Yohana 2:22 - Eriiraghano Eriihë

²² Hano aryokiri koru mo‑bhaku, abhaanabheegha bhaache bhakahiita amangʼana ghano ꞉abhughiri. Gho ghayo, bhaghakumi amangʼana ghano ghaandëkuru mo‑Mandëkö Amatööbhiyu, na amangʼana ghano Yesu ꞉abhughiri.

Yohana 2:22 Referans Kwoze

Yohana 12:16

Eriibhagha riyo, abhaanabheegha bha Yesu bhataamënyiri ghayo. Amare hano Yesu aryokiri, bhakahiita kubha ghano ghaandëkuru ighoro yaache, nibhu abhaato ꞉bhaamuköriire.

Yohana 16:4

Amare ˆnekabhabhoorera ghayo, kubha eriibhagha reebho re ghuköra ghayo reraacha kohika, mohiite kubha ꞉neebhabhooriire. “Ntebhabhooriire amangʼana ghayo korwera ekeenyuma gho kubha, neere haghirohamu na niinyu.

Yohana 14:26

Amare Omotoorereri uyo, egheteemoro keeche n‑Akörö Ahörëëru, ino Taata akoyetoma ghokoonyu kwo riina reene, nekobheeghi na kobhahiiti ghoose ghano neere nebhabhooriire.

Yohana 2:17

Hano abhaanabheegha bhaache bhooghwire ghayo, bhakahiita amangʼana ghano ghaandëkuru mo‑Mandëkö Amatööbhiyu kubha, “Obhosiighi bhoone mo‑nyumba yaacho mboghwaka moose yaane kinya omororo na mbokuumara.”

Amaköri gha Bhatomu 11:16

Nekahiita angʼana yiire Omutëmi ꞉atobhooriire, ‘Yohana ꞉naabhatiisiri abhaato kwo manche, amare inyu mokubhatiisu gho Körö Ahörëëru.’

Yohana 2:11

Yesu ꞉naaköriri ekyërëkërëri kino mo‑moghya o Kana mo‑mukööwa o Ghariraaya. Ekyërëkërëri kiyo nikyo keere e kimbërë ghuköru kwërëki obhokumi bhooche obhokoro mo‑bhaato. Gho ghayo, abhaanabheegha bhaache bhakamokumi.

Ruuka 24:44

Akamara akabhabhoorera akabhugha, “Eriibhagha neere nekeere neenyi haghirohamu na niinyu, ghano, nigho amangʼana ghaane ghano ꞉neebhabhooriire, kubha ghoose ghano ghaandëkuru ighoro yaane ngakwëndëru ghahikeerane. Ibhe mo‑meghiro ghe Musa, na mo‑Mandëkö gha bharööti, na gha Sabhuri.”

Ruuka 24:26

Kana yëndiiru Kirisito abhönë anyaako ino, akeere kubhöna obhokumi bhooche obhokoro.”

Yohana 2:2

Yesu na abhaanabheegha bhaache bhoose mbaare bharaghiinu, mwirugha riyo.

Amaköri gha Bhatomu 13:33

ngakörëkiine ghokwito itu abhaana bhaabho gho komoryoki Yesu, kinya bhuure yandëkuru mo‑ghitabhu ghe Sabhuri e kabhere, ‘Iye niiye Omoona waane, eni reero nibheere Iso waacho.’