Yohana 21:15 - Eriiraghano Eriihë

¹⁵ Hano bhamariri kuraaghëra, Yesu akamobhoori Bheetero akabhugha, “Simiyooni, omoona o Yohana, kana, nonsiighiri eni ghokera bhuno bhano bhansiighiri?” Bheetero akamugharokeri akabhugha, “Hee, Omutëmi, weeche kubha neghosiighiri.” Yesu akamobhoorera akabhugha, “Oriishi abhaana bha changʼöndu cheene.”

Yohana 21:15 Referans Kwoze

Abharuumi 15:1

Mbe, itu bhano tuköngʼiiri mo‑bhokumi bhwito, ntokwëndëru ghoghumereri abhaghëndi bhiito bhano bhataamara bhaköngʼëri mo‑bhokumi bhoobho. Tobhasakëri mo‑bhutöbhu bhoobho, na totaköra amangʼana ghano ghaghotuchömëri itu bheene.

1 Yohana 4:19

Ibheere itu ntosiighiri bhaghëndi bhiito ne Eryobha ntoresiighiri, gho kubha Eryobha niryo ꞉riishamiri ghotosiigha.

1 Bheetero 1:8

Inyu momosiighiri, nangabha motaamara komorighi. Wiiki nangabha motaakomorighi ibheere, amare mokomokumi. Gho ghayo, muchömiiru chwee mo‑bhokumi, oghuchömëru kuyo nkoonyi no obhokumi obhokoro bhuno bhotaaghotora koru ghughambu,

Abhaebheeso 6:24

Aghareeya e Ryobha, ibhe na bhoose bhano bhamosiighiri Omutëmi wiito Yesu Kirisito, kwo bhosiighi bhuno bhotaanyi na antenero. Hawubhaabha.

Amaköri gha Bhatomu 20:28

Akörö Ahörëëru nebhatooriri mubhe abhiimeerereri bha bhaato bhaache. Gho ghayo, mubhe moriichonga inyu bheene, mubhe morachonga ne eriikanisa reeche, gho kubha eriikanisa riyo, Eryobha ndereghoriri kwo masaahë gha Moona waache kobhatoori.

1 Yohana 5:1

Omooto wowoose uno aghokumi kubha Yesu n‑Kirisito, niwe omoona o Ryobha. Wowoose uno akomosiigha omwibhori, nakobhasiigha na abhaana bha mwibhori uyo.

Yohana 16:27

Taata omwene nabhasiighiri inyu, gho kubha inyu monsiighiri eni, wiiki moghokumi kubha neruure o‑Taata.

1 Bheetero 2:25

Moore mobhoriri kinya changʼöndu chino chetighuru mo‑nchëra, amare ibheere, momugharokiire Omoriishi waanyu uno akobhachonga.

Abheebhuraaniya 4:13

Wiiki ghetaanyi‑ho eghetyenyi ghyokyose kino kiibhisiri ambërë e Ryobha. Ebheghiro bhyose mbeenyi haheero ambërë yaache, iwe niwe tokomobhoorera emeremo ghiito ghyose ghino toore toraköra.

Ruuka 22:32

Amare, neghusabhiire kwo Waryobha, kubha otakindu mo‑bhokumi bhoocho. Na hano okubha ungarökiire, obhatoore changuru abhaghëndi bhaacho.”

Abheebhuraaniya 13:20

Mbe, Eryobha re murëmbë ꞉ndeemoryokiri Omutëmi wiito Yesu, Omoriishi Omokoro o changʼöndu, gho ghiri ekubha ꞉niitiri amasaahë ghaache ghano ghahëënëhiri eriiraghano re miishe ghyose.

Abharuumi 14:1

Momughënëhi omokumi mughëndi waanyu uno ataamara aköngʼëri mo‑bhokumi bhooche. Motahakaana nawe ighoro e miihëëbhö ghaache gharaanga koghwana na ghaghaanyu.

Mataayo 16:17

Yesu akamobhoorera akabhugha, “Oo Simiyooni mwërëëti o Yoona, witabhiiru gho kubha taanyi‑ho omooto uno akohunyuriire rino, amare n‑Taata waane uno anyi Mwishaaro.

Obhohunyurëru 2:23

Wiiki, mahëënë nekobhiita kimu abhaghëndi bhaache. Niho abhaato bha makanisa ghoose bhakumënya kubha eni nekumööhërëri akörö na amiihëëbhö gha mooto woose. Wiiki nekoreha omooto woose ghate yaanyu kurëngʼaana na amaköri ghaache.

