Yohana 14:27 - Eriiraghano Eriihë

²⁷ Hano neghutanura, nekobhatighera omurëmbë, omurëmbë waane nekobhaha. Omurëmbë uno taanyi kinya uno okoru mo‑se. Motiitumata mo‑metema gheenyu, wiiki motatiina ghyokyose.

Yohana 14:27 Referans Kwoze

Abhabhiribhi 4:7

Mbe, omurëmbë o Ryobha uno okoheta amiihëëbhö ghoose gha bhaato, noghochonga emetema na amangʼiini ghaanyu gho kubha inyu n‑abhaato bha Kirisito Yesu moonyi.

Yohana 16:33

Nebhughiri ghayo ghoose kubha mubhe no omurëmbë mo‑metema gheenyu, gho kubha moonyi moose yaane. Mo‑se muno mokubhöna anyaako yaaru, amare mwitoore omukörö gho kubha eni neyekindiri ase.”

2 Abhatesaronike 3:16

Ibheere, Omutëmi Yesu omwene uno anyi omutangi o murëmbë, abhe arabhaha omurëmbë eriibhagha ryose gho chanchëra haghare haghare. Iwe abhe haghirohamu na niinyu bhoose.

Abhakorosaayi 3:15

Omurëmbë o Kirisito ukangate mo‑metema gheenyu. Inyu mubheere omobhere umu, gho ghayo, mumanye kwo murëmbë. Wiiki mubhe morariitabheri Eryobha.

2 Timotewo 1:7

Köra hangʼu, gho kubha Akörö ino Eryobha retoheere teenyi e bhotiini, amare neghotuha changuru, no obhosiighi ne ekirëngërë.

Abharuumi 15:13

Eryobha niryo toghwitëngʼëra kubha ndeghuköra ghoose ghano ꞉reeturaghiri. Gho ghayo, nekobhasabhera kubha, rebhahë omurëmbë chwee na ghuchömëru kwaru hano mokwëndërëra korekumi. Hayo niho mookubha ne eriitëngʼërö ikoro, rino moonyi naryo gho changuru che Körö Ahörëëru.

Abharuumi 8:6

Abhaato bhano amiihëëbhö ghaabho ghaghukangatu na simoka yaabho e masari, mbakubhöna oroko ro miishe ghyose. Amare abhaato bhano amiihëëbhö ghaabho ghahaakangatu na Akörö Ahörëëru, mbakubhöna obhuhöru no omurëmbë.

Abhagharatiya 1:3

Ntököbhëëndëra aghareeya no omurëmbë koru kwo Waryobha Taata wiito, na kwo Mutëmi wiito Yesu Kirisito ghibhe haghirohamu na niinyu.

Abhagharatiya 5:22

Amare aribha toghukangatu na Akörö Ahörëëru, ntookubha ne eriikorobhese re Körö Ahörëëru. Eriikorobhese riyo n‑obhosiighi, na ghuchömëru, no omurëmbë, no obhoghumereri, no obhuhöriicho, na ghughënëhi, no obhuhëënë,

Abharuumi 5:1

Mbe, Eryobha ndetubhariri kubha m‑bha hëënë toonyi ambërë yaache, kurëngʼaana no obhokumi bhwito. Gho ghayo, ntoonyi no omurëmbë ne Eryobha gho kohetera Omutëmi wiito Yesu Kirisito.

Yohana 14:1

Yesu akëëndërëra kobheeghi akabhugha, “Motiitumata mo‑metema gheenyu, momokumi Waryobha, wiiki monkumi na neeni.

Abharuumi 5:10

Hano itu toore tokeere abhabhisa bhaache, Eryobha reghatutëmëërani itu naryo gho kohetera oroko ro Moona waache. Gho ghayo, gho kubha ntumariri ghutëmëëranibhu ne Eryobha gho kohetera oroko rooche, m‑mahëënë ntoghotooribhu koru mo‑nchagho e Ryobha kohetera obhuhöru bhooche.

Yohana 20:21

Yesu akabhabhoorera wiiki akabhugha, “Omurëmbë ubhe na niinyu. Kinya bhuno Eryobha rentomiri eni, hangʼu hangʼu na neeni ˆnekabhatoma inyu mo‑se ino.”

Abhakorosaayi 1:20

Wiiki gho nchëra e Kirisito, Eryobha rekabhighöötani ebheghiro bhyose na ryo, ebheghiro bhino bheenyi mo‑se, hamu bhino bheenyi mwishaaro. ꞉Naaköriri hangʼu gho ghotoora omurëmbë kohetera amasaahë gha Kirisito ghano ꞉ghiitëkiri mo‑musarabha.

Abharuumi 1:7

ˆNekabhaandëkëra inyu abhakumi bhoose bhano moonyi iyo Ruumi. Eryobha ndebhasiighiri chwee, na ꞉ndeebhabherekiire kubha mubhe abhaato bhaache abhatööbhiyu. Nëköbhëëndëra aghareeya no omurëmbë koru kwo Waryobha Taata wiito, na kwo Mutëmi wiito Yesu Kirisito, ghibhe haghirohamu na niinyu.

1 Abhakorinto 1:3

Ntököbhëëndëra aghareeya no omurëmbë koru kwo Waryobha Taata wiito, na kwo Mutëmi wiito Yesu Kirisito, ghibhe haghirohamu na niinyu.

