Yohana 21:22 - Eriiraghano Eriihë

²² Yesu akamugharokeri akabhugha, “Aribha nekwënda kubha abhe muhöru mbagha hano neghugharuka, ngwake ghayo ghaghokunyaaki? Iye nuntambane eni.”

Yohana 21:22 Referans Kwoze

Maariko 9:1

Yesu akëëndërëra kobhabhoorera akabhugha, “Mahëënë ˆnekabhabhoorera, mbaanyi‑ho abhamu bhiimeeriire hano, bhano bhataaghoku bhataamara bharighi obhutëmi bho Ryobha bhoraacha gho changuru.”

Obhohunyurëru 2:25

Amare moghaghöötërërë bhoheene amachömu ghayo moonyi nagho mbagha hano nekuucha.

1 Abhakorinto 4:5

Ibheere, motighe ghotenera ekiina abhaato eriibhagha reeche rekeere kohika, mughanye mbagha orosiko runo Omutëmi Yesu akuucha. Iwe niwe akobhetoora haheero ebheghiro bhyose bhino bhebhisuru mo‑kengʼuuri na kwërëki bhino bheenyi mo‑metema ghe bhaato. Niho omooto woose akubhöna aghongo ino emurëngʼaaniire, koru kwo Waryobha.

Obhohunyurëru 3:11

Nekuucha ibheerebheere! Moghaghöötërërë bhoheene amachömu ghayo moonyi nagho, kubha omooto ataacha kobhahöka atuho yaanyu.

Yakobho 5:7

Mbe, abhahiiri bhaane, mubhe moraghumereri mbagha rehike eriibhagha rino Omutëmi akuucha. Mumööhi omoremi kebhuno ahaaghanya emimërö gheeche gheruusi omunöghö omuchömu, iwe nahaaghanya gho ghoghumereri ambura a yimbërë na a yenyuma.

1 Abhakorinto 11:26

Gho ghayo, hano mookurë omughaate uyo na ghokenywera eghisënchö kiyo, mookubha moraraghani ghoku kwo Mutëmi mbagha hano akuucha.

Yohana 21:19

Yesu ꞉naabhughiri hangʼu kwërëki kinya Bheetero akuucha ghoku na koreghongi Eryobha. Mbe, Yesu akamobhoorera Bheetero akabhugha, “Ntambane.”

Mataayo 24:44

Gho ghiri iyo, na niinyu mubhe mwisëëmiri eriibhagha ryose, gho kubha eni Omoona o Mooto nekuucha kwo riibhagha rino motitëngʼiire.”

Obhohunyurëru 22:20

Iwe uno akoruusi obhwibhateri bhooche ighoro e mangʼana ghano nakobhugha, “Hëënë, ˆnekaacha bhwango.” Hawubhaabha. Nuuche Omutëmi Yesu!

Obhohunyurëru 22:7

Yesu nakobhugha, “Tëghëërëra! ˆNekaacha bhwango. Ngʼoni bhano bhaghosooka na ghoghatambana amangʼana gha bhurööti bho ghitabhu kino.”

Obhohunyurëru 1:7

Mumööhi! Nakuucha mo‑mashaaro! Abhaato bhoose mbakomorighi, koru abhaato bhaare ꞉bhaamongʼuutiri eriitimo. Amatöngö ghoose mo‑se ngakwihiinyërëra gho ghiri yaache. Hëënë, neekubha hangʼu. Hawubhaabha.

Mataayo 25:31

Yesu akëëndërëra kobhabhoorera abhaanabheegha bhaache akabhugha, “Hano eni uno neenyi Omoona o Mooto nekuucha mo‑bhokumi bhoone obhokoro haghirohamu na bhamarayika bhoose, niho neghwikara mo‑ghetumbe keene ke bhutëmi.

Mataayo 24:27

Nekobhugha hangʼu gho kubha, kuucha koone uno neenyi Omoona o Mooto ngookubha gho ghutakani kinya bhuno orunanehi rohaarighibhu korwera roghoro, hayo hayo rohika anyancha.

Mataayo 24:3

Mbe, Yesu aghaye mo‑gheghoro ke Miseyituuni na ghwikara hayo. Abhaanabheegha bhaache bhakamutambana iyo abheene chiri, bhakamobhoori bhakabhugha, “Notobhoorere, amangʼana ghayo ngakorwera nyingake? Wiiki, n‑ekyërëkërëri ke kino gheghotwërëki kubha okuucha koocho na antenero e se haghuhe enyi korwera?”

Mataayo 8:22

Yesu akamugharokeri akabhugha, “Iye nutambane! Abhaato bhano bhataakorekumi Eryobha n‑kinya abhaku. Tigha bharyekane abheene kwo bheene.”

Mataayo 16:24

Niho Yesu akabhabhoorera abhaanabheegha bhaache akabhugha, “Omooto wowoose uno akwënda ghuntambana, nakwëndëru iyange omwene, aghëghë omusarabha waache, antambane.

Yohana 21:21

Hano Bheetero amorooche omoonamwegha uyo, akamobhoori Yesu akabhugha, “Oo Omutëmi, neke ghekuucha korwera kwo moonamwegha uno?”

1 Abhatesaronike 2:19

꞉Ntwëëndiri kuucha bhowaanyu wiiki gho kubha, inyu niinyu abhatangi bha riitëngʼërö riito. Wiiki m‑bhawe abhatangi bha ghuchömëru na atuho yiito e bhokindi kwo Mutëmi Yesu araacha kuucha? Taanyi inyu?

Yakobho 5:8

Hangʼu na niinyu bhoose moghumereri, na kwihëënëhi mo‑chaakörö cheenyu, gho kubha kuucha kwo Mutëmi ghoghatingʼi.