Yohana 14:21 - Eriiraghano Eriihë

²¹ Omooto wowoose uno aghosongʼaana amaraghereri ghaane na ghoghaghööta, uyo niwe ansiighiri. Omooto uno aghonsiigha, Taata nakomosiigha, na neeni nekomosiigha na kwiyërëkani ghokooche.”

Yohana 14:21 Referans Kwoze

Yohana 14:15

“Aribha monsiighiri, moghughööta amaraghereri ghaane.

1 Yohana 5:3

Koresiigha Eryobha niko ghosooka emeghiro gheeche. Wiiki ghughööta emeghiro gheeche ghotaanyi ghuköngʼu,

1 Yohana 2:5

Amare uno aghosooka angʼana yaache, hëënë nasiighiri Eryobha. Hangʼu nibhu tokumënya kubha ntoonyi no obhumu ne Eryobha.

2 Yohana 1:6

Ghosiighana n‑kwëndërëra ghosooka emeghiro ghe Ryobha. Omoghiro uno ꞉mooghwire korwera hano mokumiri n‑kubha, mumanye kwo bhosiighi.

Yohana 16:27

Taata omwene nabhasiighiri inyu, gho kubha inyu monsiighiri eni, wiiki moghokumi kubha neruure o‑Taata.

Ruuka 11:28

Amare Yesu akabhugha, “Mbiitabhiiru chwee bhano bhakooghu angʼana e Ryobha na koyesooka!”

Yohana 15:14

Aribha moghuköra ghano nebharagheriiri, inyu m‑bhasaani bhaane moonyi.

Obhohunyurëru 3:20

Mööhi! Eni niimeeriire mo‑ghisëku neghuköngööta eghisëku. Omooto arooghu eriiraka reene na konyiighorera orwighe, neghusöha mo‑nyumba yaache niraaghërë haghirohamu nawe.

Obhohunyurëru 22:14

Ngʼoni abhaato bhano bhakohura chandachana cheebho, kubha bhiisherereru ghusöha omoghya uyo omuhë kohetera ekehita keeche na kurë amakorobhese gha mote o kobhaha abhaato obhuhöru.

2 Abhakorinto 4:6

Eryobha rino ꞉reebhughiri kubha, “Obhwero bhurëngaari mo‑kengʼuuri,” niryo riyo rirëngaariri mo‑metema ghiito, na ghotuköra tumënyë obhokumi bhooche obhokoro bhuno bhokurëngaari mo‑bhosho bho Yesu Kirisito.

Obhohunyurëru 2:17

Uno anyi na amatu atëghëërërë amangʼana ghano Akörö Ahörëëru eghoghabhoorera amakanisa. Omooto wowoose uno aghokinda amasaki, nekomuha eribhaara re bhiinyakurë bhe mana ino ere ebhisuru. Wiiki nekomuha eriibhohe eryero, ighoro e riibhohe riyo ndeekubha ryandëkuru eriina eriihë. Taanyi‑ho omooto uno akumanya eriina riyo nanyinga iwe uno ahaabhuru eriibhohe riyo.’”

Yohana 17:23

Eni neenyi moose yaabho, na niiye noonyi moose yaane. Neghusabha kubha bhabhe egheghiro kimu inkongʼorimu, kubha gho nchëra iyo abhaato bhoose bha se bhamënyë kubha n‑iye uno ontomiri, wiiki bhamënyë kubha nobhasiighiri kinya bhuno onsiighiri eni.

1 Yohana 3:1

Mbe, morighi kebhuno Taata Waryobha atosiighiri chwee, kubha itu tobherekeru abhaana bhaache! Mahëënë hangʼu toonyi. Abhaato bhano bhataakoresooka Eryobha bhateeche kubha itu n‑abhaana bha Ryobha toonyi, gho kubha bhataryeche iryo.

2 Abhatesaronike 2:16

Taata wiito Waryobha natosiighiri, na gho ghareeya yaache aghatughambisani emiishe ghyose na ghotuha amiitëngʼërö amachömu. Iwe ntokomusabha, haghirohamu no Omutëmi wiito Yesu Kirisito kubha,

Yohana 16:14

Akörö iyo neekubha erabhëërëki obhokumi bhoone obhokoro, gho kubha nekobhabhoorera ghoose ghano ekubha eghabhwine ghokoone.

Yohana 14:18

“Nteekobhatigha inyu bheene kinya abhaana abhahabhe, amare neghugharuka wiiki ghokoonyu.

2 Timotewo 4:22

Omutëmi Yesu abhe haghirohamu na niiye. Aghareeya yaache ibhe haghirohamu na niinyu bhoose.

2 Abhakorinto 3:18

Ibheere itu bhoose bhano totaaghwikundekeri mo‑bhosho ne eghitambara, ntokwërëki obhokumi obhokoro bho Mutëmi kinya ekiröri. Omutëmi uno anyi Akörö, nahaatugharura totuubhaane nawe. Naakubha aratugharura koru obhokumi obhokoro mbagha kohika obhokumi obhokoro chwee.

Amaköri gha Bhatomu 22:18

Mo‑marighi ghayo, nekarighi Omutëmi aramboorera arabhugha, ‘Ukörë bhwango oru Yerusareemu, gho kubha obhwibhateri bhuno okubha oraruusi ighoro yaane, abhaato bha moghya uno bhataakobhokumi.’

2 Abhakorinto 12:8

꞉Neemusasaamiri Omutëmi mara ghatato antoori mo‑nyaako iyo.