Yohana 15:11 - Eriiraghano Eriihë

¹¹ “Nebhabhooriire amangʼana ghano kubha ghuchömëru koone kubhe moose yaanyu, na ghuchömëru koonyu kohikeerane.

Yohana 15:11 Referans Kwoze

Abharuumi 15:13

Eryobha niryo toghwitëngʼëra kubha ndeghuköra ghoose ghano ꞉reeturaghiri. Gho ghayo, nekobhasabhera kubha, rebhahë omurëmbë chwee na ghuchömëru kwaru hano mokwëndërëra korekumi. Hayo niho mookubha ne eriitëngʼërö ikoro, rino moonyi naryo gho changuru che Körö Ahörëëru.

Yohana 17:13

“Oo Taata, ibheere ˆnekaacha ghokoocho. Eni nekobhabhoorera abhaanabheegha bhaane ghoose ghano eriibhagha nekeere neenyi mo‑se ino, kubha ghuchömëru koone koose kubhe mo‑metema gheebho.

Yohana 16:24

Mbagha ibheere, motaamara musabha Eryobha ghyokyose gho kohetera eriina reene. Musabhe Eryobha na niinyu mokuhaabhu, kubha ghuchömëru koonyu kohikeerane.

1 Yohana 1:4

Ntokobhaandëkëra ghano mo‑nyaarubha ino, kubha oghuchömëru kwito bhoose kohikeerane.

1 Bheetero 1:8

Inyu momosiighiri, nangabha motaamara komorighi. Wiiki nangabha motaakomorighi ibheere, amare mokomokumi. Gho ghayo, muchömiiru chwee mo‑bhokumi, oghuchömëru kuyo nkoonyi no obhokumi obhokoro bhuno bhotaaghotora koru ghughambu,

2 Yohana 1:12

Ibheere neenyi na amangʼana maaru ghano nekwënda kobhabhoorera, amare nteekwënda kobhaandëkëra ghayo mo‑nyaarubha ino. Amare, neghwitëngʼëra kuucha kobhataarera na ghosiikëra haghirohamu na niinyu obhosho kwo bhosho, kubha ghuchömëru kwito kohikeerane.

Yohana 16:33

Nebhughiri ghayo ghoose kubha mubhe no omurëmbë mo‑metema gheenyu, gho kubha moonyi moose yaane. Mo‑se muno mokubhöna anyaako yaaru, amare mwitoore omukörö gho kubha eni neyekindiri ase.”

2 Abhakorinto 1:24

Kino nekwënda kobhugha n‑kubha, totaakwënda ghukangata obhokumi bhoonyu, gho kubha mumariri ghuköngʼëri mo‑bhokumi. Amare, itu n‑abhatamishi haghirohamu na niinyu, gho ghiri e ghuchömëru koonyu.

1 Abhatesaronike 5:16

Mubhe morachömëru eriibhagha ryose,

Ruuka 15:32

Amare omonyi waacho uno, ntokwëndëru tomukörërë obhughëni na ghosiighasiigha haghirohamu. Niköriri hangʼu gho kubha naare abhoriri, amare ibheere ˆakabhönëka. Wiiki naare kinya akuure, ni ibheere m‑muhöru!’”

Ruuka 15:9

Hano akoyibhöna, nakobhabherekera abhasaani bhaache na abhaatani, na kobhabhoorera, ‘Ntosiighesiighe haghirohamu, gho kubha orobhiiri ruure roore robhoriri ro riighori ikoro, nerobhwine!’

Abhabhiribhi 1:25

Eni neenyi no obhuhëënë bho angʼana ino, nyeeche kubha nekwëndërëra kumanya mo‑se ino. Wiiki neekubha haghirohamu na niinyu, kubha nebhatoorereri muköngʼëri na muchömëru mo‑bhokumi bhoonyu.

Abhaebheeso 5:18

Wiiki motarëëwu, gho kubha okurëëwu ngoghughëri omooto akörë amangʼana gha chaasoni. Amare inyu mwichoribhu na Akörö Ahörëëru.

Yohana 3:29

Omokwiru nahëëndëru ghuye kwo mokwiri. Eni neenyi kinya bhuure omusaani o uno aghokwira, niimeeriire rubhareka rooche na neghuchömëru eriibhagha nekooghu eriiraka reeche. Mahëënë neghuchömëru ne emeremo ghino chwee.

Ruuka 15:5

Hano akoyibhöna, nakoyisambeka gho ghuchömëru,

Ruuka 15:23

Murëëtë ekeheeri ekenoru, momughööghërë. Tukörë obhughëni na ghosiighasiigha haghirohamu,