Yohana 16:32 - Eriiraghano Eriihë

³² Eriibhagha ˆreghatingʼi, wiiki ˆrekahika, hano moghusanchana, omooto woose naaghuye bhowaabho, na ghontigha eni omwene chiri. Amare nteekubha eni omwene chiri, gho kubha Taata naanyi haghirohamu na neeni.

Yohana 16:32 Referans Kwoze

Mataayo 26:31

Mbe, Yesu akabhabhoorera abhaanabheegha bhaache akabhugha, “Obhotiko bho reero, inyu bhoose mokungʼösa na ghontigha. Neekubha hangʼu, kinya Eryobha rebhughiri mo‑Mandëkö Amatööbhiyu kubha, ‘Nekomutëma omoriishi o changʼöndu, ne erikinda ndeghusanchana.’

Yohana 8:29

Uno antomiri naanyi haghirohamu na neeni. Tantighiri eni mwene, gho kubha eriibhagha ryose neghoghaköra ghano ghakomotegheri.”

Yohana 8:16

Amare erabha eni nemoteniire ekiina omooto, neekubha niköriri kwo bhuhëënë gho kubha nteenyi eni mwene, amare neenyi haghirohamu na Taata uno antomiri.

Maariko 14:27

Hano ꞉bhaare mo‑nchëra, Yesu akabhabhoorera abhaanabheegha bhaache akabhugha, “Inyu bhoose mokuungʼösa gho ghano ghakuucha korwera. Ngaakubha kebhuno Eryobha ꞉reebhughiri mo‑Mandëkö Amatööbhiyu kubha, ‘Nekomutëma omoriishi, na changʼöndu ncheghusancha.’

Mataayo 26:56

Amare ghoose ghano ngarweriire kubha ghahikeerane ghano abharööti ꞉bhaandëkiri mo‑Mandëkö Amatööbhiyu.” Bhakamara abhaanabheegha bhaache bhoose bhakamotigha Yesu, bhakangʼösa.

Yohana 20:10

Mbe, abhaanabheegha bhaare bhaghagharuka mo‑chaaka cheebho.

Yohana 16:25

“Nekobhabhoorera ghoose ghayo gho nchëra e bhetuubhaani. Eriibhagha ndekuucha rino ntaaghosiikëra na niinyu gho nchëra e bhetuubhaani, amare nekobhabhoorera haheero ighoro e Taata.

Yohana 16:2

Abhaato mbakobhahëëbha mo‑masinaghooghi. Ndekuucha eriibhagha rino omooto aramwita umu ghate yaanyu, nakwihëëbha kubha, nakorihökëri Ryobha.

Yohana 4:23

Eriibhagha ndekuucha, wiiki ˆrekahika, abhaato bhano bhakwënda korisëngëra Eryobha kwo bhuhëënë, mbakomusëngëra Taata mo‑körö no obhuhëënë. Taata Waryobha nakwënda abhaato bhano bhakomusëngëra gho nchëra iyo.

Yohana 4:21

Yesu akamugharokeri akabhugha, “Oo omukari iye, onkumi, eriibhagha ndekuucha rino motaakomusëngëra Taata Waryobha mo‑gheghoro kino hamu mo‑Risëngërö re Yerusareemu.

Yohana 12:23

Yesu akabhagharokeri akabhugha, “Eriibhagha reene eni, uno neenyi Omoona o Mooto, kubhöna obhokumi obhokoro ˆrekahika.

Yohana 5:28

Motahagha ighoro e ghayo! Ndekuucha eriibhagha rino abhaku bhoose mbakooghu eriiraka reeche,

Yohana 5:25

Mahëënë ˆnekabhabhoorera, eriibhagha ndekuucha, wiiki ˆrekahika, bhano bhakuure mbakooghu eriiraka re Moona o Ryobha. Niho bhano bhakooghu, mbaakubha no obhuhöru bho miishe ghyose.

Maariko 14:50

Niho abhaanabheegha bhaache bhoose bhakamotigha Yesu, bhakangʼösa.

Amaköri gha Bhatomu 8:1

Sawuri woose ꞉niisheriiri gho ghwitu gho Siteebhano. Orosiko ruyo hakarwera anyaako ihaari chwee mo‑bhaato bha mo‑kanisa iyo Yerusareemu. Abhaghëndi bhaaru bha Yesu bhaghasancha, bhakangʼösëra mo‑mikööwa ghe Yuteya na Samaariya. Amare abhatomu bha Yesu, bhaghasaagha Yerusareemu.

Yohana 16:31

Yesu akabhabhoori akabhugha, “Kana, ibheere ˆmoghakumi?

Yohana 19:27

Wiiki akamobhoorera omoonamwegha uyo akabhugha, “Mumööhërëri uno, niwe nyako.” Mbe, korwera eriibhagha riyo omoonamwegha uyo akamwimoki, aghaye na nyina Yesu ghwikara nawe awaache.

Amaköri gha Bhatomu 21:6

Tuuche kumara tokaraghana nabho, toghatiira mo‑bhwato, ibho bhaghagharuka mo‑chaaka cheebho.