Yohana 11:52 - Eriiraghano Eriihë

⁵² Wiiki Yesu taaghoku gho ghiri e ritöngö riyo eryene chiri, amare kubha abhakome abhaana bha Ryobha bhano bhasanchiri, kubha bhabhe haghirohamu.

Yohana 11:52 Referans Kwoze

Yohana 10:16

Eni neenyi na changʼöndu echende chino chetaanyi che mo‑mowaara uno, choose nekwëndëru nechirëëtë. Changʼöndu chiyo choose nchekorimënya eriiraka reene. Gho nchëra iyo, ndeekubha erikinda rimu, no omoriishi umu.

1 Yohana 2:2

Iwe niwe amaruusi gha ghosinchu na gho nchëra iyo, naruusiri amasari ghiito na ghotutëmëërani ne Eryobha. Wiiki ghataanyi amasari ghiito agheene, amare na amasari gha bhaato bhoose bha mo‑se ino.

1 Bheetero 1:1

Anyaarubha ino neyandëkiri eni Bheetero, omotomu o Yesu Kirisito. ˆNekabhaandëkëra inyu bhano mwahwiru ne Eryobha, bhano mumanyiri kinya abhaghëni na ghusancha mo‑mikööwa ghe Bhonto, na Gharatiya, na Kabhatokiya, na Asiya na Bhitiniya.

Obhohunyurëru 5:9

Bhakamwembera Omoona o Ngʼöndu omwembo omuhë uno ore orabhugha, “Iye nokurëngʼaanera kwimoki eghitabhu kiyo, na kunaanura emehuuri gheeche ghe nyaghame, gho kubha iye ꞉noosinchuru. Amasaahë ghaacho, ghakareghorera Eryobha abhaato bha matöngö ghoose, na bha bhighambo bhyose, na abhahiiri bhoose na chaase choose.

Abharuumi 3:29

Kana, Eryobha n‑Eryobha re Bhayahuuti abheene, ghasi koru na bha matöngö? Hee, Eryobha n‑de bhaato bhoose!

Ruuka 2:32

Obhotoori bhuyo n‑emirëngaari ghe ghokwërëkërëri anchëra yaacho mo‑bhaato bha matöngö, na asooko mo‑bhaato bhaacho Abhiisiraeri.”

Yakobho 1:1

Anyaarubha ino neruure ghokoone eni Yakobho, omutamishi o Ryobha no o Mutëmi Yesu Kirisito. Nekobhakëëri inyu amatöngö ikomi na abhere, ghano ghasanchiri mo‑chaase.

Abhaebheeso 3:11

Eryobha ꞉ndiiköriri hangʼu kurëngʼaana na kinya reere kwënda emiishe ghyose. Ndeghahikeriini gho kohetera emeremo ghino Omutëmi wiito Kirisito Yesu ꞉aköriri.

Abhaebheeso 1:5

꞉nëëndiri korwera kare ghototoora itu, tubhe abhaana bhaache gho nchëra e Yesu Kirisito. ꞉Ndiiköriri hangʼu, gho ghuchömëru na kwënda kooche eryene.

Abharuumi 4:17

N‑kinya bhuno Eryobha ꞉reebhooriire Abhurahamu mo‑Mandëkö Amatööbhiyu kubha, “Neghuköriri kubha ishe o matöngö maaru.” Abhurahamu ꞉nooghwire amangʼana ghayo anyi ambërë e Ryobha, akarekumi Eryobha rino rehaabhaha abhaku obhuhöru, na rino rehaahatëka ebheghiro bhibhe‑ho bhino bhetaamara bhibha‑ho.

Amaköri gha Bhatomu 18:10

gho kubha eni neenyi haghirohamu na niiye, wiiki taanyi‑ho mooto iyo uno aghoghoturi kubha akunyahaare. Mo‑moghya uno neenyi na abhaato bhaaru bhano bhakuucha ghokoone.”

Yohana 12:32

Eni eriibhagha neghotiiribhu, nekobharuta abhaato bhoose bhaache ghokoone.”

Yohana 1:29

Atabhoori yaache, Yohana akamorighi Yesu araacha ghokooche. Akabhabhoorera abhaato bhano ꞉bhaare hayo akabhugha, “Mööhi, uyo n‑Omoona o Ngʼöndu o Ryobha, uno akoruusi amasari gha bhaato bhoose!

Yohana 1:12

Amare bhoose bhano ꞉bhaamosongʼaaniri na komokumi, ꞉naabhaheere obhotoro bho kubha abhaana bha Ryobha.

1 Yohana 3:1

Mbe, morighi kebhuno Taata Waryobha atosiighiri chwee, kubha itu tobherekeru abhaana bhaache! Mahëënë hangʼu toonyi. Abhaato bhano bhataakoresooka Eryobha bhateeche kubha itu n‑abhaana bha Ryobha toonyi, gho kubha bhataryeche iryo.

1 Yohana 3:2

Abhasiighani bhaane, ibheere itu n‑abhaana bha Ryobha, amare timënyuru haheero bhuno tookubha. Koru hangʼu ntweche kubha eriibhagha rino Kirisito aghugharuka wiiki, ntoghotuubhaana nawe, gho kubha ntokomorighi kinya anyi.

1 Yohana 3:10

Amare omooto uno ataaghuköra gha hëënë, hamu uno atamosiighiri mughëndi waache, uyo taanyi omoona o Ryobha. Hangʼu niho tokumënya obhwahukani bho bhaana bha Ryobha, na abhaana bha Rishambu.

Ruuka 15:8

“Ibheere, mutëghëërërë eghetuubhaani ekende, tobhughe omukari umu naanyi na chambiiri ikomi che riighori ikoro, na arabhori imu. Tigha naghughööti oromore, na ghutareki anyumba yoose, arayitabhara gho changuru mbagha ayibhönë?