Yohana 18:36 - Eriiraghano Eriihë

³⁶ Yesu akamugharokeri akabhugha, “Obhutëmi bhoone taanyi bho mo‑se ino. Aribha mbongabheere bho mo‑se ino, abhaanabheegha bhaane mbangandoniire kubha netaghöötu na Abhayahuuti. Amare obhutëmi bhoone bhotaanyi bho hano.”

Yohana 18:36 Referans Kwoze

Abharuumi 14:17

Amangʼana amachömu mo‑bhaato bha bhutëmi bho Ryobha taanyi ighoro e kurë hamu kunyo, amare n‑ghuköra ghano Eryobha rekwënda, kubha no omurëmbë na kumanya gho ghuchömëru. Ghayo ghoose ngaakubha kwo bhotoorereri bho Körö Ahörëëru.

Yohana 6:15

Yesu akamënya kubha abhaato bhaare ꞉mbëëndiri komughööta, na komotoora gho changuru kubha omutëmi waabho. Amare iwe aghatanura, aghaye wiiki a‑gheghoro omwene chiri.

1 Timotewo 6:13

Neghaghokumereri ambërë e Ryobha rino reghotoora obhuhöru moose e bheghiro bhyose, na ambërë e Kirisito Yesu uno aruusiri obhwibhateri bho mahëënë ambërë e Bhontiyo Bhiraato, kubha,

Mataayo 26:53

Kana, tweche kubha neghotora ghusabha obhotoorereri o‑Taata waane, hayo hayo naghotora ghontomera bhamarayika bhaache ghokera amakinda ikomi na abhere gha bhamarayika?

Ruuka 12:14

Yesu akamugharokeri akabhugha, “N‑niwe ꞉antooriri nibhe omoteni o kiina, hamu omuhööhi o ghabho ghate yaanyu?”

Yohana 8:15

Inyu moghontenera ekiina eni kurëngʼaana na amiihëëbhö gha bhaato, amare eni nteekomotenera ekiina omooto wowoose.

Yohana 18:35

Bhiraato akamugharokeri akabhugha, “Kana, eni n‑Omuyahuuti? Abhaato bha ritöngö reecho haghirohamu na abhakoro bha bhachaama nibho bhakurëëtiri ghokoone kubha neghotenere ekiina. Kana, n‑eriisari ke uköriri?”