Yohana 20:13 - Eriiraghano Eriihë

¹³ Bhamarayika bhaare bhakamobhoori bhakabhugha, “Oo yiima, neke okorerera?” Iwe akabhagharokeri akabhugha, “Abhaato mbariimokiri erihundughu re Mutëmi waane, wiiki ntyeche hayi bharehiriri!”

Yohana 20:13 Referans Kwoze

Yohana 20:15

Yesu akamobhoori akabhugha, “Oo yiima, neke okorerera? Kana, n‑niwe oghutabhara?” Mariyamu ꞉niihëëbhiri kubha omooto uyo naare omutamishi o kinyaweera, akamugharokeri akabhugha, “Oo taata, aribha n‑iye oreruusiri erihundughu reeche, omboorere hayi oretooriri, eni neeghuye neriimoki.”

Yohana 2:4

Yesu akamugharokeri nyina akabhugha, “Yiima, otamboorera rino nekwëndëru ghuköra! Eriibhagha reene re ghuköra emeremo rekeere kohika.”

Amaköri gha Bhatomu 21:13

Amare aghatugharokeri akabhugha, “Ghwake mokorera na kwënda koonyita omukörö? Kana eni niisheriiri kubhöhu, koru ghwitu iyo Yerusareemu gho ghiri e riina re Mutëmi Yesu.”

Yohana 20:2

Mbe, aghaye arayaara mbagha o‑Bheetero na kwo moonamwegha uno Yesu are asiighiri. Akabhabhoorera akabhugha, “Abhaato mbaruusiri erihundughu re Mutëmi wiito mo‑mbeehera, koru toteeche hayi bharehiriri!”

Yohana 19:26

Hano Yesu amorooche nyina no omoonamwegha uno amosiighiri chwee imeeriire haghuhe na nyina, akabhugha, “Oo yiima, mumööhërëri uno, niwe omoona waacho.”

Ruuka 24:17

Akabhabhoori akabhugha, “Mangʼana ke moghughënda morasiikërëra?” Bhakiimeerera, obhosho bhoobho bhwikunyiri bhörëërëki amacheeche.