Yohana 16:28 - Eriiraghano Eriihë

²⁸ Eni neruure o‑Taata nekaacha mo‑se ino, amare ibheere neghutanura mo‑se ino, nigharuke o‑Taata.”

Yohana 16:28 Referans Kwoze

Yohana 13:1

Mbe, eriibhagha anyangi e Bhaasaka ere ekeere kohika, Yesu akamënya kubha eriibhagha reeche ˆrekahika re ghutanura mo‑se ino ghuye ghwi Ishe. Yesu naare asiighiri abhaato bhaache bhano ꞉bhaare mo‑se, wiiki ꞉naabhasiighiri koheta ekirëngërë.

Yohana 13:3

Yesu ꞉naamënyiri kubha Taata namoheere obhotoro bho kobhikangata ebheghiro bhyose. Wiiki ꞉naamënyiri kubha ꞉naaruure kwo Waryobha, na kubha naghugharuka wiiki kwo Waryobha.

Yohana 8:14

Yesu akabhagharokeri akabhugha, “Koru nangabha neghwighambera eni mwene ghano neghosiikëra n‑gha mahëënë, gho kubha nyeeche hano neruure, wiiki nyeeche hano neeghuye. Amare inyu moteeche hano neruure na hano neeghuye.

Yohana 16:5

Mbe, ibheere ˆneeghaye o‑Taata uno ꞉antomiri ghokoonyu. Amare taanyi‑ho wowoose ghate yaanyu uno akomboori kubha, ‘Kana, hayi oghuye?’

Yohana 17:5

Oo Taata, neghusabha wërëki obhokumi bhoone obhokoro, obhokumi obhokoro bhuno neere nabho eriibhagha toonyi haghirohamu, eriibhagha ore okeere ghutëëma ase.

Yohana 16:16

“Rekeere eriibhagha isuuhu hangʼu na niinyu motaakondighi, wiiki rekeere eriibhagha isuuhu hangʼu na niinyu mokondighi.”

Yohana 14:28

Mooghwire ghano nebhabhooriire kubha, ‘Neeghuye, amare nekuucha wiiki ghokoonyu.’ Aribha mahëënë monsiighiri, mongabheere morachömëru kooghu kubha neeghuye o‑Taata, gho kubha Taata m‑mokoro ghonkera eni.

Ruuka 24:51

Hano are akeere arabhiitabheri, akabhatigha, akiimokibhu ghuye Mwishaaro.

Yohana 17:13

“Oo Taata, ibheere ˆnekaacha ghokoocho. Eni nekobhabhoorera abhaanabheegha bhaane ghoose ghano eriibhagha nekeere neenyi mo‑se ino, kubha ghuchömëru koone koose kubhe mo‑metema gheebho.

Yohana 17:11

Eni nteekubha wiiki mo‑se ino, amare ibheere ˆnekaacha ghokoocho. Amare ibho mbakwëndërëra kubha mo‑se ino. Oo Taata Omutööbhiyu, ˆneghaghusabha obhachonge kwo bhotoro bho riina reecho rino oheere, kubha bhabhe egheghiro kimu kinya bhuno itu toonyi.

Ruuka 9:51

Eriibhagha re Yesu re ghugharuka Mwishaaro ndeere ˆreghatingʼi. Niho akëënda hayo hayo ghuye Yerusareemu, aghatanura.

Yohana 8:42

Yesu akabhagharokeri akabhugha, “Aribha Eryobha rengabheere Taata waanyu, mbe, mongabheere moransiigha, gho kubha neeni neruure kwo Waryobha ni ibheere hano neenyi. Eni ntiichiri gho changuru cheene, amare n‑Eryobha niryo rentomiri.

Yohana 16:10

Nakwërëki obhuhëënë bhoone gho kubha, neeghuye o‑Taata na motaakondighi wiiki.

Yohana 16:30

Ibheere tokamënya kubha nogheeche ghoose, wiiki tookwënda omooto akobhoori ghyokyose. Gho ghayo, toghakumi kubha noruure kwo Waryobha.”