1 Bheetero 2:2

Kinya bhuno ebhengʼwerere bhehiighomba amabhëërë gha bhaanyina, na niinyu bhuure bhuure mwighombe amabhëërë gha hëënë gha Körö e Ryobha, kubha muköngʼë na ghotooribhu.

Abhagharatiya 5:6

Mbe, aribha tughöötiine na Kirisito Yesu, ghusaaru hamu kwanga ghusaaru ghotaanyi ne ekebhune ghyokyose. Egheghiro ke bhwëra n‑obhokumi bhwito bhuno bhohaaköra emeremo kwo bhosiighi.

Yohana 21:12

Yesu akabhabhoorera abhaanabheegha bhaache akabhugha, “Muuche muraaghërë.” Mo‑bhaanabheegha bhaare taare‑ho uno asakiri komobhoori kubha, “Iye n‑niwe?” Gho kubha ꞉mbaamënyiri kubha n‑Omutëmi.

Yohana 21:7

Omoonamwegha uno Yesu amosiighiri, akamobhoorera Bheetero akabhugha, “N‑Omutëmi!” Eriibhagha Simiyooni Bheetero oghwire kubha n‑Omutëmi, akabheeka changibho cheeche chino are aruusiri hano are araweesana, akiirëkëra mo‑nyancha.

Mataayo 18:10

Yesu akëëndërëra kobhabhoorera, “Mubhe amiisho, motataraaha umu mo‑bhasuuhu bhano! Gho kubha ˆnekabhabhoorera kubha, bhamarayika bhaabho bha Mwishaaro eriibhagha ryose mbaanyi ambërë e Taata waane uno anyi Mwishaaro. [

Abhaebheeso 4:14

Mbe, totaakubha wiiki ke bhaana, torarëkëru na kohiru ino na ino no obhukama bho meeghi ghano ghakurëëtu na abhaato abhabhiihi, kubha bhatongʼiine tutambane chanchëra cheebho.

1 Abhakorinto 8:11

Gho nchëra iyo, omokumi mughëndi waacho uno ataamara aköngʼëri mo‑bhokumi, uno Kirisito akweriire, nakobhora gho ghiri e bhumënyi bhoocho.

Yohana 8:42

Yesu akabhagharokeri akabhugha, “Aribha Eryobha rengabheere Taata waanyu, mbe, mongabheere moransiigha, gho kubha neeni neruure kwo Waryobha ni ibheere hano neenyi. Eni ntiichiri gho changuru cheene, amare n‑Eryobha niryo rentomiri.

Maariko 14:29

Niho Bheetero akamobhoorera akabhugha, “Koru nangabha abhaghëndi bhaane bhoose bharaghotigha, eni nteeghoghotigha.”

Ruuka 12:32

“Motatiina, inyu erikinda isuuhu, gho kubha Iso waanyu uno anyi Mwishaaro nasiighiri kobhaha obhutëmi bhooche.

Mataayo 10:37

Omooto wowoose uno amosiighiri ishe hamu nyina ghonkera eni, uyo taakundëngʼaanera. Wiiki, wowoose uno amosiighiri omoona waache, hamu omuukë waache, ghonkera eni, uyo woose taakundëngʼaanera.

Yohana 13:37

Bheetero akamobhoori akabhugha, “Oo Omutëmi, ghwake nteeghotora ghoghutambana ibheere? Eni niisheriiri ghoku gho ghiri yaacho!”

Yohana 1:42

Niho Andereya akamohira Simiyooni o‑Yesu. Yesu akamumööhërëri Simiyooni, akamobhoorera akabhugha, “Iye Simiyooni, mwërëëti o Yohana, korwera reero, eriina reecho nokobherekeru Keebha.” Eriina riyo gho Keyunaani m‑Bheetero, egheteemoro keeche n‑Eriitare.

Mataayo 26:35

Bheetero akamugharokeri akabhugha, “Koru aribha ekwëndëru kubha neku haghirohamu na niiye, eni nteghokwanga naabha!” Abhaanabheegha abhande bhoose bhaghasiikëra hangʼu hangʼu.

Mataayo 26:33

Akamara Bheetero akamobhoorera Yesu akabhugha, “Koru erabha abhaghëndi bhaane bhoose bhaghoghotigha, eni nteeghoghotigha naabha!”

Amaköri gha Bhatomu 20:29

“Nyeeche kubha hano neekubha nebhatighiri inyu, abhaato bhahaari kinya chasuuche, mbakuucha ghateghate yaanyu, na bhataakorerigheri changori erikinda riyo.