Yohana 20:19

Ekabha omughörööbha orosiko ruyo ruyo o rumbërë, abhaanabheegha bha Yesu mbaare bhiikomiine mo‑nyumba imu na ghwighara charwighe gho kubha mbaare bharabhatiina abhakangati bha Bhayahuuti. Yesu akaacha akiimeerera ghateghate yaabho, akabhakëëri akabhugha, “Nekobhakëëri. Omurëmbë ubhe na niinyu!”

2 Abhatesaronike 1:2

Ntököbhëëndëra aghareeya no omurëmbë koru kwo Waryobha Taata wiito no Omutëmi wiito Yesu Kirisito, ghibhe haghirohamu na niinyu.

Amaköri gha Bhatomu 10:36

Iwe ꞉naatomiri amangʼana ghaache kwo Abhiisiraeri arabharaghaneri Angʼana Anchömu e murëmbë gho nchëra e Yesu Kirisito. Yesu uyo niwe Omutëmi o bhaato bhoose.

Ruuka 2:14

“Eryobha re Mwishaaro reghongibhu! No omurëmbë ubhe mo‑se yoose, kwo bhaato bhano Eryobha resiighiri!”

Ruuka 1:79

na ghotomorekera bhano tumanyiri mo‑kengʼuuri, na bhano twangiire mo‑kiriiri ke roko. Ndeghotukangata, tubhe toraheta mo‑nchëra e murëmbë.”

Abheebhuraaniya 13:20

Mbe, Eryobha re murëmbë ꞉ndeemoryokiri Omutëmi wiito Yesu, Omoriishi Omokoro o changʼöndu, gho ghiri ekubha ꞉niitiri amasaahë ghaache ghano ghahëënëhiri eriiraghano re miishe ghyose.

Amaköri gha Bhatomu 18:9

Orosiko rumu obhotiko Omutëmi akamobhoorera Bhawuro mo‑marighi akabhugha, “Otatiina, wëndërërë hangʼu hangʼu kuraghani. Otaku omukörö,

Mataayo 10:26

“Mbe, motabha morabhatiina abhaato bhayo. Egheghiro ghyokyose kino ghekundekiiru ngekohunyuru, na kino kebhisuru ngeghotooru haheero.

Obhohunyurëru 2:10

Motatiina anyaako ino ekuucha ghokoonyu. Mumööhi! Erishambu ndekobhasaki gho kobhatoora abhamu ghate yaanyu mwighërëcha. Inyu mokunyaaka gho chaasiko ikomi. Amare mubhe abhahëënë ghokoone, mbagha ghoku, na neeni nekobhaha atuho e bhuhöru bho miishe ghyose.

Obhohunyurëru 1:4

Eni Yohana ˆnekabhaandëkëra anyaarubha ino abhaghëndi bha Yesu bha makanisa mohungate ghano ghaanyi mo‑mukööwa o Asiya. Nëköbhëëndëra aghareeya no omurëmbë, koru kwo Waryobha uno anyi‑ho, na korwera simoka naare‑ho, na naakubha‑ho, na koru gho Chaakörö mohungate chino cheenyi ambërë e ghetumbe ghe ghitëmi,

Abheebhuraaniya 7:2

Iwe Abhurahamu akaruusi imu ghwi ikomi mo‑bheghiro bhino ahökiri abhatëmi bhaare mwihë na komuha Merikiseteeki. Eriina re Merikiseteeki egheteemoro keeche, “Omutëmi uno anyi no obhuhëënë,” wiiki eriina re “Omutëmi o Sareemu” egheteemoro keeche, “Omutëmi o murëmbë.”

Yohana 20:26

Hano chaasiko mohungate chehetiri, abhaanabheegha bha Yesu bhaghiikomana haghirohamu wiiki mo‑nyumba. Orosiko ruyo Tomaso woose naare haghirohamu nabho. Charwighe ncheere chigheere, hayo hayo, Yesu akaacha, akiimeerera ghateghate yaabho, akabhakëëri akabhugha, “Nekobhakëëri. Omurëmbë ubhe na niinyu!”

Obhohunyurëru 21:8

Amare abhatiini, na bhano bhataakorekumi Eryobha, na bhano bhakorikarari Eryobha, na abhiiti, na abhataari, na abhaturutumbi, na abhasëngëri bha misambu, na abharöngö, bhayo bhoose ahaghiro haabho n‑anyancha e mororo muhaari chwee. Na ruyo niro oroko ro kabhere.”

Abhagharatiya 6:16

Omurëmbë ne ebheghongi bhino bheekoru kwo Waryobha bhibhe na abhaato bhoose bhano bhakwënda obhuhëënë bhuyo, bhayo nibho abhaato bha Ryobha.

Ruuka 10:5

“Hano moghusöha mo‑ka yoyoose, mukëëri abhaato bhaache hangʼu, ‘Omurëmbë ubhe mo‑ka ino.’

Abhakorosaayi 1:2

Ntokobhaandëkëra inyu abhaato bha Ryobha bhano mwikeere mo‑moghya o Korosaayi, inyu abhahiiri bhiito abhahëënë gho ghughöötana na Kirisito. Ntököbhëëndëra aghareeya no omurëmbë koru kwo Waryobha Taata wiito ghibhe haghirohamu na niinyu.

Ruuka 12:4

“Mbe, ˆnekabhabhoorera inyu abhasaani bhaane, motabhatiina bhano bhaghwita omobhere. Bharamara kobhiita, bhataaghotora ghuköra angʼana ayende ghokera iyo.