Yohana 17:22 - Eriiraghano Eriihë

²² Obhokumi obhokoro bhuno oheere eni, nebhaheere abhaanabheegha bhaane, kubha bhabhe egheghiro kimu, kinya bhuno itu toonyi egheghiro kimu.

Yohana 17:22 Referans Kwoze

2 Abhakorinto 3:18

Ibheere itu bhoose bhano totaaghwikundekeri mo‑bhosho ne eghitambara, ntokwërëki obhokumi obhokoro bho Mutëmi kinya ekiröri. Omutëmi uno anyi Akörö, nahaatugharura totuubhaane nawe. Naakubha aratugharura koru obhokumi obhokoro mbagha kohika obhokumi obhokoro chwee.

Yohana 14:20

Eriibhagha riyo, inyu mokumënya kubha eni neenyi moose e Taata, na niinyu moonyi moose yaane, na neeni neenyi moose yaanyu.

Yohana 1:16

Kurëngʼaana no obhohikeerani bhooche, Eryobha ndetoheere itu bhoose aghareeya, ndyëngërëriiri mo‑ghareeya ino ꞉riishamiri ghotuha.

Abhaebheeso 2:20

Inyu mubheere kinya anyumba ino yabhëkuru ighoro e bhoroso. Abhatomu na abharööti ibho n‑kinya obhoroso bho nyumba iyo. Kirisito Yesu niwe eriibhohe ikoro re bhoroso.

1 Yohana 3:24

Omooto wowoose uno aghosooka emeghiro ghe Ryobha, naanyi no obhumu naryo. Eryobha ryose ndeenyi haghirohamu nawe. Ntweche kubha Eryobha ndeenyi haghirohamu na niitu, gho kubha ntoonyi na Akörö Ahörëëru ino retoheere.

2 Abhakorinto 6:1

Ibheere, gho kubha ntokuhöki emeremo haghirohamu ne Eryobha, ntokobhasasaama kubha aghareeya e Ryobha ino mosongʼaaniri, motayetigha ebhore bhoowa.

2 Abhakorinto 5:20

Ibheere, Kirisito natotomiri ghuköra emeremo gheeche, na gho kohetera ghokwito Eryobha ndekobhasasaama mubhe no obhoghwani naryo. Nikyo gheghughëri torahënërëra ighoro e Kirisito kubha, mubhe no obhoghwani ne Eryobha.

Yohana 1:14

Angʼana iyo ekabha omooto, aghiikara ghateghate yiito. Itu bhoose tokabhorighi obhokumi bhooche obhokoro, obhokumi bhooche obhokoro iwe uno anyi Omoona omwene chiri o Taata, niichwire aghareeya no obhuhëënë.

Maariko 6:7

Akabhabherekera abhaanabheegha bhaache ikomi na bhabhere. Akabhaha obhotoro bho koruusi abhaato emisambu, akabhatoma bhabhere bhabhere.

1 Yohana 1:3

Ntokobharaghaneri angʼana ighoro e Yesu, uno ꞉toomorooche na komooghu, kubha mubhe no bhumu na niitu mo‑bhokumi. Obhumu bhuno tughöötë n‑haghirohamu na Taata Waryobha, no Omoona waache Yesu Kirisito.

Amaköri gha Bhatomu 5:41

Abhatomu bhayo bhakahoroka mo‑riibharacha riyo bharasiighasiigha, kinya Eryobha rebhaheere asooko e ghutaraahu gho ghiri e riina re Yesu.

Yohana 17:24

“Oo Taata, nekwënda kubha bhano oheere bhabhe haghirohamu na neeni hano neekubha, kubha bhabhorighi obhokumi bhoone obhokoro bhuno oheere, gho kubha ꞉nuushamiri ghonsiigha koru ase ekeere ghutëëmu.

Ruuka 22:30

ntookubha toraraaghëra ebhiinyakurë na kunyo haghirohamu mo‑bhutëmi bhoone. Na moghwikara mo‑bhetumbe bhe bhokumi obhokoro, moratenera ekiina amatöngö ikomi na abhere gha Bhiisiraeri.”

Obhohunyurëru 21:14

Eribhendo riyo re moghya ndeere ryabhëkuru ighoro e mabhohe ikomi na abhere gha bhoroso. Na kira riibhohe ndeere ryandëkuru eriina re umu ghate e bhatomu bhaare ikomi na bhabhere bha Moona o Ngʼöndu.

Abhakorosaayi 1:24

Ibheere neghuchömëru kwo nyaako ino nekubhöna gho ghiri yaanyu. Mo‑mobhere waane neghusanga anyaako ino Kirisito ꞉abhwine gho ghiri e mobhere waache, niryo eriikanisa.

Abhabhiribhi 1:29

Motahaabhuru komokumi Kirisito okwene, amare muhaabhuru koru kunyaakibhu gho ghiri yaache.

Abharuumi 8:30

Mbe, bhayo reere ryahwire, nibho bhano ꞉reebherekiire, na bhano ꞉reebherekiire, nibho bhano ꞉riibhariire kubha mbaanyi no obhuhëënë, na bhano ꞉riibhariire kubha mbaanyi no obhuhëënë, nibho bhano ꞉riiraghiire kubha ndekobhaha obhokumi obhokoro.

1 Yohana 4:17

Gho nchëra iyo, obhosiighi bhooche mbohikeriine ghokwito, kubha tubhe no obhosubhesubhe orosiko ro ghoteneru ekiina. Ntookubha nabho gho kubha, eriimanya riito re mo‑se ino, ndetuubhiine ne eriimanya re Yesu.