Yohana 2:19 - Eriiraghano Eriihë

¹⁹ Yesu akabhabhoorera akabhugha, “Muhaanyure Erisëngërö rino, eni nekoryabhëka gho chaasiko ishato.”

Yohana 2:19 Referans Kwoze

Maariko 14:58

“Itu ntomooghwire omooto uno arabhugha, ‘Eni nekuhaanyura Erisëngërö re Ryobha rino abhaato ꞉bhaabhëkiri. Wiiki, nekwabhëka erende gho chaasiko ishato hangʼu, naryo retaakwabhëku na abhaato.’ ”

Maariko 15:29

Abhaato bhano ꞉bhaare bharaheta hayo, mbaare bharasingisi emitu gheebho na komotoka bharabhugha, “Kana! Iye, ꞉noobhughiri kubha nokuhaanyura Erisëngërö re Ryobha na koryabhëka wiiki gho chaasiko ishato!

Mataayo 27:40

“Kana! Iye, ꞉noobhughiri kubha nokuhaanyura Erisëngërö re Ryobha na koryabhëka wiiki gho chaasiko ishato! Ibheere, wiitoori iye mwene. Aribha iye n‑Omoona o Ryobha onyi, nwike mo‑musarabha!”

Mataayo 12:40

Kinya bhuure Yoona ꞉ikeere chaasiko ishato mo‑nda e su ankoro obhotiko no omwishe, hangʼu hangʼu na neeni uno neenyi Omoona o Mooto neghwikara chaasiko ishato mo‑mbeehera obhotiko no omwishe.

Abharuumi 8:11

Akörö Ahörëëru ino eghwikara moose yaanyu, niyo Akörö e Ryobha ino emoryokiri Kirisito Yesu koru mo‑bhaku. Gho ghayo, Eryobha ndeghoghiha obhuhöru emebhere gheenyu ghino ghehaaku, gho changuru che Körö Ahörëëru ino eghwikara moose yaanyu.

Amaköri gha Bhatomu 3:15

Mbe, mokamwita uno anyi omutangi o bhuhöru! Amare Eryobha rekamoryoki koru mo‑bhaku, na niitu n‑abhiibhateri bha koryoka kooche toonyi.

Amaköri gha Bhatomu 2:32

Yesu uyo, Eryobha ꞉ndeemoryokiri koru mo‑bhaku, itu bhoose n‑abhiibhatereri bha ngʼana iyo toonyi.

Amaköri gha Bhatomu 2:24

Amare Eryobha rekamotoori koru mo‑mabhe ghayo gho komoryoki koru mo‑bhaku, gho kubha oroko rotangatoriri komwangera Yesu!

1 Bheetero 3:18

Kirisito woose nanyaakiru mara rimu hangʼu gho ghiri e masari, omooto omuhëënë gho ghiri e bhaato bhano bhataanyi abhahëënë, kubha atughöötani ne Eryobha. Omobhere ꞉wiituru, amare kwo bhotoro bho Akörö Ahörëëru ꞉naabhwine wiiki obhuhöru.

Abharuumi 6:4

Hano tubhatiisuru, ntoore kinya tokuure na koryeku haghirohamu nawe, kubha kinya Kirisito aryokiri koru mo‑bhaku gho changuru inkoro che Waryobha Taata, hangʼu hangʼu, koru itu ntoghotora kumanya eriimanya eriihë.

Yohana 11:25

Yesu akamugharokeri akabhugha, “Eni neeni obhoryoki bhuyo, no obhuhöru. Omooto wowoose uno aghonkumi eni, koru nangabha akuure, naakubha muhöru.

Maariko 8:31

Akamara Yesu aghasëëma kobheeghi abhaanabheegha bhaache kubha nakwëndëru, Omoona o Mooto, abhönë anyaako ihaari, na kwangu na abhagharuka bha Bhayahuuti, na abhakoro bha bhachaama, na abheeghi bha meghiro, na ghwitu. Amare orosiko ro ghatato korwera ghoku ghokooche, nakoryoka.

Abhakorosaayi 2:12

Hano mubhatiisuru, atëëmö e kare ꞉neekuure ekaryeku haghirohamu na Kirisito, wiiki atëëmö ahë, ekaryoka haghirohamu nawe, gho kubha mokumiri changuru che Ryobha rino remoryokiri koru mo‑bhaku.

1 Abhakorinto 15:12

Ibheere, aribha ekuraghanibhu kubha Kirisito naryokiri koru mo‑bhaku, ibheere ngwake abhande ghate yaanyu bhakobhugha kubha abhaku bhataakoryoka?

Abharuumi 4:24

amare ngaandëkuru koru gho ghiri yiito bhoose. Amangʼana ghayo ngaghotobhoorera kubha torarekumi Eryobha rino remoryokiri Yesu Omutëmi wiito koru mo‑bhaku, niho koru itu tokubhareru kubha bhano toonyi no obhuhëënë ambërë e Ryobha.

Amaköri gha Bhatomu 3:26

Mbe, hano Eryobha remwahwire omutamishi waache Yesu, ꞉ndeemotomiri ghokoonyu singa, kubha abhiitabheri gho koruusi mooto woose mo‑mabhe ghaache.”

Yohana 5:19

Yesu akabhabhoorera abhakangati bhaare akabhugha, “Mahëënë ˆnekabhabhoorera, Omoona taaghotora ghuköra ghyokyose gho changuru cheeche. Naghotora ghuköra ghano arooche Ishe araghaköra, wiiki ghoose ghano Ishe aghuköra, nigho ghayo ghayo Omoona aghuköra.

Mataayo 27:63

Bhakamobhoorera bhakabhugha, “Oo omutëmi, tokahiita kubha omuröngö wuure hano are akeere muhöru, ꞉naasiikiire akabhugha, ‘Mo‑rosiko ro ghatato, nekoryoka koru mo‑bhaku.’

Mataayo 16:21

Korwera eriibhagha riyo, Yesu aghasëëma kobhabhoorera abhaanabheegha bhaache haheero kubha nakwëndëru aghi Yerusareemu, na kubhöna anyaako yaaru. ꞉Naabhabhooriire kubha, nakunyaakibhu na abhagharuka bha Bhayahuuti, na abhakoro bha bhachaama bha Ryobha na abheeghi bha meghiro, na ghwitu. Amare orosiko ro ghatato, nakoryoka.

Amaköri gha Bhatomu 6:14

Wiiki ntomooghwire arabhugha kubha, Yesu o Nasareeti nakuhaanyura Erisëngërö rino re Ryobha, wiiki naghugharura chaasughara chino Musa atotighiire.”