Yohana 15:24 - Eriiraghano Eriihë

²⁴ Niköriri ebheroghooro bhekoro bhino bhetaamara bhiköru no omooto owonde. Erabha bhatangabherooche, mbangabheere bhataanyi na amasari. Amare ibheere, mbagharooche ghoose ghano ꞉niiköriri, koru hangʼu bhakeere bhandëghiri eni na Taata waane.

Yohana 15:24 Referans Kwoze

Yohana 14:9

Yesu akamugharokeri akabhugha, “Bhiiribho, nibheere haghirohamu na niinyu chaasiko chino choose, iye okeere kuumënya eni? Omooto wowoose uno andooche eni, namorooche Taata. Mbe, ngwake okomboori kubha, ‘Otwërëki Taata’?

Yohana 5:36

Amare eni neenyi no obhwibhateri bhokoro chwee ghokera bhuure bho Yohana. Gho ghayo, emeremo ghino Taata aheere ghuköra nighyo ghino gheghungambëra kubha Waryobha Taata niwe antomiri.

Yohana 10:37

Aribha nteeghuköra emeremo ghe Taata ghino aghoghiköra, mbe, motankumi.

Yohana 10:32

Amare iwe akabhabhoorera akabhugha, “Nëbhëërëkiri ebhiraghe bhyaru ebhichömu, bhino ꞉niiköriri gho changuru che Taata. N‑ngʼana ke mo‑ghayo ino eghughëri mwëndë kundasa na amabhohe?”

Yohana 9:32

Korwera kare, totaamara kooghu koru hasuuhu kubha, omooto uno ibhwiru anyi omohuku nahöriri.

Yohana 7:31

Mbe, abhaato bhaaru bhano ꞉bhaare hayo bhakamokumi Yesu. Mbaare bharabhugha kubha, “Aribha Kirisito nakuucha, kana, naghuköra ebhiraghe bhyaru ghokera bhino omooto uno aköriri?”

Yohana 3:2

Orosiko rumu obhotiko, aghaye o‑Yesu akamobhoorera akabhugha, “Oo Omweghi, ntweche kubha iye n‑Omweghi uno otomuru ne Eryobha, gho kubha taanyi‑ho omooto uno aghotora ghuköra ebhyërëkërëri bhino oghuköra, aribha Eryobha retaanyi haghirohamu nawe.”

Mataayo 9:33

Yesu akawuhëëbha omusambu uyo, hayo hayo, omooto uyo aghasëëma ghosiikëra. Abhaato bhano ꞉bhaare hayo bhakaroghoora chwee, bhakabhugha, “Mo‑se yoose e Isiraeri, ghataamara gharwera naabha amangʼana kinya ghano!”

Yakobho 4:4

Inyu n‑abhaato bhano motaanyi no obhuhëënë n‑kinya abhataari, bhano mokwanga Eryobha! Moteeche kubha, ghughöötana obhusaani na ase, n‑kubha abhabhisa bha Ryobha? Gho ghayo, omooto woose uno akwënda ghughöötana obhusaani na ase, naghwiköri omwene kubha omobhisa o Ryobha.

2 Timotewo 3:4

Mbaakubha abhiigharori, na bharaköra bhwango amangʼana ghano ghataanyi no obhwëra, na mbaakubha bhariihacha. Mbaakubha bharasiigha amiigha gha se, ghokera koresiigha Eryobha.

Abharuumi 1:30

na m‑bha amatoki, na mbahaarirëgha Eryobha. Bhataaghotereera amangʼana gha bhaghëndi bhaabho, wiiki n‑abhaato bha mitu miköngʼu na mbiihachi. Eriibhagha ryose mbaghutabhara anchëra ahë e ghuköra amabhe. Bhataaghosooka abhiibhori bhaabho,

Amaköri gha Bhatomu 10:38

Mweche kubha, Eryobha ꞉ndeemwahwire Yesu o Nasareeti gho komuha Akörö Ahörëëru no obhotoro. Yesu ꞉naaghiire ino na ino, araköra amachömu na kuhöri bhoose bhano ꞉bhaare bharanyaakibhu na changuru che Rishambu, gho kubha Eryobha ndeere haghirohamu nawe.

Amaköri gha Bhatomu 2:22

Bheetero akëëndërëra kobhugha, “Inyu abhaato bha Isiraeri, muntëghëërërë bhoheene! Eryobha eryene ndëbhëërëkiri obhokoro bho Yesu o Nasareeti ghokoonyu, gho nchëra e bhiraghe, ne ebheroghooro, ne ebhyërëkërëri bhe manga maaru bhino Eryobha ꞉reemoheere ghuköra ghate yaanyu. Ghayo, inyu mogheeche bhoheene.

Yohana 12:45

Uno andooche eni, namorooche na uno antomiri.

Yohana 6:36

“Amare eni ˆnekabhabhoorera kubha koru nangabha mondooche, mokeere motaaghonkumi.

Ruuka 24:19

Yesu woose akabhoori akabhugha, “Mangʼana ke ghayo?” Bhakamugharokeri bhakabhugha, “Itu ntoghosiikëra ighoro e ghano ꞉ghaakörëkiine o‑Yesu o Nasareeti. Eryobha na abhaato bhoose ꞉mbaarooche kubha, iwe m‑murööti are, wiiki naare no obhotoro bho ghuköra na ghosiikëra.

Maariko 2:12

Hayo hayo, omooto uyo akiimeerera akiimoki machëëra yaache, akahoroka anche, ino bhoose bhano ꞉bhaare hayo bharamumööhërëri. Abhaato bhayo bhoose bhakahagha na koreghongi Eryobha, bhakabhugha, “Totaamara korighi naabha angʼana kinya ino iköruru reero!”

Mataayo 21:32

Yohana ꞉niichiri ghokoonyu kubha abhëërëki anchëra e bhuhëënë, na niinyu motaamokumiri. Amare abhatöbhi bha righööti na bhasöngörëëri ꞉mbaamokumiri. Koru hangʼu inyu eriibhagha morooche ghoose ghayo, motiisheriiri ghugharura amiihëëbhö ghaanyu na komokumi.

Mataayo 11:5

Kubha, abhahuku ˆbhakarighi, na abhabhëëru ˆbhaghaghënda, na abhabhabharu bha mbiti ˆbhakahöra, na abhakiro bhakooghu, na abhaku ˆbhakaryoka. Wiiki, abhahabhe ˆbhakaraghaneru Angʼana Anchömu e Ryobha.

Yohana 12:10

Niho abhakoro bha bhachaama bhaghaköra ekiina ghe komwita Rasaaro woose,

Yohana 9:41

Yesu akabhagharokeri akabhugha, “Aribha mongabheere abhahuku motangabheere na amasari. Amare mokeere moonyi na amasari, gho kubha mokobhugha mokorighi.”

Yohana 15:21

Amare mbakobhakörëra ghoose ghayo, gho ghiri e ghuntambana eni, gho kubha bhatamweche uno antomiri.

Yohana 15:22

Aribha netangichiri bhowaabho na ghosiikëra nabho, mbangabheere bhataanyi na amasari. Amare ibheere, bhataaghotora ghwitachura kubha bhataanyi na amasari.

Yohana 15:23

Omooto wowoose uno andëghiri eni, namurëghiri na Taata waane.

Yohana 16:9

Naakubha arabhëërëki abhaato bhoose ighoro e masari ghaabho gho kubha, bhataaghonkumi eni.