Yohana 18:29 - Eriiraghano Eriihë

²⁹ Mbe, omukangati o Bharuumi, eriina reeche Bhiraato, akahoroka anche, akabhasëëta, akabhabhoori akabhugha, “Moonyi na amasëmö ke ighoro e mooto uno?”

Yohana 18:29 Referans Kwoze

Mataayo 27:23

Bhiraato akabhabhoori wiiki akabhugha, “N‑eriisari ke aköriri reghughëri tomumambe mo‑musarabha?” Amare ibho bhakëëngëra ghuköra eriireghe bharabhugha, “Amambu mo‑musarabha!”

Amaköri gha Bhatomu 25:16

ˆNekabhabhoorera kubha, itu Abharuumi totaaghotenera ekiina omooto, eriibhagha akeere ghwitachura ambërë e bhasëmi bhaache.

Yohana 18:30

Ibho bhakamugharokeri bhakabhugha, “Aribha omooto uno tangabheere ne eriisari, totangamurëëtiri ghokoocho.”

Yohana 18:33

Mbe, Bhiraato aghasöha wiiki mo‑nyumba e ghitëmi, akahatëka kubha bhamurëëtë Yesu ghokooche, akamobhoori akabhugha, “Kana, iye niiye uno bhakobhugha, Omutëmi o Bhayahuuti?”

Amaköri gha Bhatomu 4:27

“M‑mahëënë kubha, omutëmi Herote Antibha na Bhontiyo Bhiraato, ꞉mbaatëmëëriine haghirohamu na abhaato bha matöngö na Abhiisiraeri, mo‑moghya o Yerusareemu kubha bhamwange Yesu, omutamishi waacho Omutööbhiyu uno ꞉omwahwire kubha Kirisito.