Yohana 14:2 - Eriiraghano Eriihë

² Mo‑nyumba e Taata waane haanyi no obhwikari bhwaru. Aribha taanyi hangʼu, nengabhabhooriire. Ibheere ˆneeghaye kobhasëëmëra obhwikari.

Yohana 14:2 Referans Kwoze

2 Abhakorinto 5:1

Emebhere ghiito n‑kinya ekebhuru ke riibhagha ighuhe mo‑se muno. Amare ntweche kubha, hano gheghusarëka, Eryobha ndeghotuha chanyumba chino cheenyi Mwishaaro emiishe ghyose, chino chetaakwabhëku na amabhökö gha bhaato.

Yohana 13:36

Mbe, Simiyooni Bheetero akamobhoori Yesu akabhugha, “Oo Omutëmi, hayi oghuye?” Yesu akamugharokeri akabhugha, “Neeghuye hano iye otaaghotora ghuntambana ibheere, amare noghuntambana eriibhagha rino re kuucha.”

Abheebhuraaniya 13:14

Tukörë hangʼu gho kubha mo‑se ino totaanyi no omoghya o miishe ghyose, amare ntoghughanya ghusöha mo‑moghya o Mwishaaro uno okuucha.

Obhohunyurëru 21:2

Nekamara nekarighi omoghya omutööbhiyu, niwe Yerusareemu ahë, oriika koru Mwishaaro kwo Waryobha. Omoghya uyo noore uchöchuru kinya bhuure omokwiru ahaachöchu kwo mosubhe waache.

Obhohunyurëru 3:12

Omooto wowoose uno aghokinda amasaki, nekomuköra abhe ambiro Mwisëngërö re Ryobha reene, nawe taakoru‑mu naabha. Neramara nekomwandëka eriina re Ryobha reene ne eriina re moghya o Ryobha reene. Omoghya uyo n‑Yerusareemu ahë, uno oghwika koru Mwishaaro kwo Waryobha. Wiiki nekomwandëka eriina reene eriihë.

Abheebhuraaniya 11:10

Abhurahamu ꞉naaköriri hangʼu, gho kubha naare ariitëngʼëra kumanya mo‑moghya uno onyi no obhoroso bhuköngʼu, omoghya uno Eryobha eryene ꞉reewusëëmiri na kowaabhëka.

Yohana 13:33

“Inyu abhaana bhaane, neekubha na niinyu kwo riibhagha ighuhe hangʼu. Kinya bhuno neere nebhabhooriire abhakangati bha Bhayahuuti, hangʼu hangʼu ˆnekabhabhoorera na niinyu ibheere kubha, hano neeghuye, motaaghotora kuucha.

Yohana 16:4

Amare ˆnekabhabhoorera ghayo, kubha eriibhagha reebho re ghuköra ghayo reraacha kohika, mohiite kubha ꞉neebhabhooriire. “Ntebhabhooriire amangʼana ghayo korwera ekeenyuma gho kubha, neere haghirohamu na niinyu.

Yohana 17:24

“Oo Taata, nekwënda kubha bhano oheere bhabhe haghirohamu na neeni hano neekubha, kubha bhabhorighi obhokumi bhoone obhokoro bhuno oheere, gho kubha ꞉nuushamiri ghonsiigha koru ase ekeere ghutëëmu.

Abheebhuraaniya 6:20

Yesu nakangatiri na ghusöha ahaghiro hayo gho ghiri yiito. Nawe akabha Omuchaama Omokoro o miishe ghyose, kinya bhuno Merikiseteeki are.

Obhohunyurëru 3:21

Omooto wowoose uno aghokinda amasaki, nekomwisherereri ghwikara na neeni mo‑ghetumbe keene ghe ghitëmi, kinya bhuure na neeni ꞉neekindiri, neghiikara na Taata mo‑ghetumbe keeche ghe ghitëmi.

Obhohunyurëru 1:5

na koru kwo Yesu Kirisito, ghibhe haghirohamu na niinyu. Uyo niwe omwibhateri omuhëënë. Niwe o mumbërë koryoka koru mo‑bhaku, kubha abhe omukangati o bhatëmi bhoose mo‑se. Yesu niwe atosiighiri aghatusaasura koru mo‑masari ghiito gho nchëra e masaahë ghaache.

Abheebhuraaniya 9:8

Akörö Ahörëëru nehaatwërëki kubha anchëra e ghusöha Ahaghiro Ahatööbhiyu ha Hatööbhiyu ekeere ghwighoru kwo bhaato abhande gho kubha, eriibhuru riire e rimbërë rekeere reraköra emeremo.

Tiito 1:2

na mbokobhaha amiitëngʼërö gha bhuhöru bho miishe ghyose. Eryobha ꞉ndiiraghiri obhuhöru bhuyo, koru rekeere ghutëëma ase, na retaaghosiikëra obhuröngö.

1 Abhatesaronike 5:9

Eryobha retatwahwire itu kubha retosireekereri kwo bhororo bhooche, amare ndetwahwire kubha tubhönë obhotoori gho nchëra e Mutëmi wiito Yesu Kirisito.

Amaköri gha Bhatomu 9:16

Eni mwene nekomwërëki kebhuno akwëndëru kunyaaka gho ghiri e riina reene.”

Yohana 14:28

Mooghwire ghano nebhabhooriire kubha, ‘Neeghuye, amare nekuucha wiiki ghokoonyu.’ Aribha mahëënë monsiighiri, mongabheere morachömëru kooghu kubha neeghuye o‑Taata, gho kubha Taata m‑mokoro ghonkera eni.

Ruuka 14:22

“Akamara, omusësë uyo aghagharuka, akamobhoorera akabhugha, ‘Omutëmi, ghaare ontomiri neghaköriri. Koru hangʼu, okeere onyi‑ho omweya.’