Yohana 2:16 - Eriiraghano Eriihë

¹⁶ Mbe, akabhabhoorera bhano ꞉bhaare bharaghori ebheghuuti akabhugha, “Mobheruusi ebheghuuti bheenyu hano! Motaköra anyumba e Taata waane kubha omutëëra!”

Yohana 2:16 Referans Kwoze

Mataayo 21:13

Yesu akabhabhoorera akabhugha, “Yandëkuru mo‑Mandëkö Amatööbhiyu kubha, ‘Anyumba yaane neekubha anyumba e masabhi.’ Amare inyu ˆmokayiköra kubha akööbhö e manyangara.”

Maariko 11:17

Akamara Yesu akabheeghi, arabhugha, “Kana, tyandëkuru mo‑Mandëkö Amatööbhiyu, kubha, ‘Anyumba yaane neekubha anyumba e masabhi kwo bhaato bha matöngö ghoose’? Amare inyu, ˆmokayiköra kubha akööbhö e manyangara!”

Ruuka 2:49

Akamugharokeri akabhugha, “Neke moore morantabharera? Moteeche kubha nekwëndëru kuhööya Mwisëngërö re Taata waane?”

2 Bheetero 2:3

Kwo miigha ghaabho amabhe gha kubhöna obhwëra koru ghokoonyu, mbaakubha bharabhabhoorera amaghano gha bhuröngö. Amare korwera kare, Eryobha ndiisëëmiri kobhatenera ekiina na retaamara ryebhu kobhasireekereri!

Yohana 5:17

Mbe, Yesu akabhabhoorera akabhugha, “Taata waane naghuköra emeremo chaasiko choose, eni woose neghuköra emeremo hangʼu hangʼu.”

1 Timotewo 6:5

wiiki ngaghusari obhoghwani chaasiko choose. Abhaato bhayo mbasarëkiri emitu, bhateeche obhuhëënë. Mbakwihëëbha kubha korisëngëra Eryobha niyo anchëra e kubhöna obhwame.

Yohana 20:17

Yesu akamobhoorera akabhugha, “Otangööta. Nekeere ntiimara neghi Mwishaaro o‑Taata. Mbe, nooghi obhabhoorere abhahiiri bhaane, kubha ˆneeghaye Mwishaaro o‑Taata waane, nawe n‑Taata waanyu, kwo Ryobha reene naryo n‑Eryobha reenyu.”

Yohana 10:29

Taata waane uno aheere changʼöndu chiyo m‑mokoro ghokera bhoose. Mbe, taanyi‑ho omooto uno aghotora ghochisara mo‑mabhökö ghaache.

Yohana 8:49

Yesu akabhagharokeri akabhugha, “Eni ntighöötë omusambu. Eni nemosookiri Taata, amare inyu moghuntaraaha eni.

Mataayo 21:12

Niho Yesu aghasöha mwigho re Mwisëngërö, akabhabhöna abhaato bhano ꞉bhaare bharaghori na ghoghora ebheghiro muyo, akabhahëëbha bhoose. Aghaturunkani chameecha che bhano ꞉bhaare bharakerani chambiiri ne ebhetumbe bhe bhano ꞉bhaare bharaghori chaasarari.

Mataayo 22:5

Amare bhano bharaghiinu bhatatereeriri. Bhaaghaye mo‑meremo gheebho, umu aghaye mo‑moghondo waache, owonde aghaye ghuköra obhosorocha.

Yohana 2:15

Hano Yesu agharooche ghayo, akooghosa omucharicho o rosiri, akabhahëëbha bhoose bhano ꞉bhaare bharaghori mo‑riigho re Risëngërö, haghirohamu na changʼömbë na changʼöndu. Aghacheturunkani chameecha che bhano ꞉bhaare bharakerani chambiiri, na ghusanchi chambiiri cheebho.