Yohana 21:17 - Eriiraghano Eriihë

¹⁷ Akamobhoori mara e ghatato akabhugha, “Simiyooni, omoona o Yohana, kana nonsiighiri?” Mbe, Bheetero akabha na amacheeche gho kubha ꞉naamobhooriri mara e ghatato kubha, “Kana, nonsiighiri?” Akamugharokeri akabhugha, “Oo Omutëmi, nogheeche ghoose. Weeche kubha neghosiighiri.” Yesu akamobhoorera akabhugha, “Oriishi changʼöndu cheene.

Yohana 21:17 Referans Kwoze

Yohana 13:38

Yesu akamugharokeri akabhugha, “Bheetero, m‑mahëënë nwisheriiri ghoku gho ghiri yaane? Mahëënë ˆneghakobhoorera, hano asërëëcha ekubha ekeere ghughamba, nookubha onyangiri ghatato.”

Maariko 14:72

Hayo hayo, asërëëcha eghaghamba mara e kabhere. Eriibhagha riyo, Bheetero akahiita amangʼana ghano Yesu ꞉amobhooriire arabhugha, “Reero asërëëcha akeere ghughamba mara e kabhere, nookubha onyangiri ghatato.” Bheetero hano ihëëbhiri ghayo, akarera chwee, changishori chaaru.

Yohana 16:30

Ibheere tokamënya kubha nogheeche ghoose, wiiki tookwënda omooto akobhoori ghyokyose. Gho ghayo, toghakumi kubha noruure kwo Waryobha.”

Obhohunyurëru 2:23

Wiiki, mahëënë nekobhiita kimu abhaghëndi bhaache. Niho abhaato bha makanisa ghoose bhakumënya kubha eni nekumööhërëri akörö na amiihëëbhö gha mooto woose. Wiiki nekoreha omooto woose ghate yaanyu kurëngʼaana na amaköri ghaache.

Abhaebheeso 4:30

Motiitumati Akörö Ahörëëru e Ryobha, gho kubha Akörö iyo n‑ekingʼöchö ke Ryobha ghokoonyu kubha inyu n‑abhaato bhaache moonyi, mbagha orosiko runo Eryobha rekuucha kobhatingori.

Amaköri gha Bhatomu 15:8

Eryobha niryo ryeche ghoose ghano ghaanyi mo‑metema ghe bhaato, ndyërëkiri kubha abhaato bha matöngö bhoose ndebhiisheriiri, gho kubha bhoose mbahaabhuru Akörö Ahörëëru, bhuure bhuure kinya itu Abhayahuuti tuhaabhuru.

Yohana 15:10

Aribha moraghööta amaraghereri ghaane, mokwëndërëra ghwikara mo‑bhosiighi bhoone, kinya bhuure eni nighöötiri amaraghereri gha Taata waane na ghwikara mo‑bhosiighi bhooche.

Yohana 14:15

“Aribha monsiighiri, moghughööta amaraghereri ghaane.

2 Bheetero 3:1

Abhasiighani bhaane, anyaarubha ino n‑e kabhere ino ˆnekabhaandëkëra. Mo‑chanyaarubha choose ibhere ꞉niiköngʼiri kobhooki amiihëëbhö ghaanyu amachömu, gho nchëra e kobhahiiti.

1 Bheetero 1:6

Mbe, muchömëru chwee ighoro e mangʼana ghayo, nangabha ibheere kwo riibhagha ighuhe mookubha na amacheeche ighoro e masaki gha manga maaru.

2 Abhakorinto 1:12

Mbe, itu ntokwihachera rino, mo‑metema ghiito ntoonyi no obhuhëënë kubha, mo‑se hano, na ahanene mo‑bhughöötani bhwito na niinyu, ntumanyiri kwo bhughöröröku na kwo bhuhëënë bhuno bhookoru kwo Waryobha. Totaaköriri hangʼu kwo mangʼiini gha se ino, amare n‑gho ghareeya e Ryobha.

Amaköri gha Bhatomu 1:24

Hano bhamariri, bhakarisabha Eryobha bharabhugha, “Omutëmi, iye niiye oghyeche emetema ghe bhaato bhoose. Ibheere, ntoghusabha otwërëki n‑niwe ghate e bhano bhabhere uno wahwire.

Yohana 18:27

Bheetero akaanga wiiki akabhugha, “Taanyi eni.” Hayo hayo, asërëëcha eghaghamba.

Yohana 18:4

Mbe, Yesu naare eche ghoose ghano ghakuucha komubhöna, aghatanura aghaye akabhabhoori abhaato bhayo akabhugha, “Kana, n‑niwe moghutabhara?”

Yohana 12:8

Abhahabhe mookubha nabho chaasiko choose. Amare eni nteekubha haghirohamu na niinyu chaasiko choose.”

Mataayo 25:40

Niho eni uno neenyi Omutëmi nekobhagharokeri nebhughe, ‘Mahëënë ˆnekabhabhoorera, ghyokyose kino muköriire umu mo‑bhakumi bhano bhakorighibhu bhataanyi no obhwëra, mbe, neeni muköriire.’

Obhohunyurëru 3:19

Abhaato bhano eni nesiighiri, nehaabhahiinya na kobhahööcha. Mbe, mubhe moriiköngʼi na ghotuukuunera amasari ghaanyu.

Yohana 21:18

Mahëënë ˆneghakobhoorera, hano ore omobhureni, noore unariri kobheeka changibho cheecho, na ghuye hohoose hano wëndiri. Amare hano oghokunguha, noghughöröröki amabhökö ghaacho no omooto owonde naghokobheeki changibho cheecho na ghokohira hano otaakwënda ghuye.”

Yohana 4:16

Yesu akamugharokeri akabhugha, “Nooghi omobherekere omosubhe waacho, uche nawe hano.”

Amaköri gha Bhatomu 11:10

Angʼana iyo ekarwera ghatato, antenero ebheghiro bhiyo bhyose bheghagharokibhu ighoro mwishaaro.