Yohana 2:24 - Eriiraghano Eriihë

²⁴ Amare Yesu tabhakumiri, gho kubha ꞉naabhamënyiri bhoose.

Yohana 2:24 Referans Kwoze

Yohana 6:64

Amare mbaanyi‑ho abhande ghateghate yaanyu bhano bhakwanga ghonkumi.” Yesu ꞉naabhughiri hangʼu gho kubha ꞉naamënyiri koru simoka kubha m‑bhawe bhano bhakwanga komokumi, na kubha n‑niwe uno akuucha komwigharurani.

Abheebhuraaniya 4:13

Wiiki ghetaanyi‑ho eghetyenyi ghyokyose kino kiibhisiri ambërë e Ryobha. Ebheghiro bhyose mbeenyi haheero ambërë yaache, iwe niwe tokomobhoorera emeremo ghiito ghyose ghino toore toraköra.

Amaköri gha Bhatomu 1:24

Hano bhamariri, bhakarisabha Eryobha bharabhugha, “Omutëmi, iye niiye oghyeche emetema ghe bhaato bhoose. Ibheere, ntoghusabha otwërëki n‑niwe ghate e bhano bhabhere uno wahwire.

Mataayo 9:4

Amare Yesu naare eche ghoose ghano ꞉bhaare bhariihëëbha, akabhabhoori akabhugha, “Ngwake kana moghwituuri amabhe mo‑metema gheenyu?

Yohana 16:30

Ibheere tokamënya kubha nogheeche ghoose, wiiki tookwënda omooto akobhoori ghyokyose. Gho ghayo, toghakumi kubha noruure kwo Waryobha.”

Yohana 5:42

Amare eni nebheeche inyu kebhuno moonyi, kubha motaresiighiri Eryobha mo‑metema gheenyu.

Obhohunyurëru 2:23

Wiiki, mahëënë nekobhiita kimu abhaghëndi bhaache. Niho abhaato bha makanisa ghoose bhakumënya kubha eni nekumööhërëri akörö na amiihëëbhö gha mooto woose. Wiiki nekoreha omooto woose ghate yaanyu kurëngʼaana na amaköri ghaache.

Yohana 21:17

Akamobhoori mara e ghatato akabhugha, “Simiyooni, omoona o Yohana, kana nonsiighiri?” Mbe, Bheetero akabha na amacheeche gho kubha ꞉naamobhooriri mara e ghatato kubha, “Kana, nonsiighiri?” Akamugharokeri akabhugha, “Oo Omutëmi, nogheeche ghoose. Weeche kubha neghosiighiri.” Yesu akamobhoorera akabhugha, “Oriishi changʼöndu cheene.

Maariko 2:8

Hayo hayo Yesu akamënya amiihëëbhö gha mo‑metema gheebho, akabhabhoorera kubha, “Ngwake mokwihëëbha hangʼu mo‑metema gheenyu?

Yohana 6:15

Yesu akamënya kubha abhaato bhaare ꞉mbëëndiri komughööta, na komotoora gho changuru kubha omutëmi waabho. Amare iwe aghatanura, aghaye wiiki a‑gheghoro omwene chiri.

Yohana 1:42

Niho Andereya akamohira Simiyooni o‑Yesu. Yesu akamumööhërëri Simiyooni, akamobhoorera akabhugha, “Iye Simiyooni, mwërëëti o Yohana, korwera reero, eriina reecho nokobherekeru Keebha.” Eriina riyo gho Keyunaani m‑Bheetero, egheteemoro keeche n‑Eriitare.

Amaköri gha Bhatomu 15:8

Eryobha niryo ryeche ghoose ghano ghaanyi mo‑metema ghe bhaato, ndyërëkiri kubha abhaato bha matöngö bhoose ndebhiisheriiri, gho kubha bhoose mbahaabhuru Akörö Ahörëëru, bhuure bhuure kinya itu Abhayahuuti tuhaabhuru.

Yohana 4:16

Yesu akamugharokeri akabhugha, “Nooghi omobherekere omosubhe waacho, uche nawe hano.”