Yohana 12:5 - Eriiraghano Eriihë

⁵ “Ngwake amaghuta ghayo ghataaghoruru chatinaari amaghana atato na kobhaha abhahabhe?”

Yohana 12:5 Referans Kwoze

Ruuka 18:22

Hano Yesu oghwire ghayo, akamobhoorera akabhugha, “Okeere nokwëndëru ghuköra angʼana imu. Nooghi obheghori ebheghiro bheecho bhyose bhino onyi nabhyo, chambiiri chino okubhöna, obhahë abhahabhe. Gho ghuköra hangʼu, niho okubha na agharinga Mwishaaro. Oramara uche, untambane.”

Ruuka 12:33

Mbe, moghori ebheghiro bheenyu, mobhahë abhahabhe. Mwitoorere amaghöchi ghano ghataaghokunguha, mubhe na agharinga ino etaaghosuuha Mwishaaro, hano omwibhi ataakohika, koru ebhebhongi bhetaakobhongi.

Yohana 6:7

Bhiiribho akamugharokeri akabhugha, “Koru nangabha tongaghoriri ebhiinyakurë kubha omooto woose abhönë ghasuuhu ghasuuhu, chatinaari amaghana abhere chetangatoriri kobhiisha.”

Ruuka 6:41

“Ngwake okumööhërëri aghasaara kano kaanyi mo‑riiso re mughëndi waacho, amare tookorighi eghisaara kino keenyi mo‑riiso reecho?

Mataayo 20:2

Hano abhabhwine, omwene omoghondo aghiishererani nabho kobhareha omooto woose amareho gha rosiko rumu, akamara akabhahira mo‑moghondo waache.

Mataayo 18:28

“Hano omutamishi uyo ahorokiri anche, aghatëmëërana no omutamishi omughëndi waache uno are amoheere asiire e chatinaari eriighana rimu. Hayo hayo akamughööta mo‑kemero akamobhoorera akabhugha, ‘Reha asiire yaacho!’

Yohana 12:4

Amare umu o bhaanabheegha bhaache eriina reeche Yuuta Isikariyoote, uno akuucha komwigharurani Yesu, akabhugha,

Yohana 12:6

Yuuta taabhughiri hangʼu gho ghiri e kobhaghwera ebheghongi abhahabhe, amare n‑gho kubha are omwibhi. Iwe niwe are aratindeka eriighöchi re chambiiri. Naare ariibha chambiiri chino chetooruru mo‑riighöchi riyo.

Yohana 13:29

Abhamu ꞉mbiituuriri kubha Yesu namobhooriire kubha, aghore bhino bhekwëndëru mo‑nyangi, hamu abhahë abhahabhe chambiiri indengʼaaneru, gho kubha Yuuta niwe are omotindeki o riighöchi re chambiiri.