Yohana 18:15 - Eriiraghano Eriihë

¹⁵ Simiyooni Bheetero no omoonamwegha owonde mbaare bharamoru anyuma Yesu. Omoonamwegha wuure owonde, Omuchaama Omokoro naare amweche, iwe aghasöha na Yesu mo‑riigho re nyumba e Muchaama Omokoro.

Yohana 18:15 Referans Kwoze

Ruuka 22:54

Hayo hayo, abhachongi bha Risëngërö bhakamughööta Yesu, bhakamohira awaache Omuchaama Omokoro. Bheetero akabharu anyuma gho kurë.

Maariko 14:54

Eriibhagha riyo, Bheetero naare aramutambana Yesu gho kurë. Aghaye, aghasöha mo‑riigho re nyumba e Muchaama Omokoro. Aghiikara‑mu haghirohamu na abhachongi bhaare bha Muchaama Omokoro, akabha araata omororo.

Mataayo 26:3

Eriibhagha riyo, abhakoro bha bhachaama na abhagharuka bha Bhayahuuti bhaghiikomana mo‑nyumba ankoro e Muchaama Omokoro uno eriina reeche akobherekeru Kayabha.

Yohana 18:24

Anaasi akahatëka kubha bhamohire Yesu abhöhuru hangʼu hangʼu kwo Muchaama Omokoro Kayabha.

Yohana 18:28

Mbe, hano bhookiire, abhakangati bha Bhayahuuti bhakamwimoki Yesu koru o‑Kayabha, bhaaghaye nawe mo‑nyumba e ghitëmi e mokoro o Bharuumi. Amare ibho bhataasöhiri mo‑nyumba iyo kubha bhatighonchi, kubha bhatore kurë ebhiinyakurë bhe nyangi e Bhaasaka.