Yohana 15:15 - Eriiraghano Eriihë

¹⁵ Korwera ibheere, nteekubha nerabhabherekera wiiki kubha abhasësë bhaane, gho kubha omusësë teeche kino omutëmi waache aghuköra. Amare inyu nebhahunyuriire ghoose ghano nyoghwire koru o‑Taata, mbe, neekubha nerabhabherekera abhasaani bhaane.

Yohana 15:15 Referans Kwoze

Mataayo 13:11

Akabhagharokeri akabhugha, “Eryobha ndebhahunyuriire inyu kumënya ghano ghaanyi mo‑kebhisere ighoro e bhutëmi bho Mwishaaro, amare ibho bhakeere kumënya ghayo,

Yakobho 2:23

Gho ghayo, ghakahikeerana Amandëkö ghaare ꞉ghaabhughiri, “Abhurahamu ꞉naarekumiri Eryobha, ryose kwo ngʼana iyo, rekamubhara kubha omuhëënë ambërë yaache.” Abhurahamu, akabherekeru omusaani o Ryobha.

Abhakorosaayi 1:26

Angʼana iyo n‑ekebhisere kino ꞉keebhisuru korwera kare na gho chanyiibhoro choose. Amare ibheere Eryobha ndebhahunyuriire abhaato bhaache abhatööbhiyu.

Obhohunyurëru 1:1

Bhuno n‑obhohunyurëru bho Yesu Kirisito. ꞉Naahaabhuru obhohunyurëru bhuno ne Eryobha, kubha abhëërëki abhatamishi bhaache amangʼana ghano ghakwëndëru korwera ghano matiko. Yesu woose aghatoma marayika waache kurëëta obhohunyurëru bhuyo kwo mutamishi waache Yohana.

Abhaebheeso 3:5

Ekebhisere kiyo retaabhamënyiri abhaato bha kare, amare ibheere ndebhahunyuriire abhatööbhiyu bhaache abhatomu na abharööti gho nchëra e Körö yaache.

Abhaebheeso 1:9

Iryo ndehikeriini ghaare reere kwënda gho nchëra e Yesu Kirisito. ꞉Ndiiköriri hangʼu gho kubha, nibhu ꞉reesiighiri retumënyi amangʼana ghaache ghano reere rebhisiri.

Yohana 20:17

Yesu akamobhoorera akabhugha, “Otangööta. Nekeere ntiimara neghi Mwishaaro o‑Taata. Mbe, nooghi obhabhoorere abhahiiri bhaane, kubha ˆneeghaye Mwishaaro o‑Taata waane, nawe n‑Taata waanyu, kwo Ryobha reene naryo n‑Eryobha reenyu.”

2 Bheetero 1:1

Anyaarubha ino neyandëkiri eni Simiyooni Bheetero, omutamishi no omotomu o Yesu Kirisito. ˆNekabhaandëkëra inyu bhano mobhwine obhokumi bhuno bho riighori ikoro, kinya bhuno itu bhoose ꞉toobhwine gho kohetera obhuhëënë bho Ryobha no Omotoori wiito Yesu Kirisito.

Abhagharatiya 4:6

Eryobha ꞉ndeetomiri Akörö e Moona waache mo‑metema ghiito, gho kubha itu ntoonyi abhaana bha Ryobha. Akörö iyo niyo eghotuköra torebherekere Eryobha “Abha,” egheteemoro keeche “Taata.”

Yohana 12:26

Omooto wowoose uno akwënda kuuhökëri eni, nekwëndëru antambane. Wiiki hohoose hano neekubha, hayo niho no omutamishi waane akubha. Taata nakomosooka omooto wowoose uno akuuhökëri eni.

Yohana 8:26

Nighöötë maaru ghano nengatoriri ghosiikëra na kobhatenera ekiina inyu, amare nteeghuköra hangʼu. Eni nekobhabhoorera abhaato bhoose amangʼana ghaare nekooghu koru gho Taata. Iwe uno antomiri naghosiikëra obhuhëënë.”

1 Bheetero 1:11

Akörö e Kirisito neere moose yaabho, ꞉niiröötiri kubha Kirisito nakunyaakibhu, ne eramara koheta anyaako iyo, nakubhöna obhokumi obhokoro. Abharööti bhayo ꞉mbiiköngʼiri chwee ghwisuncha bhamënyë kubha, amangʼana ghayo ngaakubha nyingake, na nibhu ghakomubhöna.

Yakobho 1:1

Anyaarubha ino neruure ghokoone eni Yakobho, omutamishi o Ryobha no o Mutëmi Yesu Kirisito. Nekobhakëëri inyu amatöngö ikomi na abhere, ghano ghasanchiri mo‑chaase.

Bhiremooni 1:16

Korwera ibheere, iwe taanyi kinya omusësë ghokoocho, amare iwe n‑ngʼoni ghokera omusësë. Iwe n‑kinya omohiiri omosiighani. Eni nemosiighiri chwee, iye nokomosiigha ghokera eni, kinya omusësë o mo‑nyumba yaacho, wiiki kinya omohiiri kwo Mutëmi Yesu.

Yohana 17:26

Eni nebheeghiri kebhuno iye onyi, wiiki nekwëndërëra ghuköra hangʼu, kubha bhasiighane kinya bhuno onsiighiri eni, wiiki nibhe moose yaabho.”

Yohana 15:20

Mohiite ghano ꞉neebhabhooriire kubha, ‘Omusësë taanyi omokoro ghokera omutëmi waache.’ Mbe, kinya bhanyaakiri eni, mbakobhanyaaki na niinyu wiiki. Amare aribha bhakumiri ameeghi ghaane, mbaghokumi na ghaghaanyu.

Yohana 13:16

Mahëënë ˆnekabhabhoorera, omusësë taanyi omokoro ghokera omutëmi waache, wiiki uno atomuru taanyi omokoro ghokera uno amotomiri.

Yuuta 1:1

Anyaarubha ino neyandëkiri eni Yuuta, omutamishi o Yesu Kirisito, no omonyi waache Yakobho. ˆNekabhaandëkëra inyu bhano mosiighiru na kobherekeru na Taata Waryobha, na ghochongu bhoheene na Yesu Kirisito.

Amaköri gha Bhatomu 20:27

gho kubha ghano ghoose Eryobha reere rërëënda mumënyë, nebhabhooriire ghoose netaanyi na ahaho yoyoose.

Yohana 4:19

Omukari uyo akamugharokeri akabhugha, “Omutëmi, ibheere ˆnekarighi kubha iye m‑murööti onyi.

Ruuka 10:23

Hayo hayo, Yesu akabhiigharurera abhaanabheegha bhaache, akabhabhoorera abheene chiri gho kobhisa abhande, “Ngʼoni inyu, gho kubha mokorighi amangʼana ghano kwo miisho ghaanyu!

Yohana 16:12

“Nekeere neenyi na amaaru gha kobhabhoorera, amare eriibhagha rino motaaghotora ghoghamënya.

Abharuumi 7:15

Eni ntyeche kino neghuköra, gho kubha kiire nekwënda ghuköra, nteeghoghiköra. Amare kiire nirëghiri nikyo neghuköra.

1 Abhakorinto 2:16

N‑kinya bhuno Amandëkö Amatööbhiyu ghakobhugha kubha, “N‑niwe uno eche ghano Omutëmi Waryobha akwihëëbha? Wiiki n‑niwe uno aghotora komorwacha?” Amare, itu abhakumi ntokwihëëbha ghano ghaakoru gho Kirisito.