Yohana 16:10 - Eriiraghano Eriihë

¹⁰ Nakwërëki obhuhëënë bhoone gho kubha, neeghuye o‑Taata na motaakondighi wiiki.

Yohana 16:10 Referans Kwoze

1 Bheetero 3:18

Kirisito woose nanyaakiru mara rimu hangʼu gho ghiri e masari, omooto omuhëënë gho ghiri e bhaato bhano bhataanyi abhahëënë, kubha atughöötani ne Eryobha. Omobhere ꞉wiituru, amare kwo bhotoro bho Akörö Ahörëëru ꞉naabhwine wiiki obhuhöru.

2 Abhakorinto 5:21

Kirisito taare na amasari ghoghoose, amare Eryobha ꞉ndeemubhariire amasari gho ghiri yiito, kubha itu tubhareru obhuhëënë ambërë e Ryobha gho kohetera ghokooche.

1 Timotewo 3:16

Amangʼana gha bhuhëënë ghano Eryobha rehunywire n‑gha koroghoori, nagho nigho ghano: Kirisito niyëërëkiini mo‑mobhere, na Akörö Ahörëëru ekamuhëënëhi kubha, mughöröröku, akarighibhu na bhamarayika, akaraghanibhu mo‑matöngö ghoose, aghakumibhu na abhaato bha mo‑se, aghaghëghu ghuye ighoro mo‑bhokumi bhooche obhokoro.

1 Abhakorinto 1:30

Eryobha niryo rekobhaghöötani inyu na Kirisito Yesu. Iryo ndiköriri Kirisito abhe amangʼiini ghiito. Niko kobhugha kubha gho nchëra e Yesu ntobheere bha hëënë ambërë e Ryobha, na ntobheere abhatööbhiyu, wiiki ntoghotingoribhu.

Amaköri gha Bhatomu 3:14

mokamusabha Bhiraato kubha, omwiti ighoreru, amare Yesu aku. Mokamwanga Yesu Omutööbhiyu o Ryobha, uno niwe omwene chiri omuhëënë ambërë e Ryobha.

Abhagharatiya 5:5

Amare itu, kino toghwitëngʼëra kwo bhotoro bho Körö Ahörëëru n‑kubha, Eryobha ndeghotubhara kubha abhaato abhahëënë, gho kubha ntokomokumi Yesu.

Abharuumi 1:17

Angʼana Anchömu iyo nekwërëki haheero kinya bhuno Eryobha rekubharera abhaato kubha abhahëënë ambërë yaache. Abhaato mbakubhareru kubha abhahëënë ambërë e Ryobha gho nchëra e ghokumi okwene. N‑kinya bhuno Amandëkö Amatööbhiyu ghakobhugha kubha, “Uno anyi omuhëënë, nakumanya kwo bhokumi.”

Amaköri gha Bhatomu 17:31

Gho ghayo, natooriri orosiko runo akobhatenera ekiina abhaato bhoose kwo meghiro na kwo bhuhëënë, gho nchëra e mooto uno ahwire. ꞉Naabhëërëkiri abhaato bhoose obhuhëënë bho mooto uno ahwire gho komoryoki koru mo‑bhaku.”

Amaköri gha Bhatomu 7:52

Kana, naanyi‑ho omurööti koru umu uno bhasookoro bhaanyu bhataamunyaakiri? Mbaare bharabhiita koru abharööti bhano ꞉bhaare bhararuusi obhurööti ighoro e kuucha kwo wuure Omuhëënë o Ryobha! Uyo niwe uno inyu ꞉moomwigharuriini, mokamwita.

Amaköri gha Bhatomu 2:32

Yesu uyo, Eryobha ꞉ndeemoryokiri koru mo‑bhaku, itu bhoose n‑abhiibhatereri bha ngʼana iyo toonyi.

Yohana 5:32

Amare Taata naghungambëra amangʼana ghaane ghokoonyu, na neeni nyeeche kubha amaghambo ghoose ghano aghughamba ighoro yaane n‑gha hëënë.

Yohana 3:14

“Hano Abhiisiraeri ꞉bhaare mwibhara, Musa ꞉naaköriri asanaamu e nchöka ino ꞉iköruru gho shabha na koyetiiri a‑mote, kubha abhatoori. Hangʼu hangʼu eni Omoona o Mooto nekuucha ghotiiribhu,

Yohana 7:33

Niho Yesu akabhabhoorera abhaato bhayo akabhugha, “Neekubha na niinyu kwo riibhagha ighuhe hangʼu, neramara neghugharuka wiiki ghokooche uno antomiri.

Yohana 16:5

Mbe, ibheere ˆneeghaye o‑Taata uno ꞉antomiri ghokoonyu. Amare taanyi‑ho wowoose ghate yaanyu uno akomboori kubha, ‘Kana, hayi oghuye?’

Yohana 16:28

Eni neruure o‑Taata nekaacha mo‑se ino, amare ibheere neghutanura mo‑se ino, nigharuke o‑Taata.”