Yohana 18:37 - Eriiraghano Eriihë

³⁷ Mbe, Bhiraato akamobhoori akabhugha, “Kana, m‑mahëënë kubha iye n‑omutëmi?” Yesu akamugharokeri akabhugha, “N‑iye ˆokabhugha kubha eni n‑omutëmi. Eni niibhwiru mo‑se ino, wiiki niichiri kubha nebheeghi abhaato obhuhëënë. Omooto wowoose uno aghutambana obhuhëënë, naghoghooghu amangʼana ghaane.”

Yohana 18:37 Referans Kwoze

Yohana 8:47

Uno anyi o Ryobha nahaatëghëërëra amangʼana ghaache. Inyu motaaghutëghëërëra ghano Eryobha rekobhugha gho kubha inyu taanyi abhaato bha Ryobha moonyi.”

1 Yohana 4:6

Amare itu n‑abhaato bha Ryobha toonyi. Wowoose uno aryeche Eryobha, naghotutëghëërëra, amare uno ataanyi o Ryobha, taaghotutëghëërëra. Hangʼu niho tokumënya obhwahukani bho bhaato bhano bhaghukangatu na Akörö e hëënë, na bhano bhaghukangatu na akörö e bhuröngö.

Yohana 8:14

Yesu akabhagharokeri akabhugha, “Koru nangabha neghwighambera eni mwene ghano neghosiikëra n‑gha mahëënë, gho kubha nyeeche hano neruure, wiiki nyeeche hano neeghuye. Amare inyu moteeche hano neruure na hano neeghuye.

1 Yohana 3:19

Torasiighana hangʼu, ntoghotora kubha no obhuhëënë kubha, ntoghutambana obhuhëënë. Wiiki emetema ghiito ghetaakubha na ahaho ambërë e Ryobha.

Yohana 14:6

Yesu akamugharokeri akabhugha, “Eni n‑anchëra, no obhuhëënë, no obhuhöru. Taanyi‑ho uno aghotora kuucha o‑Taata aribha atahetiire ghokoone.

Yohana 7:17

Omooto wowoose uno akwënda ghuköra amiigha gha Ryobha, nakumënya kubha ameeghi ghano gharuure kwo Waryobha, na kubha nteeghosiikëra amangʼana ghaane eni omwene.

1 Bheetero 1:22

Inyu mumanyiri kurëngʼaana na ameeghi gha hëënë ighoro e Yesu. Gho ghayo, emetema gheenyu ngyeghuru ni ibheere moghotora ghosiigha abhaghëndi bhaanyu kwo bhuhëënë. Mbe, mosiighane kwo mukörö mwero,

1 Timotewo 6:13

Neghaghokumereri ambërë e Ryobha rino reghotoora obhuhöru moose e bheghiro bhyose, na ambërë e Kirisito Yesu uno aruusiri obhwibhateri bho mahëënë ambërë e Bhontiyo Bhiraato, kubha,

Ruuka 23:3

Niho, Bhiraato akamobhoori Yesu akabhugha, “Kana, iye niiye uno bhakobhugha, Omutëmi o Bhayahuuti?” Yesu nawe akabhugha, “N‑iye obhughiri!”

Maariko 15:2

Bhiraato akamobhoori Yesu kubha, “Iye niiye uno bhakobhugha, Omutëmi o Bhayahuuti?” Yesu akamugharokeri akabhugha, “N‑iye obhughiri.”

1 Yohana 5:20

Wiiki ntweche kubha Omoona o Ryobha namariri kuucha, natoheere obhongʼiini, kubha torimënyë Eryobha re hëënë. Ntoonyi no obhumu ne Eryobha re hëënë, gho nchëra e kubha no obhumu no Omoona waache Yesu Kirisito. Rino niryo Eryobha re hëënë, no obhuhöru bho emiishe ghyose.

Yohana 3:32

Iwe nakobhabhoorera ghano arooche na ghoghooghu, amare taanyi‑ho uno aghokumi kubha ghano aghosiikëra n‑gha mahëënë.

