Yohana 18:28 - Eriiraghano Eriihë

²⁸ Mbe, hano bhookiire, abhakangati bha Bhayahuuti bhakamwimoki Yesu koru o‑Kayabha, bhaaghaye nawe mo‑nyumba e ghitëmi e mokoro o Bharuumi. Amare ibho bhataasöhiri mo‑nyumba iyo kubha bhatighonchi, kubha bhatore kurë ebhiinyakurë bhe nyangi e Bhaasaka.

Yohana 18:28 Referans Kwoze

Yohana 19:9

Mbe, aghasöha wiiki mo‑nyumba e ghitëmi, akamobhoori Yesu akabhugha, “Iye hayi orweriire?” Amare Yesu tamugharokiiri angʼana.

Yohana 18:33

Mbe, Bhiraato aghasöha wiiki mo‑nyumba e ghitëmi, akahatëka kubha bhamurëëtë Yesu ghokooche, akamobhoori akabhugha, “Kana, iye niiye uno bhakobhugha, Omutëmi o Bhayahuuti?”

Yohana 19:14

Neere kinya chaasa ishaasabhe, orosiko ro masëëmö gha nyangi e Bhaasaka. Bhiraato akarebhoorera erikinda re bhaato akabhugha, “Mööhi, omutëmi waanyu kauno hano!”

Mataayo 27:27

Niho abhaashirikare bha mukangati o Moruumi bhakamwimoki Yesu, bhaaghaye nawe mo‑nyumba e ghitëmi. Bhaghakoma erikinda re bhaashirikare, rekamwinaareri Yesu.

Amaköri gha Bhatomu 3:13

Eryobha re bhasookoro bhiito, Abhurahamu, Isaka, na Yakobho, ꞉ndeemoghongiri omutamishi waache Yesu. Wiiki Yesu niwe uno inyu momoruusiri ateneru ekiina aku! Koru hano Bhiraato ëndiri abhiighorere Yesu, ꞉mwaangiri,

Yohana 11:55

Anyangi e Bhaasaka e Bhayahuuti neere ˆeghatingʼi. Abhaato bhaaru bhaghatanura koru mo‑meghya gheebho ghuye Yerusareemu, kubha bhiiyeri anyangi iyo ekeere kohika.

Amaköri gha Bhatomu 11:3

bharabhugha, “Iye nusöhiri mo‑chaaka che bhaato bha matöngö aghande na kuraaghëra haghirohamu nabho!”

Amaköri gha Bhatomu 10:28

Bheetero akabhabhoorera, “Inyu mweche bhoheene kubha itu Abhayahuuti totiishereriiru ne emeghiro ghiito ghughöötana na abhaato bha matöngö aghande, koru kobhataarera. Amare Eryobha ndënyëërëkiri kubha netamobherekera omooto wowoose kubha m‑moghonchu, hamu kubha taakurëngʼaanera.

Yohana 18:39

Amare inyu moonyi na asughara e ghunsabha nebhiighorere omubhöhu umu eriibhagha re nyangi e Bhaasaka. Kana, mokwënda nemotighooroke Omutëmi o Bhayahuuti?”

Ruuka 22:66

Hano bhookiire, abhagharuka bha Bhayahuuti bhaghaköra ekiina, mo‑bhagharuka bhayo mbaare‑mu abhakoro bha bhachaama, na abheeghi bha meghiro. Yesu akahiru ambërë e riibharacha riyo,

Maariko 15:16

Abhaashirikare bhakamwimoki Yesu, bhaaghaye nawe mo‑nyumba e ghitëmi e mukangati Bhiraato. Bhaghiikomana erikinda ikoro re bhaashirikare.

Yohana 18:13

Mbe, bhakamohira singa o‑Anaasi, uno are ishebhiyaara Kayabha. Kayabha uyo niwe are Omuchaama Omokoro eriibhagha riyo.

Yohana 18:15

Simiyooni Bheetero no omoonamwegha owonde mbaare bharamoru anyuma Yesu. Omoonamwegha wuure owonde, Omuchaama Omokoro naare amweche, iwe aghasöha na Yesu mo‑riigho re nyumba e Muchaama Omokoro.

Yohana 19:11

Yesu akamugharokeri Bhiraato akabhugha, “Tongabheere no obhotoro bhobhoose ighoro yaane, aribha otangahaabhuru ne Eryobha. Amare omooto uno antooriri mo‑mabhökö ghaacho, naanyi na amasari makoro chwee.”

Amaköri gha Bhatomu 4:27

“M‑mahëënë kubha, omutëmi Herote Antibha na Bhontiyo Bhiraato, ꞉mbaatëmëëriine haghirohamu na abhaato bha matöngö na Abhiisiraeri, mo‑moghya o Yerusareemu kubha bhamwange Yesu, omutamishi waacho Omutööbhiyu uno ꞉omwahwire kubha Kirisito.

Amaköri gha Bhatomu 10:32

Mbe, otome abhaato bhaghëndë mo‑moghya o Yoobha, bhamobherekere Simiyooni, uno akobherekeru Bheetero. Iwe m‑mughëni mo‑ka imu e Simiyooni, omumambi o mashëërö. Anyumba yaache neenyi rubhareka ro nyancha.’