Yohana 18:38 - Eriiraghano Eriihë

³⁸ Bhiraato akamobhoori akabhugha, “Obhuhëënë n‑ghento ke?” Hano Bhiraato abhughiri ghayo, akahoroka anche wiiki, akabhabhoorera abhakangati bha Bhayahuuti akabhugha, “Eni ntiimara ndighi eriisari ryoryose re komusëma.

Yohana 18:38 Referans Kwoze

Yohana 19:4

Bhiraato akahoroka anche wiiki, akarebhoorera erikinda re bhaato bhaare akabhugha, “Mutëghëërërë, nemurëëtiri omooto uno ghokoonyu, motore kumënya kubha eni ntiimara ndighi eriisari ryoryose re komusëma.”

Yohana 19:6

Mbe, eriibhagha abhakoro bha bhachaama na abhachongi bha Risëngërö bhamorooche Yesu, bhaghaköra eriireghe bharabhugha, “Mumambe! Mumambe!” Niho Bhiraato akabhabhoorera akabhugha, “Momwimoki inyu bheene momumambe mo‑musarabha, gho kubha eni nteekorighi eriisari ryoryose ighoro yaache.”

Ruuka 23:4

Ibheere, Bhiraato akabhabhoorera abhakoro bhayo bha bhachaama, haghirohamu no obhoyo bho bhaato akabhugha, “Omooto uno, taanyi ne eriisari ryoryose rino nerooche ghokooche.”

Amaköri gha Bhatomu 17:32

Mbe, hano bhooghwire kubha Bhawuro naghosiikëra ighoro e koryoka kwo bhaku, abhamu bhaghachëëra. Amare abhande bhakamobhoorera, “Ntokwënda ghoghutëghëërëra wiiki ighoro e ngʼana iyo.”

1 Bheetero 1:19

Amare, ndebhatooriri gho kuhökëri amasaahë ghano ghaanyi ne eriighori ikoro. Amasaahë ghayo n‑gha Kirisito, iwe naare kinya omoona o ngʼöndu uno ataanyi no obhurëma koru ghosuuheru.

Maariko 15:14

Bhiraato akabhabhoori akabhugha, “N‑eriisari ke aköriri reghughëri tomumambe mo‑musarabha?” Niho bhakëëngëra chwee ghuköra eriireghe, bharabhugha, “Mumambe! Mumambe!”

Mataayo 27:24

Hano Bhiraato amënyiri kubha taaghotora ghugharura amiihëëbhö gha bhaato bhayo na kubha bhaghasëëma anyööri, akiimoki amanche na ghwishaabha amabhökö ghaache ambërë yaabho kwërëki kubha taanyi ne eriisari ryoryose. Niho akabhabhoorera akabhugha, “Nteenyi ne eriisari ryoryose kwo mooto uno anyi o bhuhëënë. Ghano mokwënda ghuköra, n‑ighoro yaanyu inyu bheene!”

Yohana 18:33

Mbe, Bhiraato aghasöha wiiki mo‑nyumba e ghitëmi, akahatëka kubha bhamurëëtë Yesu ghokooche, akamobhoori akabhugha, “Kana, iye niiye uno bhakobhugha, Omutëmi o Bhayahuuti?”