Mataayo 26:64

Yesu akamugharokeri akabhugha, “Niiye ˆokabhugha. Amare ˆnekabhabhoorera kubha, korwera ibheere mokondighi eni uno neenyi Omoona o Mooto niikeere mo‑kubhökö gho kwiro kwo Ryobha rino reenyi na changuru choose, neraacha mo‑mashaaro gha mwishaaro.”

Mataayo 27:11

Niho Yesu akiimeerera ambërë e mukangati Omoruumi uno are arabherekeru Bhiraato. Omukangati uyo akamobhoori akabhugha, “Kana, iye niiye uno bhakobhugha, Omutëmi o Bhayahuuti?” Yesu akamugharokeri akabhugha, “N‑iye obhughiri.”

Obhohunyurëru 3:14

Omooto uyo kinya Omoona o Mooto akëëndërëra kobhugha, “Omwandëkërë marayika o riikanisa re Rawotikiya, no omobhoorere obhughe, ‘Eni neeni nekobherekeru Hawubhaabha, gho kubha nekuhëënëhi obhuhëënë bho Ryobha kwo mahëënë. Eni neeni omutange o bhetyenyi bhyose bhino ꞉bhiitëëmuru ne Eryobha. Mutëghëërërë ghano nekobhabhoorera!

Obhohunyurëru 1:4

Eni Yohana ˆnekabhaandëkëra anyaarubha ino abhaghëndi bha Yesu bha makanisa mohungate ghano ghaanyi mo‑mukööwa o Asiya. Nëköbhëëndëra aghareeya no omurëmbë, koru kwo Waryobha uno anyi‑ho, na korwera simoka naare‑ho, na naakubha‑ho, na koru gho Chaakörö mohungate chino cheenyi ambërë e ghetumbe ghe ghitëmi,

1 Yohana 3:14

Itu ntweche kubha ntoruure mo‑changuru che roko, na ghusöha mo‑bhuhöru bho miishe ghyose. Ntweche hangʼu gho kubha ntobhasiighiri abhaghëndi bhiito. Omooto wowoose uno ataghöötë obhosiighi naanyi mo‑roko.

Ruuka 22:70

Abhagharuka na abhakangati bha Bhayahuuti, bhakamobhoori Yesu wiiki, “Kana ibheere, iye niiye Omoona o Ryobha?” Yesu akabhagharokeri akabhugha, “Kana niinyu bheene mobhughiri kubha eni neeni!”

Maariko 14:62

Yesu aghagharokeri akabhugha, “Eni niwe. Wiiki mokondighi eni uno neenyi Omoona o Mooto niikeere mo‑kubhökö gho kwiro kwo Ryobha rino reenyi na changuru choose, neraacha mo‑mashaaro gha mwishaaro.”

Yohana 1:14

Angʼana iyo ekabha omooto, aghiikara ghateghate yiito. Itu bhoose tokabhorighi obhokumi bhooche obhokoro, obhokumi bhooche obhokoro iwe uno anyi Omoona omwene chiri o Taata, niichwire aghareeya no obhuhëënë.

Yohana 1:17

Mbe, gho kubha Eryobha ꞉ndeeruusiri emeghiro gheeche gho nchëra e Musa, amare aghareeya no obhuhëënë mbiichiri gho nchëra e Yesu Kirisito.

Yohana 8:45

Amare gho kubha eni nekobhabhoorera obhuhëënë, nikyo ghighëriri motaaghonkumi.

Yohana 8:46

N‑niwe ghateghate yaanyu uno aghotora kuhëënëhi kubha eni n‑omuköri o masari? Erabha nekobhabhoorera gha bhuhëënë, mbe, ngwake motaaghonkumi?

1 Yohana 2:21

Gho ghayo, ˆnekabhaandëkëra anyaarubha ino, teenyi gho kubha moteeche obhuhëënë, amare n‑gho kubha mobhweche. Wiiki mweche kubha obhuröngö bhobhoose bhuure bhotaakoru mo‑bhuhëënë.