Yohana 20:19 - Eriiraghano Eriihë

¹⁹ Ekabha omughörööbha orosiko ruyo ruyo o rumbërë, abhaanabheegha bha Yesu mbaare bhiikomiine mo‑nyumba imu na ghwighara charwighe gho kubha mbaare bharabhatiina abhakangati bha Bhayahuuti. Yesu akaacha akiimeerera ghateghate yaabho, akabhakëëri akabhugha, “Nekobhakëëri. Omurëmbë ubhe na niinyu!”

Yohana 20:19 Referans Kwoze

Yohana 20:26

Hano chaasiko mohungate chehetiri, abhaanabheegha bha Yesu bhaghiikomana haghirohamu wiiki mo‑nyumba. Orosiko ruyo Tomaso woose naare haghirohamu nabho. Charwighe ncheere chigheere, hayo hayo, Yesu akaacha, akiimeerera ghateghate yaabho, akabhakëëri akabhugha, “Nekobhakëëri. Omurëmbë ubhe na niinyu!”

Yohana 14:27

Hano neghutanura, nekobhatighera omurëmbë, omurëmbë waane nekobhaha. Omurëmbë uno taanyi kinya uno okoru mo‑se. Motiitumata mo‑metema gheenyu, wiiki motatiina ghyokyose.

Yohana 20:21

Yesu akabhabhoorera wiiki akabhugha, “Omurëmbë ubhe na niinyu. Kinya bhuno Eryobha rentomiri eni, hangʼu hangʼu na neeni ˆnekabhatoma inyu mo‑se ino.”

Abhaebheeso 2:14

Kirisito omwene naturëëtiire omurëmbë gho kobhaköra Abhayahuuti na abhaato bha matöngö kubha egheghiro kimu. ꞉Naaköriri hangʼu gho nchëra e kuhaanyura oroghito runo roore rotutaaniri na ghotuköra abhabhisa. Oroghito ruyo nduhanywiru gho nchëra e roko rooche,

2 Abhatesaronike 3:16

Ibheere, Omutëmi Yesu omwene uno anyi omutangi o murëmbë, abhe arabhaha omurëmbë eriibhagha ryose gho chanchëra haghare haghare. Iwe abhe haghirohamu na niinyu bhoose.

Yohana 7:13

Amare taare‑ho omooto uno are aramughamba Yesu haheero, gho kubha ꞉mbaabhatiiniri abhakangati bha Bhayahuuti.

Maariko 16:14

Antenero, Yesu ˆakabharwera abhaanabheegha bhaache ikomi na umwa, hano bhaare haghirohamu, bhararaaghëra. Akabhahiinya gho ghiri e bhuköngʼu bho metema gheebho, gho kubha ꞉mbaangiri ghoghakumi amangʼana gha bhaghëndi bhaabho bhano bhamorooche Yesu hano ꞉aryokiibhu mo‑bhaku.

Obhohunyurëru 1:4

Eni Yohana ˆnekabhaandëkëra anyaarubha ino abhaghëndi bha Yesu bha makanisa mohungate ghano ghaanyi mo‑mukööwa o Asiya. Nëköbhëëndëra aghareeya no omurëmbë, koru kwo Waryobha uno anyi‑ho, na korwera simoka naare‑ho, na naakubha‑ho, na koru gho Chaakörö mohungate chino cheenyi ambërë e ghetumbe ghe ghitëmi,

1 Abhakorinto 15:5

Akiyëërëkani gho Keebha, na kwo bhatomu bhaache ikomi na bhabhere.

Yohana 16:33

Nebhughiri ghayo ghoose kubha mubhe no omurëmbë mo‑metema gheenyu, gho kubha moonyi moose yaane. Mo‑se muno mokubhöna anyaako yaaru, amare mwitoore omukörö gho kubha eni neyekindiri ase.”

Abheebhuraaniya 7:2

Iwe Abhurahamu akaruusi imu ghwi ikomi mo‑bheghiro bhino ahökiri abhatëmi bhaare mwihë na komuha Merikiseteeki. Eriina re Merikiseteeki egheteemoro keeche, “Omutëmi uno anyi no obhuhëënë,” wiiki eriina re “Omutëmi o Sareemu” egheteemoro keeche, “Omutëmi o murëmbë.”

Abhabhiribhi 1:2

Ntököbhëëndëra aghareeya no omurëmbë koru kwo Waryobha Taata wiito na kwo Mutëmi wiito Yesu Kirisito ghibhe haghirohamu na niinyu.

Abhaebheeso 6:23

Nëköbhëëndëra inyu abhahiiri bhaane omurëmbë, no obhosiighi haghirohamu no obhokumi koru o‑Taata Waryobha na kwo Mutëmi wiito Yesu Kirisito.

Abharuumi 15:33

Eryobha rino rekobhaha omurëmbë, ribhe haghirohamu na niinyu bhoose. Hawubhaabha.

Yohana 16:22

Inyu moonyi na amacheeche kwo riibhagha rino. Amare nekuucha wiiki ghokoonyu, na niinyu mookubha na ghuchömëru mo‑metema gheenyu. Taanyi‑ho uno akoruusi ghuchömëru kuyo mo‑metema gheenyu.

Mataayo 18:20

Nekobhugha hangʼu gho kubha aribha bhaanyi‑ho abhaato bhabhere hamu bhatato bhano bhatëmëriine kwo riina reene, na neeni neekubha haghirohamu nabho.”

Mataayo 10:13

Mbe, aribha bhaanyi‑mu abhaato bhano bharëngʼaaniire omurëmbë uyo, mobhasabhere kubha Eryobha rebhiitabheri. Amare aribha bhataanyi‑mu bhano bharëngʼaaniire, omurëmbë uyo obhagharukere inyu.

Yohana 21:1

Hano ghayo ghahetiri, Yesu akabharwera wiiki abhaanabheegha bhaache rubhareka ro nyancha e Tibheeriya.

Yohana 21:14

Iyo neere mara e ghatato Yesu kobharwera abhaanabheegha bhaache, korwera hano Eryobha remoryokiri koru mo‑bhaku.

Amaköri gha Bhatomu 1:3

Kwo riibhagha re chaasiko miröngö ene achekumara koryoka, akabha ariyëërëkani kwo bhatomu bhaache mara kaaru, kubha bhakumi iwe m‑muhöru. Wiiki akabha arabheeghi amangʼana ighoro e bhutëmi bho Ryobha.

3 Yohana 1:14

Amare, neghwitëngʼëra ghoghutaarera ghano matiko na ghosiikëra haghirohamu na niiye obhosho kwo bhosho.