Yohana 14:24 - Eriiraghano Eriihë

²⁴ Amare omooto wowoose uno atansiighiri, taaghughööta amangʼana ghaane. Wiiki, angʼana ino mokooghu taanyi yaane, amare n‑e Taata uno antomiri ghokoonyu.

Yohana 14:24 Referans Kwoze

Yohana 7:16

Niho Yesu akabhabhoorera akabhugha, “Ameeghi ghano nekweghi taanyi ghaane, amare n‑gha uno antomiri ghokoonyu.

Yohana 14:10

Kana, toghokumi kubha eni neenyi moose e Taata, na Taata naanyi moose yaane? Amangʼana ghano nekobhabhoorera ghataakoru mo‑miihëëbhö ghaane, amare Taata, uno anyi moose yaane, naghuköra emeremo gheeche.

Yohana 8:42

Yesu akabhagharokeri akabhugha, “Aribha Eryobha rengabheere Taata waanyu, mbe, mongabheere moransiigha, gho kubha neeni neruure kwo Waryobha ni ibheere hano neenyi. Eni ntiichiri gho changuru cheene, amare n‑Eryobha niryo rentomiri.

Yohana 5:19

Yesu akabhabhoorera abhakangati bhaare akabhugha, “Mahëënë ˆnekabhabhoorera, Omoona taaghotora ghuköra ghyokyose gho changuru cheeche. Naghotora ghuköra ghano arooche Ishe araghaköra, wiiki ghoose ghano Ishe aghuköra, nigho ghayo ghayo Omoona aghuköra.

Yohana 3:34

Eryobha ꞉ndeemotomiri kubha asiikërë amangʼana ghaache, nikyo remoheere Akörö Ahörëëru etaanyi ne ekirëngërë.

Yohana 14:15

“Aribha monsiighiri, moghughööta amaraghereri ghaane.

Yohana 5:38

Amangʼana ghaache ghataaghwikara moose yaanyu, gho kubha motaaghonkumi eni uno Eryobha rentomiri ghokoonyu.

Yohana 8:38

Eni nekobhabhoorera ghano nerooche gho Taata, amare inyu moghuköra ghano ꞉mooghwire koru ghwi iso.”

Yohana 8:26

Nighöötë maaru ghano nengatoriri ghosiikëra na kobhatenera ekiina inyu, amare nteeghuköra hangʼu. Eni nekobhabhoorera abhaato bhoose amangʼana ghaare nekooghu koru gho Taata. Iwe uno antomiri naghosiikëra obhuhëënë.”

Yohana 8:28

Mbe, Yesu akabhabhoorera akabhugha, “Hano mookubha momotiiriri Omoona o Mooto kubha momwite, niho mokuucha kumënya kubha ‘Eni Neeni.’ Wiiki mokuucha kumënya kubha ghoose ghano neghuköra, nteeghuköra gho changuru cheene, amare neghoghasiikëra ghano Taata anyeeghiri.

Yohana 7:28

Mbe, Yesu hano are areeghi mo‑riigho re Risëngërö, aghatiiri amaraka na kobhugha, “Mahëënë moonyeche, wiiki mweche hano neruure. Eni ntiichiri gho changuru cheene! Amare Eryobha rino rentomiri n‑de mahëënë. Inyu motaryeche.

Mataayo 19:21

Yesu akamobhoorera akabhugha, “Aribha okwënda kubha omuhëënë, nooghi oghori ebheghiro bhyose bhino onyi nabhyo, chambiiri chiyo okubhöna, obhahë abhahabhe. Gho ghuköra hangʼu, niho okubha na agharinga Mwishaaro. Oramara uche, untambane.”

Yohana 3:11

Mahëënë ˆneghakobhoorera, itu ntogheeche ghano toghughamba, wiiki ntogharooche ghano toghughambera. Amare inyu motaaghwishereri amangʼana ghiito.

Yohana 14:25

“Nebhabhooriire ghoose ghayo eriibhagha nekeere neenyi haghirohamu na niinyu.