Yohana 12:46 - Eriiraghano Eriihë

⁴⁶ Eni niichiri mo‑se ino kinya obhwero, kubha omooto woose uno aghonkumi atighe kubha mo‑kengʼuuri.

Yohana 12:46 Referans Kwoze

Yohana 8:12

Mbe, Yesu akëëndërëra ghosiikëra wiiki ne erikinda riire akabhugha, “Eni neeni obhwero bho se. Omooto wowoose uno aghuntambana eni, taaghughënda mo‑kengʼuuri naabha, amare naakubha no obhwero bhuno bhokomukangata mo‑bhuhöru bho miishe ghyose.”

Yohana 9:5

Eriibhagha nekeere neenyi mo‑se ino, eni n‑obhwero bho se.”

Amaköri gha Bhatomu 26:18

gho ghiri obhahunyure amiisho, mbagha bharu mo‑kengʼuuri bhiigharurere obhwero, na bharu mo‑bhukangati bho Rishambu, bhiigharurere Eryobha. Hangʼu niho bhakwabhëru amasari ghaabho, mbaakubha haghirohamu na abhande bhoose bhano bhamusuru gho nchëra e ghonkumi.’

Yohana 3:19

Ghoteneru ekiina niko kuno, obhwero mbwichiri mo‑se, amare abhaato bhaaru mbasiighiri kubha mo‑kengʼuuri ghokera kubha mo‑bhwero, gho kubha amaköri ghaabho m‑mabhe.

Yohana 1:9

Uyo niwe obhwero bho hëënë, nakurëngaareri omooto woose, naare ichiri mo‑se.

Mataayo 4:16

Abhaato bhano bhaare bhamanyiri mo‑kengʼuuri, mbarooche emirëngaari mekoro, na bhano bhamanyiri mo‑kiriiri ke roko, emirëngaari ngebharëngaariri.”

Abhaebheeso 5:14

Nikyo eghughambu kubha, “Bhooka iye uno osundaghiire! Oryoke koru mo‑bhaku, na Kirisito nakuucha ghokurëngaareri.”

Ruuka 2:32

Obhotoori bhuyo n‑emirëngaari ghe ghokwërëkërëri anchëra yaacho mo‑bhaato bha matöngö, na asooko mo‑bhaato bhaacho Abhiisiraeri.”

Yohana 9:39

Niho Yesu akabhugha, “Eni niichiri mo‑se hano ghotena ekiina, kubha abhahuku bharighi, wiiki bhano bhakorighi, bhabhe abhahuku.”