Biblia Todo Logo
Bib sou entènèt

- Piblisite -




Yohana 16:27 - Eriiraghano Eriihë

27 Taata omwene nabhasiighiri inyu, gho kubha inyu monsiighiri eni, wiiki moghokumi kubha neruure o‑Taata.

Gade chapit la Kopi




Yohana 16:27
26 Referans Kwoze  

Omooto wowoose uno aghosongʼaana amaraghereri ghaane na ghoghaghööta, uyo niwe ansiighiri. Omooto uno aghonsiigha, Taata nakomosiigha, na neeni nekomosiigha na kwiyërëkani ghokooche.”


Yesu akamugharokeri akabhugha, “Omooto wowoose uno ansiighiri, naghughööta angʼana yaane. Taata waane nakomosiigha, wiiki eni na Taata ntookuucha ghokooche na ghwikara haghirohamu nawe.


Eni neenyi moose yaabho, na niiye noonyi moose yaane. Neghusabha kubha bhabhe egheghiro kimu inkongʼorimu, kubha gho nchëra iyo abhaato bhoose bha se bhamënyë kubha n‑iye uno ontomiri, wiiki bhamënyë kubha nobhasiighiri kinya bhuno onsiighiri eni.


Inyu momosiighiri, nangabha motaamara komorighi. Wiiki nangabha motaakomorighi ibheere, amare mokomokumi. Gho ghayo, muchömiiru chwee mo‑bhokumi, oghuchömëru kuyo nkoonyi no obhokumi obhokoro bhuno bhotaaghotora koru ghughambu,


Omooto wowoose uno atamosiighiri Omutëmi Yesu, niihiimuru. Omutëmi wiito nuuche!


Yesu akabhagharokeri akabhugha, “Aribha Eryobha rengabheere Taata waanyu, mbe, mongabheere moransiigha, gho kubha neeni neruure kwo Waryobha ni ibheere hano neenyi. Eni ntiichiri gho changuru cheene, amare n‑Eryobha niryo rentomiri.


Ibheere itu ntosiighiri bhaghëndi bhiito ne Eryobha ntoresiighiri, gho kubha Eryobha niryo ꞉riishamiri ghotosiigha.


Obhosiighi bho Kirisito mboghotukangata itu, gho kubha ntweche kubha omooto umu ꞉naakuure gho ghiri e bhaato bhoose, ne ekebhune keeche n‑kubha, abhaato bhoose mbaghusanga oroko rooche.


Ibheere tokamënya kubha nogheeche ghoose, wiiki tookwënda omooto akobhoori ghyokyose. Gho ghayo, toghakumi kubha noruure kwo Waryobha.”


Omooto wowoose uno amosiighiri ishe hamu nyina ghonkera eni, uyo taakundëngʼaanera. Wiiki, wowoose uno amosiighiri omoona waache, hamu omuukë waache, ghonkera eni, uyo woose taakundëngʼaanera.


Abhaato bhano eni nesiighiri, nehaabhahiinya na kobhahööcha. Mbe, mubhe moriiköngʼi na ghotuukuunera amasari ghaanyu.


Mutëghëërërë! Nekobharëëtëra inyu abhaghëndi bha Rishambu, bhano bhakwibherekera n‑Abhayahuuti, abhaato bha Ryobha, amare tiyaanyi, m‑bharöngö. Mbe, bhano nekobhaköra bhaache bhabhahighamere. Niho bhakumënya kubha, nebhasiighiri inyu.


Aghareeya e Ryobha, ibhe na bhoose bhano bhamosiighiri Omutëmi wiito Yesu Kirisito, kwo bhosiighi bhuno bhotaanyi na antenero. Hawubhaabha.


Omutëmi Waryobha nakomutöngëra omooto wowoose uno amosiighiri. Wiiki nakomurööna omooto wowoose uno akomwishereri kubha omoona waache.”


Angʼana e hëënë ino ekwëndëru abhaato bhayiishereri n‑kubha, “Kirisito Yesu ꞉niichiri mo‑se, kubha atoori abhaato bha masari.” Ghate e bhaato bha masari, eni niköriri amasari ghokera bhoose.


Amare eriibhagha rino rirënguru hano rehikiri, Eryobha rekamotoma Omoona waache mo‑se ino. Omoona waache akiibhoru no omukari kinya itu, akamanya haase e meghiro ghe Musa.


Omooto o mumbërë, Ataamu, naare o mo‑se, natëëmuru koru mwiröbhë. Omooto o kabhere, n‑Kirisito, uno aruure Mwishaaro.


Emeghiro ghe Musa ghetaare na changuru che ghototoora huuru, gho ghiri e simoka yiito e masari. Amare emeghiro ghiyo kino ghetaatoriri ghuköra, Eryobha ꞉ndiiköriri. ꞉Ndeetomiri Omoona waache omwene chiri, ache ghokwito mo‑se ino, anyi omooto kinya itu bhano toonyi na amasari, kubha abhe eriruusi gho ghiri e masari ghiito. Gho nchëra iyo, rekamutëma anchagho gho ghiri e masari gha bhaato.


Eni neryeche gho kubha neruure ghokooche, wiiki niryo rentomiri ghokoonyu.”


Taanyi‑ho omooto wowoose uno ꞉atoriri ghuye Mwishaaro, nanyinga eni, uno neenyi Omoona o Mooto, niwe ꞉niichiri koru Mwishaaro.


Yesu ꞉naaköriri ekyërëkërëri kino mo‑moghya o Kana mo‑mukööwa o Ghariraaya. Ekyërëkërëri kiyo nikyo keere e kimbërë ghuköru kwërëki obhokumi bhooche obhokoro mo‑bhaato. Gho ghayo, abhaanabheegha bhaache bhakamokumi.


Swiv nou:

Piblisite


Piblisite