Yohana 14:9 - Eriiraghano Eriihë

⁹ Yesu akamugharokeri akabhugha, “Bhiiribho, nibheere haghirohamu na niinyu chaasiko chino choose, iye okeere kuumënya eni? Omooto wowoose uno andooche eni, namorooche Taata. Mbe, ngwake okomboori kubha, ‘Otwërëki Taata’?

Yohana 14:9 Referans Kwoze

Abhakorosaayi 1:15

Kirisito n‑eghetuubhaani ke Ryobha, rino retaakorighibhu, na niwe omutange o bheghiro bhyose bhino ꞉bhiitëëmuru.

Yohana 12:45

Uno andooche eni, namorooche na uno antomiri.

Yohana 14:7

Erabha mongamënyiri eni, mongamumënyiri na Taata waane. Korwera ibheere, momweche, wiiki momorooche.”

Abheebhuraaniya 1:3

Omoona uyo nakurëngaari mo‑bhokumi obhokoro bho Ryobha na nakwërëki haheero kinya Eryobha reenyi. Wiiki gho kohetera ghokooche ebheghiro bhyose mbehaaghöötana haghirohamu kwo ngʼana yaache ino enyi no obhotoro. Iwe hano amariri kwiruusi kinya amaruusi gha koruuseri abhaato amasari, aghaye Mwishaaro, aghiikara eribhaara re kubhökö gho kwiro kwo Mutëmi Waryobha.

Yohana 10:30

Eni na Taata m‑bhamu toonyi.”

Yohana 1:14

Angʼana iyo ekabha omooto, aghiikara ghateghate yiito. Itu bhoose tokabhorighi obhokumi bhooche obhokoro, obhokumi bhooche obhokoro iwe uno anyi Omoona omwene chiri o Taata, niichwire aghareeya no obhuhëënë.

Abhabhiribhi 2:6

Nangabha iwe naare arëngʼiine ne Eryobha, akarighi taanyi bhoheene asaaghe aghöötëriire riyo.

Yohana 14:20

Eriibhagha riyo, inyu mokumënya kubha eni neenyi moose e Taata, na niinyu moonyi moose yaane, na neeni neenyi moose yaanyu.

Maariko 9:19

Yesu akabhabhoorera akabhugha, “Inyu orwibhoro runo rotaaghokumi, neghwikara na niinyu na kobhaghumereri mbagha nyingake? Momurëëtë hano omoona uyo.”

Ruuka 12:56

Inyu m‑bharöngö moonyi! Mokumënya bhoheene ebhyërëkërëri bhe mwishaaro na bhe se. Mbe! Ngwake kana mokwanga kumënya ekyërëkërëri ke mangʼana ghano ghakorwera chaasiko chino?

1 Abhakorinto 15:12

Ibheere, aribha ekuraghanibhu kubha Kirisito naryokiri koru mo‑bhaku, ibheere ngwake abhande ghate yaanyu bhakobhugha kubha abhaku bhataakoryoka?

Yohana 8:19

Niho Amabharisaayo bhakamobhoori Yesu bhakabhugha, “Kana, Iso hayi anyi?” Yesu akabhagharokeri akabhugha, “Inyu motanyeche eni, koru Taata waane motamweche. Erabha mongamënyiri eni, mongamumënyiri na Taata waane woose.”

1 Yohana 5:20

Wiiki ntweche kubha Omoona o Ryobha namariri kuucha, natoheere obhongʼiini, kubha torimënyë Eryobha re hëënë. Ntoonyi no obhumu ne Eryobha re hëënë, gho nchëra e kubha no obhumu no Omoona waache Yesu Kirisito. Rino niryo Eryobha re hëënë, no obhuhöru bho emiishe ghyose.