Yohana 14:19 - Eriiraghano Eriihë

¹⁹ Rekeere eriibhagha isuuhu abhaato bha mo‑se ino bhataakondighi wiiki. Amare inyu mokondighi, gho kubha eni m‑muhöru, na niinyu mookubha abhahöru.

Yohana 14:19 Referans Kwoze

Yohana 16:16

“Rekeere eriibhagha isuuhu hangʼu na niinyu motaakondighi, wiiki rekeere eriibhagha isuuhu hangʼu na niinyu mokondighi.”

Abheebhuraaniya 7:25

Gho ghiri iyo, iwe naanyi na changuru che kobhatoori kimu kimu abhaato bhoose bhano bhaaghuye kwo Waryobha kohetera ghokooche, gho kubha iwe muhöru emiishe ghyose, nakobhasabhera kwo Waryobha eriibhagha ryose.

Yohana 7:33

Niho Yesu akabhabhoorera abhaato bhayo akabhugha, “Neekubha na niinyu kwo riibhagha ighuhe hangʼu, neramara neghugharuka wiiki ghokooche uno antomiri.

Yohana 11:25

Yesu akamugharokeri akabhugha, “Eni neeni obhoryoki bhuyo, no obhuhöru. Omooto wowoose uno aghonkumi eni, koru nangabha akuure, naakubha muhöru.

1 Abhakorinto 15:45

Mo‑Mandëkö Amatööbhiyu yandëkuru kubha, “Omooto o mumbërë, Ataamu, natëëmuru akabha omooto omuhöru,” amare Ataamu o ntenero, n‑Kirisito, niwe Akörö ino ekobhaha abhaato obhuhöru.

Yohana 16:22

Inyu moonyi na amacheeche kwo riibhagha rino. Amare nekuucha wiiki ghokoonyu, na niinyu mookubha na ghuchömëru mo‑metema gheenyu. Taanyi‑ho uno akoruusi ghuchömëru kuyo mo‑metema gheenyu.

Abharuumi 8:34

Wiiki taanyi‑ho uno aghotora kobhatenera ekiina kubha m‑bha masari moonyi, gho kubha Kirisito Yesu, niwe akuure na koryoka koru mo‑bhaku. Wiiki niikeere eribhaara re kwiro re Ryobha, niwe aghotusabhera.

Abharuumi 5:10

Hano itu toore tokeere abhabhisa bhaache, Eryobha reghatutëmëërani itu naryo gho kohetera oroko ro Moona waache. Gho ghayo, gho kubha ntumariri ghutëmëëranibhu ne Eryobha gho kohetera oroko rooche, m‑mahëënë ntoghotooribhu koru mo‑nchagho e Ryobha kohetera obhuhöru bhooche.

1 Abhakorinto 15:20

Amare ibheere, obhuhëënë n‑kubha Kirisito naryokiri koru mo‑bhaku, na niwe o mumbërë koryoka kwo bhano bhakuure.

Yohana 14:6

Yesu akamugharokeri akabhugha, “Eni n‑anchëra, no obhuhëënë, no obhuhöru. Taanyi‑ho uno aghotora kuucha o‑Taata aribha atahetiire ghokoone.

Yohana 13:33

“Inyu abhaana bhaane, neekubha na niinyu kwo riibhagha ighuhe hangʼu. Kinya bhuno neere nebhabhooriire abhakangati bha Bhayahuuti, hangʼu hangʼu ˆnekabhabhoorera na niinyu ibheere kubha, hano neeghuye, motaaghotora kuucha.

Yohana 12:35

Yesu akabhabhoorera akabhugha, “Obhwero mboonyi haghirohamu na niinyu kwo riibhagha ighuhe hangʼu. Mughëndë mo‑bhwero bhuyo eriibhagha bhokeere bhoonyi‑ho, kubha ekengʼuuri ghetaacha kobhakinda. Omooto uno aghughënda mo‑kengʼuuri teeche hano aghuye.

Yohana 8:21

Mbe, Yesu akabhabhoorera wiiki Amabharisaayo bhayo akabhugha, “Eni ˆneeghaye, inyu moghuntabhara, amare inyu mooghoku gho ghiri e masari ghaanyu. Hano neeghuye, inyu motaaghotora kuucha.”

Yohana 6:40

Amiigha gha Taata n‑ghano, omooto woose uno akumënya kubha eni n‑Omoona waache na ghonkumi, abhe no obhuhöru bho miishe ghyose. Eni nekuucha komoryoki mo‑rosiko ro ntenero.”

Amaköri gha Bhatomu 10:41

Tarighiibhu kwo bhaato bhoose, amare Eryobha rekaahura abhiibhateri komorighi. Abhiibhateri bhayo, nibho itu, ꞉ntoomorooche, ꞉ntuuraghiire na kunyo haghirohamu nawe hano amariri koryoka.

Obhohunyurëru 20:4

Niho nekarighi ebhetumbe bhe ghitëmi bhikariiru na bhano ꞉bhaare bhahaabhuru obhotoro bho ghotena ekiina. Bhayo, n‑chaakörö chiire che bhaato bhano ꞉bhaanunguru emitu gho koruusi obhwibhateri ighoro e Yesu na kuraghani amangʼana e Ryobha. Bhatasëngiire oghotyenyi ghuure koru asanaamu yaache. Bhatiisheriiri ghotooreru ekingʼöchö ghe ghotyenyi ghuyo mo‑masho ghaabho koru mo‑mabhökö ghaabho. Abhaato bhano ꞉bhaaryokiri, bhaghakangata haghirohamu na Kirisito emeeka egheku kimu.