërëkërëri gho nchëra e Körö Ahörëëru, ighoro e meremo ghino bhaghuköra.