Yohana 18:3 - Eriiraghano Eriihë

³ Mbe, Yuuta akarikangata erikinda re bhaashirikare, haghirohamu na abhatamishi bhano bharuure mo‑bhakoro bha bhachaama na kwo Mabharisaayo. Bhaaghaye mo‑kinyaweera kiire, bhaghöötëriire ebhemore ne emyenge, ne ebhiröönërö.

Yohana 18:3 Referans Kwoze

Yohana 18:12

Mbe, omokoro o bhaashirikare, haghirohamu ne erikinda reeche, na abhatamishi bha bhakangati bha Bhayahuuti, bhakamughööta Yesu, bhakamubhöha.

Amaköri gha Bhatomu 1:16

akabhabhoorera akabhugha, “Bhahiiri bhaane, amangʼana ghano ghaandëkuru mo‑Mandëkö Amatööbhiyu ighoro e Yuuta uno ꞉ahiriri abhaato bhamughöötë Yesu, ꞉ngëëndiiru ghaköru. Amangʼana ghayo ꞉ngaasiikiiru na Akörö Ahörëëru kohetera kwo mutëmi Tawuti.

Yohana 13:2

Yesu na abhaanabheegha bhaache bhaghiikara kurë ekiinyakurë ke mughörööbha. Eriibhagha riyo, Erishambu ndeere remotebhiritebhiri Yuuta, omoona o Simiyooni Isikariyoote, kubha amwigharurani Yesu.

Mataayo 25:1

Niho Yesu akabhabhoorera abhaanabheegha bhaache akabhugha, “Kwo riibhagha riyo, obhutëmi bho Mwishaaro mboghotuubhaana na abhaakë ikomi bhano ꞉bhiimokiri chaatara cheebho na ghuye komoturungʼanera omokwiri.

Yohana 7:32

Amabharisaayo bhakooghu erikinda re bhaato bharingʼunyera ighoro yaache, ibho haghirohamu na abhakoro bha bhachaama bhakabhatoma abhaashirikare kubha bhamughöötë Yesu.

Yohana 18:18

Abhasësë na abhatamishi bhaare mbaare bhiimeeriire hano haare no omororo gho kubha ꞉haare na nyighita, bhaakabha bharaata omororo. Bheetero woose naare imeeriire haghirohamu nabho, araata omororo.

Yohana 18:22

Hano Yesu abhughiri ghayo, omoshirikare umu uno are imeeriire haghuhe nawe akamutëma orohe, akamobhoori akabhugha, “Hangʼu okomugharokeri Omuchaama Omokoro?”

Yohana 19:6

Mbe, eriibhagha abhakoro bha bhachaama na abhachongi bha Risëngërö bhamorooche Yesu, bhaghaköra eriireghe bharabhugha, “Mumambe! Mumambe!” Niho Bhiraato akabhabhoorera akabhugha, “Momwimoki inyu bheene momumambe mo‑musarabha, gho kubha eni nteekorighi eriisari ryoryose ighoro yaache.”

Amaköri gha Bhatomu 10:1

Naare‑ho omooto umu mo‑moghya o Kayisaariya omokoro o bhaashirikare, eriina reeche Korineeriyo. Iwe naare omwimeereri o rikinda re bhaashirikare eriighana rimu, koru mo-rikinda eriikoro re bhaashirikare rino reere rerabherekeru, Kiitaariya.