Yohana 18:33 - Eriiraghano Eriihë

³³ Mbe, Bhiraato aghasöha wiiki mo‑nyumba e ghitëmi, akahatëka kubha bhamurëëtë Yesu ghokooche, akamobhoori akabhugha, “Kana, iye niiye uno bhakobhugha, Omutëmi o Bhayahuuti?”

Yohana 18:33 Referans Kwoze

Yohana 19:12

Hano Bhiraato oghwire ghayo, aghasaki ghutabhara anchëra e komotighooroka Yesu, amare Abhayahuuti bhaghaköra eriireghe wiiki bhakabhugha, “Aribha oramotighooroka omooto uyo, mbe, iye taanyi omusaani o Kayisaari. Omooto wowoose uno aghwiköri kubha omutëmi, nakomwanga Kayisaari.”

Yohana 19:3

Bhaakabha bharamusëëta, bharamukëëri bharabhugha, “Ntoghoghukëëri, oo Omutëmi o Bhayahuuti!” Bhakamutëma orohe.

Yohana 18:37

Mbe, Bhiraato akamobhoori akabhugha, “Kana, m‑mahëënë kubha iye n‑omutëmi?” Yesu akamugharokeri akabhugha, “N‑iye ˆokabhugha kubha eni n‑omutëmi. Eni niibhwiru mo‑se ino, wiiki niichiri kubha nebheeghi abhaato obhuhëënë. Omooto wowoose uno aghutambana obhuhëënë, naghoghooghu amangʼana ghaane.”

Yohana 12:13

Mbe, bhakiimoki amato gha mitëndë, bhaaghaye komoturungʼanera Yesu. Bhaghatiiri eriiraka bharabhugha, “Hosaana! Niitabhiiru uno akuucha kwo riina re Mutëmi Waryobha! Niitabhiiru Omutëmi o Abhiisiraeri.”

Maariko 15:2

Bhiraato akamobhoori Yesu kubha, “Iye niiye uno bhakobhugha, Omutëmi o Bhayahuuti?” Yesu akamugharokeri akabhugha, “N‑iye obhughiri.”

Mataayo 27:11

Niho Yesu akiimeerera ambërë e mukangati Omoruumi uno are arabherekeru Bhiraato. Omukangati uyo akamobhoori akabhugha, “Kana, iye niiye uno bhakobhugha, Omutëmi o Bhayahuuti?” Yesu akamugharokeri akabhugha, “N‑iye obhughiri.”

1 Timotewo 6:13

Neghaghokumereri ambërë e Ryobha rino reghotoora obhuhöru moose e bheghiro bhyose, na ambërë e Kirisito Yesu uno aruusiri obhwibhateri bho mahëënë ambërë e Bhontiyo Bhiraato, kubha,

Yohana 19:9

Mbe, aghasöha wiiki mo‑nyumba e ghitëmi, akamobhoori Yesu akabhugha, “Iye hayi orweriire?” Amare Yesu tamugharokiiri angʼana.

Yohana 12:15

“Inyu abhaato bha Sayuuni motatiina! Mööhi, Omutëmi waanyu nakuucha, atiiriri omoona o tikere!”

Yohana 1:49

Niho Natanaheri akamugharokeri akabhugha, “Oo Omweghi, iye n‑Omoona o Ryobha! Iye n‑Omutëmi o Isiraeri!”

Mataayo 27:27

Niho abhaashirikare bha mukangati o Moruumi bhakamwimoki Yesu, bhaaghaye nawe mo‑nyumba e ghitëmi. Bhaghakoma erikinda re bhaashirikare, rekamwinaareri Yesu.

Ruuka 23:2

Bhaghasëëma komusëma bharabhugha, “Omooto uno, ntomobhwine arasari ase yiito, gho kubha nakurëki abhaato bhatatöbhi erighööti gho Kayisaari. Wiiki nakobhugha kubha iwe niwe Kirisito Omutëmi.”

Yohana 18:34

Amare Yesu akamugharokeri akabhugha, “Kana, nombooriri hangʼu kwo miihëëbhö ghaacho iye mwene, ghasi na abhaato abhande bhakobhooriire amangʼana ghaane?”

Yohana 18:38

Bhiraato akamobhoori akabhugha, “Obhuhëënë n‑ghento ke?” Hano Bhiraato abhughiri ghayo, akahoroka anche wiiki, akabhabhoorera abhakangati bha Bhayahuuti akabhugha, “Eni ntiimara ndighi eriisari ryoryose re komusëma.

Yohana 19:4

Bhiraato akahoroka anche wiiki, akarebhoorera erikinda re bhaato bhaare akabhugha, “Mutëghëërërë, nemurëëtiri omooto uno ghokoonyu, motore kumënya kubha eni ntiimara ndighi eriisari ryoryose re komusëma.”