Yohana 18:11 - Eriiraghano Eriihë

¹¹ Amare Yesu akamuhatëka Bheetero akabhugha, “Bheetero, gharoki ekinyamiino keecho mo‑choobho yaache. Kana, tweche kubha nekwëndëru ninyaakibhu kinya bhuno Taata ꞉asëëmiri kubha ninyaakibhu?”

Yohana 18:11 Referans Kwoze

Mataayo 26:39

Aghiishuka ambërë hasuuhu, akiirëkëra haase kebhuuma kubha asabhe Eryobha, akabhugha, “Oo Taata waane, aribha ekubha, neghoghusabha onduuseri eghisënchö kino ke nyaako! Otaacha ghuköra kinya bhuno nekwënda, amare ukörë kinya bhuno okwënda.”

Mataayo 20:22

Yesu aghagharokeri akabhugha, “Moteeche ghano moghusabha. Kana, moghotora kunyaaka kebhuno neeghuye kunyaakibhu?” Bhaghagharokeri bhakabhugha, “Ntoghotora.”

Yohana 20:17

Yesu akamobhoorera akabhugha, “Otangööta. Nekeere ntiimara neghi Mwishaaro o‑Taata. Mbe, nooghi obhabhoorere abhahiiri bhaane, kubha ˆneeghaye Mwishaaro o‑Taata waane, nawe n‑Taata waanyu, kwo Ryobha reene naryo n‑Eryobha reenyu.”

Yohana 15:10

Aribha moraghööta amaraghereri ghaane, mokwëndërëra ghwikara mo‑bhosiighi bhoone, kinya bhuure eni nighöötiri amaraghereri gha Taata waane na ghwikara mo‑bhosiighi bhooche.

Abheebhuraaniya 12:2

Tubhe toramumööhërëri Yesu, gho kubha niwe asëëmiri obhokumi bhwito, wiiki nakobhohikeerani. Iwe ꞉naaghumeriiri oroko ro musarabha, tarooche chaasoni gho ghiri e ghuchömëru kuno koore ambërë yaache. Ibheere niikeere eribhaara re kubhökö gho kwiro re ghetumbe ghe ghitëmi ke Ryobha.

2 Abhakorinto 10:4

Ebhiröönërö bhino tokuröönëra eriihë riyo bhetaanyi bhe mo‑se, amare mbeenyi na changuru chino cheekoru kwo Waryobha, na ncheghusari charwakyo choose che mobhisa.

Ruuka 22:42

“Oo Taata! Örëënda, onduuseri eghisënchö ke nyaako ino enyi ambërë yaane. Amare etabha kinya nekwënda eni, amare amiigha ghaacho ghaköru.” [

Mataayo 26:42

Yesu akabhatigha wiiki na ghuye mara e kabhere ghusabha Eryobha akabhugha, “Oo Taata waane, aribha anyaako ino teeghotora koru ghokoone, mbe, ukörë kinya bhuno okwënda.”

2 Abhakorinto 6:7

wiiki gho nchëra e kuraghani amangʼana gha mahëënë. Ntohaaköra ghayo ghoose gho changuru che Ryobha. Obhuhëënë nibho ebhiröönërö bhiito, eribhaara re kwiro na re kumosi.

Yohana 18:36

Yesu akamugharokeri akabhugha, “Obhutëmi bhoone taanyi bho mo‑se ino. Aribha mbongabheere bho mo‑se ino, abhaanabheegha bhaane mbangandoniire kubha netaghöötu na Abhayahuuti. Amare obhutëmi bhoone bhotaanyi bho hano.”

Yohana 17:24

“Oo Taata, nekwënda kubha bhano oheere bhabhe haghirohamu na neeni hano neekubha, kubha bhabhorighi obhokumi bhoone obhokoro bhuno oheere, gho kubha ꞉nuushamiri ghonsiigha koru ase ekeere ghutëëmu.

Ruuka 12:30

Abhaato bhano bhataryeche Eryobha hano mo‑se, mbahaanyaakera ebheghiro bhiyo. Amare inyu, Taata waanyu uno anyi Mwishaaro neeche bhoheene kubha mokobhyënda.