Yohana 19:17 - Eriiraghano Eriihë

¹⁷ Akaru mo‑moghya aghëghiri omusarabha waache, aghaye ahaghiro hano hakobherekeru gho Kebhuraaniya, “Ghorighööta,” egheteemoro keeche Ahaghiro ha Kehoore ke Mutu.

Yohana 19:17 Referans Kwoze

Ruuka 23:33

Hano bhahikiri ahaghiro hakobherekeru Ekehoore ke Mutu, bhakamumamba Yesu mo‑musarabha, haghirohamu na bhayo bha masari bhabhere, umu mo‑musarabha o kwiro, no owonde mo‑musarabha o kumosi.

Ruuka 14:27

Omooto uno ataaghughëgha omusarabha waache, na ghuntambana, taaghotora kubha omoonamwegha waane.

Ruuka 23:26

Hano abhaashirikare ꞉bhaare bharamohira Yesu komumamba, bhaghatëmëërana no omooto umu uno are araru a‑moghondo, eriina reeche Simiyooni, o mo‑moghya o Kireene. Simiyooni uyo, bhakamughööta, bhakamughëghi omusarabha o Yesu. Aghaye awughëghiri, anyi anyuma e Yesu.

Amaköri gha Bhatomu 7:58

bhakamoruusi anche e moghya, bhakamurasa amabhohe. Hano ꞉bhaare bhakeere komurasa amabhohe, abhiibhateri bhayo bhaghatoora amaghööti ghaabho haghuhe no omobhureni umu uno akobherekeru Sawuri, kubha aghachonge.

Maariko 15:32

Ango, iwe abhugha kubha niwe Kirisito, Omutëmi o Abhiisiraeri. Ibheere, niike koru mo‑musarabha, kubha tomorighi na komokumi!” Koru abhaato bhaare, ꞉bhaamamburu mo‑misarabha haghirohamu nawe, bhoose bhaakabha bharamotoka.

Ruuka 23:38

Ighoro yaache, ngaare ghatooruru amandëkö, ghano ghakobhugha, “uno niwe omutëmi o bhayahuuti.”

Ruuka 9:23

Akamara, Yesu akabhabhoorera bhoose kubha, “Omooto wowoose uno akwënda ghuntambana, nakwëndëru iyange omwene, aghëghë omusarabha waache chaasiko choose, antambane.

Maariko 15:26

Mbatooriri ighoro e musarabha amandëkö gha masëmö ghaache, ghano ꞉ghaare gharabhugha, “uno niwe omutëmi o bhayahuuti.”

Maariko 10:21

Yesu akamumööhërëri, akamosiigha, akamobhoorera akabhugha, “Nosuuhiiru ne egheghiro kimu. Nooghi oghori ebheghiro bhyose bhino onyi nabhyo, chambiiri chino okubhöna obhahë abhahabhe. Gho ghuköra hangʼu, niho okubha na agharinga Mwishaaro. Oramara uche untambane.”

Maariko 8:34

Akabherekera erikinda re bhaato haghirohamu na abhaanabheegha bhaache, akabhabhoorera akabhugha, “Omooto wowoose uno akwënda ghuntambana, nakwëndëru iyange omwene, aghëghë omusarabha waache, antambane.

Mataayo 27:37

Ighoro e mutu waache, mbatooriri amangʼana gha komusëma ghano ghaandëkuru kubha, “uno n‑yesu, omutëmi o bhayahuuti.”

Mataayo 16:24

Niho Yesu akabhabhoorera abhaanabheegha bhaache akabhugha, “Omooto wowoose uno akwënda ghuntambana, nakwëndëru iyange omwene, aghëghë omusarabha waache, antambane.

Mataayo 10:38

Omooto uno ataaghughëgha omusarabha waache na ghuntambana, taakundëngʼaanera.

Yohana 5:2

Mo‑moghya uyo, nkeere‑ho ekehita ghekoro kino ghekobherekeru “Ekehita ke Ngʼöndu.” Haghuhe ne ekehita kiyo, ꞉haare ne eriishima rino rebherekiiru mo‑ghighambo ghe Kebhuraaniya, Bhetisaata. ꞉Ngaare‑ho amabhuru ataano ghano ꞉ghaare na chambiro. Amabhuru ghayo ꞉ngiinaariiri eriishima riyo.

Yohana 19:13

Hano Bhiraato oghwire amangʼana ghayo, akamurëëta Yesu anche, aghaye aghiikara mo‑ghetumbe ghe ghotenera ekiina, ahaghiro hayo habherekiiru, “Ahaghiro hano hakanduru na amabhohe.” Gho ghighambo ghe Kebhuraaniya hakobherekeru, “Ghabhata.”