Yohana 13:23 - Eriiraghano Eriihë

²³ Naare‑ho omoonamwegha umu, uno Yesu are asiighiri chwee. Iwe naare ikeere haghuhe na Yesu eriibhagha re ndaaghëra.

Yohana 13:23 Referans Kwoze

Yohana 19:26

Hano Yesu amorooche nyina no omoonamwegha uno amosiighiri chwee imeeriire haghuhe na nyina, akabhugha, “Oo yiima, mumööhërëri uno, niwe omoona waacho.”

Yohana 21:20

Mbe, Bheetero aghiishoorori, akamorighi omoonamwegha uno Yesu are amosiighiri chwee, arabhatambana. Omoonamwegha uyo w‑wuure ikeere haghuhe na Yesu eriibhagha re ndaaghëra, na komobhoori arabhugha, “Oo Omutëmi, n‑niwe akuucha ghoghwigharurani?”

Yohana 21:7

Omoonamwegha uno Yesu amosiighiri, akamobhoorera Bheetero akabhugha, “N‑Omutëmi!” Eriibhagha Simiyooni Bheetero oghwire kubha n‑Omutëmi, akabheeka changibho cheeche chino are aruusiri hano are araweesana, akiirëkëra mo‑nyancha.

Yohana 20:2

Mbe, aghaye arayaara mbagha o‑Bheetero na kwo moonamwegha uno Yesu are asiighiri. Akabhabhoorera akabhugha, “Abhaato mbaruusiri erihundughu re Mutëmi wiito mo‑mbeehera, koru toteeche hayi bharehiriri!”

Yohana 11:36

Niho abhaato bhano ꞉bhiichiri mo‑roko bhakabhugha, “Mööhi kebhuno are amosiighiri Rasaaro!”

Yohana 11:5

Yesu ꞉naabhasiighiri chwee Marita, na Mariyamu na Rasaaro.

Yohana 11:3

Mbe, Mariyamu na Marita bhaghatomani amangʼana o‑Yesu bhakabhugha, “Oo Omutëmi, musaani waacho Rasaaro m‑bhabharu.”

Yohana 21:24

Omoonamwegha uyo niwe uno aghoghaghambera ghano na ghoghaandëka. Itu ntweche kubha ghano akobhugha n‑gha hëënë.

Yohana 13:25

Mbe, omoonamwegha wuure akamosighamera Yesu, akamobhoori akabhugha, “Oo Omutëmi, n‑niwe?”

Yohana 1:18

Taanyi‑ho omooto wowoose uno arerooche Eryobha. Amare n‑Omoona omwene chiri, uno anyi Eryobha, wiiki naanyi haghirohamu na Taata Waryobha, niwe atohunyuriire Eryobha kinya reenyi.

Ruuka 16:22

“Antenero, omuhabhe Rasaaro aghaku. Bhamarayika bhakamohira Mwishaaro, haghuhe na Abhurahamu. Omwame wuure woose aghaku, akaryeku aghaye nyaari.

Yohana 13:24

Mbe, Simiyooni Bheetero akamosima omoonamwegha uyo, akamobhoorera akabhugha, “Omobhoori Yesu n‑niwe akobhugha ghateghate yiito?”