Yohana 20:28 - Eriiraghano Eriihë

²⁸ Tomaso akamugharokeri akabhugha, “Omutëmi waane ne Eryobha reene!”

Yohana 20:28 Referans Kwoze

Yohana 1:1

Simoka hayo, Angʼana neere‑ho. Angʼana iyo neere haghirohamu ne Eryobha. Wiiki Angʼana iyo neere Eryobha.

1 Timotewo 3:16

Amangʼana gha bhuhëënë ghano Eryobha rehunywire n‑gha koroghoori, nagho nigho ghano: Kirisito niyëërëkiini mo‑mobhere, na Akörö Ahörëëru ekamuhëënëhi kubha, mughöröröku, akarighibhu na bhamarayika, akaraghanibhu mo‑matöngö ghoose, aghakumibhu na abhaato bha mo‑se, aghaghëghu ghuye ighoro mo‑bhokumi bhooche obhokoro.

Mataayo 14:33

Mbe, abhaanabheegha bhano ꞉bhaasaaghiri mo‑bhwato, bhakamusëngëra Yesu bhakabhugha, “Mahëënë, iye n‑Omoona o Ryobha onyi!”

Yohana 5:23

Gho nchëra iyo, abhaato bhoose mbakomosooka Omoona kinya bhuno bhakomosooka Taata. Omooto wowoose uno ataakomosooka Omoona, mbe, taakomosooka Taata uno amotomiri.

Ruuka 24:52

Hayo bhakamusëngëra, bhakamara bhaghagharuka Yerusareemu, bharasiighasiigha chwee.

Yohana 20:16

Yesu akamobherekera akabhugha, “Iye Mariyamu!” Niho Mariyamu aghiishoorori wiiki, akamorighi Yesu, aghasiikëra gho Kebhuraaniya akabhugha, “Rabhooni!” Egheteemoro keeche “Omweghi.”

Yohana 20:31

Amare ebhyërëkërëri bhino bheenyi mo‑ghitabhu kino bhyandëkuru motore ghokumi kubha Yesu niwe Kirisito, Omoona o Ryobha, na gho komokumi mubhönë obhuhöru bho miishe ghyose kwo riina reeche.

Yohana 20:27

Mbe, Yesu akamobhoorera Tomaso akabhugha, “Oo Tomaso, nuuche onturi ne ekyara keecho mo‑mabhökö ghaane. Wiiki, onturi no okubhökö koocho mo‑rubharu roone. Ötëëndërëra kwanga ghokumi, amare okumi.”

Yohana 20:29

Yesu akamugharokeri akabhugha, “ˆOghakumi gho kubha nondooche. Mbiitabhiiru bhano bhankumiri koru nangabha bhatandooche.”