Yohana 18:4 - Eriiraghano Eriihë

⁴ Mbe, Yesu naare eche ghoose ghano ghakuucha komubhöna, aghatanura aghaye akabhabhoori abhaato bhayo akabhugha, “Kana, n‑niwe moghutabhara?”

Yohana 18:4 Referans Kwoze

Yohana 13:1

Mbe, eriibhagha anyangi e Bhaasaka ere ekeere kohika, Yesu akamënya kubha eriibhagha reeche ˆrekahika re ghutanura mo‑se ino ghuye ghwi Ishe. Yesu naare asiighiri abhaato bhaache bhano ꞉bhaare mo‑se, wiiki ꞉naabhasiighiri koheta ekirëngërë.

Yohana 18:7

Yesu akabhabhoori wiiki akabhugha, “Kana, n‑niwe moghutabhara?” Ibho bhakamugharokeri bhakabhugha, “Ntokomutabhara Yesu uno aruure Nasareeti.”

Amaköri gha Bhatomu 2:28

Nönyëërëkiri chanchëra che bhuhöru, noghunköra nichaghane chwee, gho kubha noonyi haghuhe na neeni.’”

Yohana 19:28

Hano ghayo ghahetiri, Yesu akamënya kubha naare amariri ghoghiköra emeremo gheeche ghyose. Mbe, aghasiikëra akabhugha, “Nekooghu anyööta.” Ghayo ꞉ngaarweriire ghahikeerane ghano ghaandëkuru mo‑Mandëkö Amatööbhiyu.

Yohana 13:11

Yesu naare amweche uno akomwigharurani, nikyo ꞉ghiighëriri akabhugha kubha, “Amare taanyi bhoose.”

Yohana 6:64

Amare mbaanyi‑ho abhande ghateghate yaanyu bhano bhakwanga ghonkumi.” Yesu ꞉naabhughiri hangʼu gho kubha ꞉naamënyiri koru simoka kubha m‑bhawe bhano bhakwanga komokumi, na kubha n‑niwe uno akuucha komwigharurani.

Ruuka 24:44

Akamara akabhabhoorera akabhugha, “Eriibhagha neere nekeere neenyi haghirohamu na niinyu, ghano, nigho amangʼana ghaane ghano ꞉neebhabhooriire, kubha ghoose ghano ghaandëkuru ighoro yaane ngakwëndëru ghahikeerane. Ibhe mo‑meghiro ghe Musa, na mo‑Mandëkö gha bharööti, na gha Sabhuri.”

Mataayo 26:31

Mbe, Yesu akabhabhoorera abhaanabheegha bhaache akabhugha, “Obhotiko bho reero, inyu bhoose mokungʼösa na ghontigha. Neekubha hangʼu, kinya Eryobha rebhughiri mo‑Mandëkö Amatööbhiyu kubha, ‘Nekomutëma omoriishi o changʼöndu, ne erikinda ndeghusanchana.’

Mataayo 26:21

Eriibhagha bhaanyi mo‑ndaaghëra, Yesu akabhabhoorera akabhugha, “Mahëënë ˆnekabhabhoorera, umu ghate yaanyu nakuucha ahaane mo‑mabhökö gha bhabhisa.”

Mataayo 26:2

“Kinya bhuno mweche, hano chekumara koheta chaasiko ibhere, ntookubha na anyangi e Bhaasaka. Mo‑rosiko ruyo, eni Omoona o Mooto neghotooru mo‑mabhökö gha bhabhisa kubha niitu mo‑musarabha.”

Mataayo 16:21

Korwera eriibhagha riyo, Yesu aghasëëma kobhabhoorera abhaanabheegha bhaache haheero kubha nakwëndëru aghi Yerusareemu, na kubhöna anyaako yaaru. ꞉Naabhabhooriire kubha, nakunyaakibhu na abhagharuka bha Bhayahuuti, na abhakoro bha bhachaama bha Ryobha na abheeghi bha meghiro, na ghwitu. Amare orosiko ro ghatato, nakoryoka.

1 Bheetero 4:1

Mbe, gho kubha Kirisito nanyaakiri mo‑mobhere waache, inyu bhoose mwisëëmi kunyaaka kinya iwe. Neghosiikëra hangʼu, gho kubha, omooto uno amariri kunyaaka mo‑mobhere waache, nataaniri na amasari.

Yohana 18:5

Ibho bhakamugharokeri bhakabhugha, “Ntokomutabhara Yesu uno aruure Nasareeti.” Yesu akabhagharokeri akabhugha, “Eni niwe.” Yuuta uno ꞉amwigharoriini Yesu naare imeeriire haghirohamu nabho.