Yohana 12:35 - Eriiraghano Eriihë

³⁵ Yesu akabhabhoorera akabhugha, “Obhwero mboonyi haghirohamu na niinyu kwo riibhagha ighuhe hangʼu. Mughëndë mo‑bhwero bhuyo eriibhagha bhokeere bhoonyi‑ho, kubha ekengʼuuri ghetaacha kobhakinda. Omooto uno aghughënda mo‑kengʼuuri teeche hano aghuye.

Yohana 12:35 Referans Kwoze

Yohana 12:46

Eni niichiri mo‑se ino kinya obhwero, kubha omooto woose uno aghonkumi atighe kubha mo‑kengʼuuri.

Yohana 16:16

“Rekeere eriibhagha isuuhu hangʼu na niinyu motaakondighi, wiiki rekeere eriibhagha isuuhu hangʼu na niinyu mokondighi.”

Abhaebheeso 5:8

Ekeenyuma hayo, inyu moore mo‑kengʼuuri, amare ibheere, gho ghughöötana koonyu no Omutëmi Yesu mumanyiri mo‑bhwero. Mbe, ibheere, mumanye kinya abhaato bhano bhaanyi mo‑bhwero!

Yohana 8:12

Mbe, Yesu akëëndërëra ghosiikëra wiiki ne erikinda riire akabhugha, “Eni neeni obhwero bho se. Omooto wowoose uno aghuntambana eni, taaghughënda mo‑kengʼuuri naabha, amare naakubha no obhwero bhuno bhokomukangata mo‑bhuhöru bho miishe ghyose.”

Yohana 11:10

Amare uno aghughënda obhotiko, naghwituuratuura gho kubha bhotaanyi‑ho obhwero bho komusakeri.”

Yohana 12:36

Motoore amiitëngʼërö ghaanyu mo‑bhwero bhuyo kubha mubhe abhaana bha bhwero.” Hano abhughiri ghayo, akaretigha erikinda riire, aghaye kwibhisa bhatamorighi.

Yohana 7:33

Niho Yesu akabhabhoorera abhaato bhayo akabhugha, “Neekubha na niinyu kwo riibhagha ighuhe hangʼu, neramara neghugharuka wiiki ghokooche uno antomiri.

2 Abhakorinto 3:14

Amare Abhiisiraeri bhatëëndiri kumënya. Mbagha ibheere hano bhaghusöma eriiraghano re kare, bhataaghotora kumënya obhuhëënë, bhabha kinya bhakundekiiru ne eghitambara kiyo. Eghitambara kiyo, ghetaamara keruusibhu, gho kubha ngekoruusibhu gho nchëra e komokumi Kirisito okwene.

Yohana 11:9

Yesu akabhagharokeri akabhugha, “Kana, omwishe taanyi amasa ikomi na abhere? Omooto araghënda omwishe, taaghotora ghwituuratuura oghoghoro kooche gho kubha nakorighi obhwero bho mo‑se ino.

Abhagharatiya 6:10

Mbe, eriibhagha ryoryose torabha no omweya, tobhakörërë abhaato bhoose amachömu, amare ahanene abhakumi bhaghëndi bhiito.

Ruuka 18:37

Bhakamobhoorera bhakabhugha, “Yesu o Nasareeti niwe akoheta.”