Yohana 2:15 - Eriiraghano Eriihë

¹⁵ Hano Yesu agharooche ghayo, akooghosa omucharicho o rosiri, akabhahëëbha bhoose bhano ꞉bhaare bharaghori mo‑riigho re Risëngërö, haghirohamu na changʼömbë na changʼöndu. Aghacheturunkani chameecha che bhano ꞉bhaare bharakerani chambiiri, na ghusanchi chambiiri cheebho.

Yohana 2:15 Referans Kwoze

2 Abhakorinto 10:4

Ebhiröönërö bhino tokuröönëra eriihë riyo bhetaanyi bhe mo‑se, amare mbeenyi na changuru chino cheekoru kwo Waryobha, na ncheghusari charwakyo choose che mobhisa.

Yohana 18:6

Mbe, hano Yesu abhabhooriire kubha, “Eni niwe,” abhaashirikare bhaare bhaghagharuka anyuma bhaaghagho haase.

Mataayo 21:12

Niho Yesu aghasöha mwigho re Mwisëngërö, akabhabhöna abhaato bhano ꞉bhaare bharaghori na ghoghora ebheghiro muyo, akabhahëëbha bhoose. Aghaturunkani chameecha che bhano ꞉bhaare bharakerani chambiiri ne ebhetumbe bhe bhano ꞉bhaare bharaghori chaasarari.

Yohana 2:14

Mbe, aghasöha mo‑riigho re Risëngërö, akabhabhöna abhaato bharaghori chaatugho chino ꞉cheeruusiibhu amaruusi, kinya changʼömbë, na changʼöndu ne ebheghuuti. Abhaato abhande mbaare bharakerani chambiiri.

Yohana 2:16

Mbe, akabhabhoorera bhano ꞉bhaare bharaghori ebheghuuti akabhugha, “Mobheruusi ebheghuuti bheenyu hano! Motaköra anyumba e Taata waane kubha omutëëra!”

Amaköri gha Bhatomu 27:32

Niho abhaashirikare bhayo bhakanunga chaasiri chino cheere chibhöhiri obhwato bhuyo, bhakabhotigha bhogho mo‑nyancha.