Yohana 3:3 - Eriiraghano Eriihë

³ Yesu akamugharokeri akabhugha, “Mahëënë ˆneghakobhoorera, taanyi‑ho omooto uno aghotora ghusöha mo‑bhutëmi bho Ryobha aribha atibhwiru mara e kabhere.”

Yohana 3:3 Referans Kwoze

2 Abhakorinto 5:17

Omooto wowoose uno akubha aghöötiine na Kirisito, naakubha omooto omuhë, gha kare ngahetiri, ibheere ngabheere amahë!

1 Yohana 3:9

Wowoose uno abheere omoona o Ryobha, taakwëndërëra ghuköra amasari, gho kubha naanyi na tëëmö e Ryobha moose yaache. Taaghotora kwëndërëra ghuköra amasari gho kubha iwe n‑omoona o Ryobha.

1 Yohana 5:1

Omooto wowoose uno aghokumi kubha Yesu n‑Kirisito, niwe omoona o Ryobha. Wowoose uno akomosiigha omwibhori, nakobhasiigha na abhaana bha mwibhori uyo.

Tiito 3:5

Retaaköriri hangʼu gho kubha amaköri ghiito ango n‑gha hëënë ꞉ghaare, amare n‑gho changori cheeche okwene. Ndetomusiri obhobhe bhwito, kuyo niko okwibhoru okuhë. Wiiki ndetoheere eriimanya eriihë gho nchëra e Körö Ahörëëru.

Yohana 1:13

Bhayo nibho abhaana bha Ryobha, bhano ꞉bhiibhwiru taanyi kwo masaahë, hamu amiigha gha mobhere, hamu amiigha gha mosubhe, amare n‑kwo Ryobha eryene.

1 Yohana 2:29

Mweche kubha Kirisito n‑o bhuhëënë, gho ghayo, mumënyë kubha wowoose uno aghuköra gha bhuhëënë, niwe omoona o Ryobha.

1 Bheetero 1:3

Aghongibhu Waryobha, Taata o Mutëmi wiito Yesu Kirisito. Kurëngʼaana na changori cheeche chaaru, natwibhwire mara e kabhere gho nchëra e komoryoki Yesu Kirisito koru mo‑bhaku. Gho ghayo, ntobhwine eriitëngʼërö re bhuhöru.

Abhagharatiya 6:15

Ghusaaru hamu kwanga ghusaaru, ghotaanyi ne ekebhune ghyokyose. Egheghiro ke bhwëra n‑ghuköru obhuhë ne Eryobha.

1 Yohana 5:18

Ntweche kubha omoona wowoose o Ryobha, taakwëndërëra ghuköra amasari, gho kubha Omoona o Ryobha nakomochonga, Erishambu retaaghotora komoturi.

2 Abhakorinto 4:4

Angʼana Anchömu timënyuru mo‑bhaato bhano gho kubha, Erishambu rino reenyi omutëmi o se ino, ndehunyiri obhongo bho bhano bhataakomokumi Yesu. ꞉Ndiiköriri hangʼu kubha bhakindu korighi obhwero bho Angʼana Anchömu e bhokumi obhokoro bho Kirisito, uno anyi eghetuubhaani ke Ryobha.

Yohana 12:40

“Eryobha ndehukwiri amiisho ghaabho na ghoghiköra emetema gheebho ghibhe miköngʼu, kubha bhatarighi kwo miisho ghaabho, na bhatamënya mo‑miihëëbhö ghaabho, kubha bhatagharuka ghokoone, kubha nebhahöri.”

Abhaebheeso 2:1

Inyu moore mokuure mo‑chaakörö gho ghiri e mabhe na amasari ghaanyu.

Yohana 1:5

Obhwero bhuyo mbohaarëngaari mo‑kengʼuuri, ne ekengʼuuri ghetabhokindiri.

Yakobho 3:17

Amare, amangʼiini ghano ghaakoru kwo Waryobha, m‑machömu wiiki n‑gha murëmbë, no obhuhörëëru, igho ngaghutëghëërëra amangʼana gha abhaato. Igho ngiichwire changori na amaköri amachömu, na ghataanyi no obhwahukani koru obhobhiihi.

Yohana 1:51

Mahëënë ˆnekabhabhoorera, mokuucha korighi Mwishaaro hiighokiri, na mokobharighi bhamarayika bha Ryobha bharatiira na ghwika ighoro yaane eni uno neenyi Omoona o Mooto.”

Mataayo 16:17

Yesu akamobhoorera akabhugha, “Oo Simiyooni mwërëëti o Yoona, witabhiiru gho kubha taanyi‑ho omooto uno akohunyuriire rino, amare n‑Taata waane uno anyi Mwishaaro.

Mataayo 5:18

Mahëënë ˆnekabhabhoorera, mbagha eriibhagha rino erishaaro na ase bhekoheta, ghetaanyi‑ho ekingʼöchö koru eryandëkö rimu isuuhu re meghiro ghe Musa rino rekoruusibhu, mbagha ghano ghoose ghahikeerane.

Obhohunyurëru 3:14

Omooto uyo kinya Omoona o Mooto akëëndërëra kobhugha, “Omwandëkërë marayika o riikanisa re Rawotikiya, no omobhoorere obhughe, ‘Eni neeni nekobherekeru Hawubhaabha, gho kubha nekuhëënëhi obhuhëënë bho Ryobha kwo mahëënë. Eni neeni omutange o bhetyenyi bhyose bhino ꞉bhiitëëmuru ne Eryobha. Mutëghëërërë ghano nekobhabhoorera!

Mataayo 19:24

ˆNekabhabhoorera wiiki kubha, n‑kohoho angamiya koheta mwibhanga re roshintani, ghokera omwame ghusöha mo‑bhutëmi bho Ryobha.”

Mataayo 21:31

Kana, mo‑bhabhere bhayo, n‑niwe uno aköriri kinya bhuno ishe waache ꞉ëndiri?” Bhaghagharokeri bhakabhugha, “Wuure o mumbërë.” Niho Yesu akabhabhoorera akabhugha, “Mahëënë ˆnekabhabhoorera, abhatöbhi bha righööti na abhasöngörëëri mbaghukangata ghusöha mo‑bhutëmi bho Ryobha.

Maariko 9:47

Wiiki, aribha n‑eriiso reecho reghughëri ukörë amasari, oreruusi. N‑ngʼoni usöhë mo‑bhutëmi bho Ryobha onyi ne eghitöngʼö, ghokera kubha na amiisho abhere, na kurëkëru mwiribha re mororo.

Maariko 10:14

Hano Yesu abharooche abhaanabheegha bhaache bharaköra hangʼu, aghakarara. Akabhabhoorera akabhugha, “Mobhatighe abhaana abhasuuhu bhaache ghokoone, motabharëki, gho kubha obhutëmi bho Ryobha m‑bho bhaato bhano bhaanyi kinya abhaana bhano.

Yohana 3:4

Nikoteemu akamobhoori Yesu akabhugha, “Omooto nibhu aghotora kwibhoru mara e kabhere anyi mugharuka? Kana, naghotora ghusöha mo‑nda e nyina wiiki kubha ibhoru?”

1 Yohana 5:4

gho kubha uno anyi o moona o Ryobha, naghoghakinda gha mo‑se ino. Ntoghoghakinda gho nchëra e bhokumi bhwito.