Yohana 17:19 - Eriiraghano Eriihë

¹⁹ ˆNeghiitoora ghokuhökëri iye gho ghiri yaabho, kubha nabho bhatooru ghokoocho mo‑bhuhëënë.

Yohana 17:19 Referans Kwoze

Abheebhuraaniya 2:11

Yesu haghirohamu na abhaato bhano akomusa amasari ghaabho, Ishe waabho n‑umu. Nikyo ghighëriri Yesu taanyi na chaasoni kobhabherekera kubha abhahiiri bhaache.

Tiito 2:14

꞉Niiruusiri gho ghiri yiito, kubha atotoori koru mo‑mabhe ghoose. ꞉Nëëndiri ghotomusa, kubha hëënë tubhe abhaato bhaache, bhano bhiiruusiri ghuköra amachömu.

Yohana 17:17

Oo Taata, ˆneghaghusabha obhakörë kubha abhaato bhaacho inkongʼorimu mo‑bhuhëënë bhoocho, gho kubha angʼana yaacho niyo obhuhëënë.

1 Abhakorinto 1:2

ntokobhakëëri inyu abhaato bha riikanisa re Ryobha bhano moonyi mo‑moghya o Korinto. Eryobha ndebhahwire gho nchëra e Kirisito Yesu na kobhabherekera mubhe abhaato bhaache. Ntokobhakëëri inyu haghirohamu na abhaato bhoose bha chambaara choose bhano bhakomusabha Yesu Kirisito, uno niwe Omutëmi waabho no Omutëmi wiito itu bhoose.

2 Timotewo 2:10

Gho ghayo, neghoghumereri ghoose gho ghiri e bhaato bhano bhaahwiru ne Eryobha bhabhe abhaato bhaache. Neghuköra hangʼu, kubha bhoose bhasongʼaane obhotoori kohetera Kirisito Yesu, na ghusanga obhokumi bhooche obhokoro bho emiishe ghyose.

1 Abhatesaronike 4:7

Eryobha retatobherekiire ghuköra obhutaari, amare ndetobherekiire kubha twikare mo‑bhutööbhiyu.

2 Abhakorinto 8:9

Ghokera ghayo, mweche kinya bhuno Omutëmi wiito Yesu Kirisito abhaheere aghareeya yaache. Nangabha are omwame, aghiiköri kubha muhabhe gho ghiri yaanyu, kubha gho nchëra e bhuhabhe bhooche, inyu mubhe abhaame.

2 Abhakorinto 4:15

Ibheere amangʼana ghoose ghano ghaghotubhöna, ngaghotubhöna gho ghiri yaanyu, kubha aghareeya e Ryobha ebhahikere abhaato bhaaru chwee, kubha abhaato bhëëngërë koriitabheri Eryobha. Kurëngʼaana na ghayo, Eryobha ndekwëndërëra ghoghongibhu.

Abheebhuraaniya 9:26

Aribha nengabheere hangʼu, mbe, nangabheere arëndëru kunyaaka mara kaaru korwera hano Eryobha ritëëmiri ase. Amare iwe mo‑chaasiko chino che ntenero, niichiri na kwiruusi kubha amaruusi mara rimu hangʼu kubha atomuse amasari ghiito.

Abheebhuraaniya 10:29

Ibheere mwihëëbhë! Kana, n‑anchagho e ngʼana hayi ino akubhöna omooto uno akomutaraaha Omoona o Ryobha na korighi kubha amasaahë gha riiraghano rino ꞉reemomusiri amasari ghaache kubha taanyi egheghiro ghe ghotereera, na kwo mooto uno aghotoka Akörö Ahörëëru ino enyi e ghareeya?

Abheebhuraaniya 9:13

Kurëngʼaana ne emeghiro ghe Musa, abhachaama mbaare bharasusuuteri amasaahë gha chambërëtë, na gha chaheeri ne eriibhu re bhimööri kwo bhaato bhano ꞉bhaare abhaghonchu kubha bhamusu emebhere gheebho.

Abheebhuraaniya 9:18

Nikyo ꞉ghiighëriri koru Eriiraghano riire re Kare retaare na changuru oraanga ghwita amasaahë gha chatyenyi.

Yohana 10:36

Kana, ngwake mokobhugha eni neghwiköri Eryobha hano nekobhugha, ‘Eni n‑Omoona o Ryobha?’ Taata niwe anyahwire na ghontoma mo‑se.

Yohana 15:3

Inyu mumariri ghuköngööru, gho kubha moghokumi ameeghi ghaane.

Yohana 15:13

Taanyi‑ho omooto uno anyi no obhosiighi bhokoro ghokera bhuno, bho mooto koruusi obhuhöru bhooche gho ghiri e bhasaani bhaache.

Yohana 17:20

“Nteekobhasabhera abheene hangʼu, amare nekobhasabhera bhoose bhano bhakuucha ghonkumi gho ghiri e ghano abhaanabheegha bhaane bhakweghi.

2 Abhakorinto 7:14

Eni ꞉neebhaghongiri chwee ambërë yaache, na niinyu motanköriire chaasoni. Ghoose ghano toore torabhabhoorera ngaare gha hëënë. Hangʼu hangʼu, na ghano ꞉toobhaghongiiri inyu gho Tiito, ghoose ꞉ngaarighiibhu kubha n‑gha mahëënë.

Abhakorosaayi 1:6

Angʼana Anchömu ino ꞉ehikiri bhowaanyu, nisanchiri mo‑se ingima. Nekobhagharura abhaato kinya ꞉ebhagharwire inyu korwera orosiko runo ꞉mooghwire na kumënya aghareeya e Ryobha no obhuhëënë bho ghareeya yaache kebhuno enyi.

1 Yohana 3:3

Omooto wowoose uno aghwitëngʼëra kubha naghotuubhaana na Kirisito, iyeri abhe mutööbhiyu, kinya bhuno Kirisito omwene anyi mutööbhiyu.

1 Yohana 3:18

Abhaana bhaane abhasiighani, totabhasiigha bhaghëndi bhiito kwo mangʼana agheene, amare tosiighane kwo bhuhëënë gho nchëra e ghukörërana amachömu.