Yohana 3:13 - Eriiraghano Eriihë

¹³ Taanyi‑ho omooto wowoose uno ꞉atoriri ghuye Mwishaaro, nanyinga eni, uno neenyi Omoona o Mooto, niwe ꞉niichiri koru Mwishaaro.

Yohana 3:13 Referans Kwoze

Yohana 6:38

Eni niichiri koru Mwishaaro kubha nibhe neraköra amiigha gha Taata uno antomiri. Ntiichiri ghuköra amiigha ghaane.

Amaköri gha Bhatomu 2:34

Tawuti omwene tatiiriri na ghusöha Mwishaaro, amare akabhugha, ‘Omutëmi Waryobha ꞉naamobhooriire Omutëmi waane, Wiikare eribhaara re kubhökö koone gho kwiro,

Yohana 1:18

Taanyi‑ho omooto wowoose uno arerooche Eryobha. Amare n‑Omoona omwene chiri, uno anyi Eryobha, wiiki naanyi haghirohamu na Taata Waryobha, niwe atohunyuriire Eryobha kinya reenyi.

1 Abhakorinto 15:47

Omooto o mumbërë, Ataamu, naare o mo‑se, natëëmuru koru mwiröbhë. Omooto o kabhere, n‑Kirisito, uno aruure Mwishaaro.

Yohana 13:3

Yesu ꞉naamënyiri kubha Taata namoheere obhotoro bho kobhikangata ebheghiro bhyose. Wiiki ꞉naamënyiri kubha ꞉naaruure kwo Waryobha, na kubha naghugharuka wiiki kwo Waryobha.

Abharuumi 10:6

Amare ighoro e kubhareru kubha no obhuhëënë ambërë e Ryobha gho nchëra e ghokumi, Musa ꞉naabhughiri kubha, “Motiibhoori mo‑metema gheenyu kubha, ‘N‑niwe uno aghotora ghotiira ighoro mbagha Mwishaaro?’ ” Kobhugha hangʼu n‑kinya ghuye iyo komusabha Kirisito ache hano mo‑se.

Yohana 6:62

Mbe, nibhu ekubha erabha mokondighi eni Omoona o Mooto, ndatiira ghuye Mwishaaro hano neere ekimbërë?

Yohana 3:31

Mbe, uno aruure Mwishaaro, naanyi no obhotoro ghokera abhaato bhoose. Wowoose uno akoru mo‑se, naghosiikëra amangʼana gha mo‑se. Amare uno aruure Mwishaaro, naanyi no obhotoro ghokera abhaato bhoose.

Yohana 6:46

Taanyi‑ho uno amorooche Waryobha Taata, nanyinga eni mwene uno neruure ghokooche.

Yohana 6:42

Bhakabhoorani bhakabhugha, “Kana, omooto uno taanyi Yesu, mwërëëti o Yusubhu, uno ntobheeche abhiibhori bhaache bhoose? Mbe, nibhu aghotora kobhugha kubha ꞉niikiri koru Mwishaaro?”

Yohana 17:5

Oo Taata, neghusabha wërëki obhokumi bhoone obhokoro, obhokumi obhokoro bhuno neere nabho eriibhagha toonyi haghirohamu, eriibhagha ore okeere ghutëëma ase.

Yohana 8:42

Yesu akabhagharokeri akabhugha, “Aribha Eryobha rengabheere Taata waanyu, mbe, mongabheere moransiigha, gho kubha neeni neruure kwo Waryobha ni ibheere hano neenyi. Eni ntiichiri gho changuru cheene, amare n‑Eryobha niryo rentomiri.

Yohana 6:51

Eni n‑ekiinyakurë kino gheghwika koru Mwishaaro, kino ghekobhaha abhaato obhuhöru. Omooto wowoose uno akurë ekiinyakurë kiyo, naakubha no obhuhöru bho miishe ghyose. Ekiinyakurë kiyo n‑omobhere waane uno nekoworuusi gho ghiri e bhaato bhoose, kubha bhabhe no obhuhöru bho miishe ghyose.”

Yohana 6:33

Ekiinyakurë ke Ryobha n‑uno ikiri koru Mwishaaro, kubha abhahë abhaato bhoose bha mo‑se obhuhöru.”

Amaköri gha Bhatomu 20:28

Akörö Ahörëëru nebhatooriri mubhe abhiimeerereri bha bhaato bhaache. Gho ghayo, mubhe moriichonga inyu bheene, mubhe morachonga ne eriikanisa reeche, gho kubha eriikanisa riyo, Eryobha ndereghoriri kwo masaahë gha Moona waache kobhatoori.

Mataayo 28:20

Wiiki mobheeghi ghoghaghööta ghoose ghano nebherekeriiri inyu. Mööhi! Neekubha haghirohamu na niinyu eriibhagha ryose mbagha mo‑ntenero e se.”

Abhaebheeso 1:23

Eriikanisa n‑omobhere o Kirisito, iryo n‑obhohikeerani bho Kirisito uno akohikeerani ebheghiro bhyose.

Mataayo 8:20

Yesu akamugharokeri akabhugha, “Chaambwe ncheenyi na chakoobho ne ebhinyönyi mbeenyi ne ebhenyumba. Amare eni uno neenyi Omoona o Mooto nteenyi koru na ha ghotoora omutu!”

Yohana 3:12

Nebhabhooriire ghano ghaghuköru mo‑se, amare inyu motaaghokumi. Mbe, nibhu moghotora ghonkumi hano nekobhabhoorera ghano ghaghuköru Mwishaaro?