Yohana 15:27 - Eriiraghano Eriihë

²⁷ Wiiki inyu bhoose moghungambëra amangʼana ghaane, gho kubha moore haghirohamu na neeni korwera ekeenyuma.”

Yohana 15:27 Referans Kwoze

1 Yohana 4:14

Itu ntorooche na ntokobhabhoorera obhuhëënë kubha, Taata Waryobha ꞉naamotomiri Omoona waache mo‑se ino, kubha abhe Omotoori o bhaato bhoose.

Yohana 21:24

Omoonamwegha uyo niwe uno aghoghaghambera ghano na ghoghaandëka. Itu ntweche kubha ghano akobhugha n‑gha hëënë.

Ruuka 24:48

Inyu niinyu morooche amangʼana ghayo ꞉ghaakörëkiine wiiki niinyu moghoghasiikëra kwo bhande.”

Amaköri gha Bhatomu 23:11

Orosiko ruyo ruyo obhotiko, Omutëmi akiimeerera rubhareka ro Bhawuro, akamobhoorera akabhugha, “Nwitoore omukörö! Kinya ꞉onduusiiri obhwibhateri hano Yerusareemu, hangʼu hangʼu nokwëndëru onduuseri obhwibhateri mo‑moghya o Ruumi woose.”

1 Bheetero 5:12

ˆNekabhaandëkëra anyaarubha ino inguhe, kwo bhotoorereri bho Sirwano. Eni nyeeche bhoheene kubha, n‑omokumi omuhëënë. Kino nekwënda, n‑kobhatoora omukörö na kobhahëënëhëri kubha amangʼana ghano mahëënë n‑aghareeya e Ryobha. Kurëngʼaana na aghareeya iyo, mwimeerere muköngʼiiri!

1 Bheetero 5:1

Ibheere neghosiikëra na niinyu abhagharuka bha riikanisa. Eni n‑omugharuka mughëndi waanyu neenyi, na nerooche kwo miisho ghaane bhuno Kirisito anyaakiru. Wiiki, eni neghusanga na niinyu mo‑bhokumi obhokoro bhuno ˆbhoghatingʼi korighibhu. Gho ghayo ˆnekabhasasaama inyu,

Amaköri gha Bhatomu 4:20

Itu totaaghotora ghotigha ghosiikëra ighoro e mangʼana ghano torooche na ghoghooghu!”

Amaköri gha Bhatomu 1:8

Amare, mokuhaabhu changuru hano Akörö Ahörëëru ekuucha ghokoonyu, mookubha abhiibhateri bhaane mo‑moghya o Yerusareemu na ahaghiro ahande hoose ha Yuteya, na Samaariya, mbagha mo‑se yoose.”

Obhohunyurëru 1:9

Eni Yohana n‑omokumi omughëndi waanyu neenyi. Nighöötiine na niinyu ghoghumereri kunyaaka gho ghiri e Yesu Kirisito no obhutëmi bhooche. Neere nihööchëriiru mo‑gheghinga ke mo‑nyancha kino ghekobherekeru Bhaatimo. ꞉Niihööchëriiru iyo gho ghiri e kuraghani angʼana e Ryobha, na koruusi obhwibhateri ighoro e Yesu.

Obhohunyurëru 1:2

Yohana aghasiikëra amangʼana ghoose ghano ꞉arooche. Ghayo nigho Eryobha ꞉reesiikiire na Yesu Kirisito aghaghasiikërëra.

Amaköri gha Bhatomu 18:5

Hano Siira na Timotewo ꞉bhaare bhahikiri hayo, koru Maketoniya, Bhawuro aghasëëma kuhökëri eriibhagha reeche ryose kweghi Abhayahuuti angʼana e Ryobha, arabhabhoorera kubha Yesu niwe Kirisito.

Amaköri gha Bhatomu 13:31

Gho chaasiko chaaru, Yesu ꞉naabharweriire abhaato bhano ꞉bhaare haghirohamu nawe koru Ghariraaya mbagha Yerusareemu. Ibho nibho ꞉bhaabheere abhiibhateri bhaache mo‑ritöngö riito re Bhiisiraeri.

Amaköri gha Bhatomu 4:33

Abhatomu bha Yesu mbaare bharabhabhoorera abhaato gho changuru chaaru amangʼana ighoro e Mutëmi Yesu kubha naryokiri. Eryobha rekabhaha aghareeya yaache kwo bhwaru bhoose.

Yohana 19:35

Bhuno n‑obhwibhateri bho mooto uno agharooche gharaköru. Bhuyo n‑obhwibhateri bho hëënë, gho kubha iwe neeche ghano aghosiikëra n‑gha hëënë, kubha na niinyu motore ghokumi.

Amaköri gha Bhatomu 3:15

Mbe, mokamwita uno anyi omutangi o bhuhöru! Amare Eryobha rekamoryoki koru mo‑bhaku, na niitu n‑abhiibhateri bha koryoka kooche toonyi.

Maariko 1:1

Ino niyo simoka e Ngʼana Anchömu e Yesu Kirisito, Omoona o Ryobha.