Yohana 11:40 - Eriiraghano Eriihë

⁴⁰ Yesu akamobhoorera akabhugha, “Kana, nteekobhooriire kubha, erabha noghokumi, nokobhorighi obhokumi obhokoro bho Ryobha kebhuno bhoonyi?”

Yohana 11:40 Referans Kwoze

Yohana 11:4

Hano Yesu oghwire amangʼana ghayo, akabhugha, “Obhubhabharu bhuyo taanyi bho komwita, amare m‑bho kwërëki obhokumi obhokoro bho Ryobha, kubha Omoona o Ryobha aghongibhu kohetera obhubhabharu bhuyo.”

Yohana 1:14

Angʼana iyo ekabha omooto, aghiikara ghateghate yiito. Itu bhoose tokabhorighi obhokumi bhooche obhokoro, obhokumi bhooche obhokoro iwe uno anyi Omoona omwene chiri o Taata, niichwire aghareeya no obhuhëënë.

2 Abhakorinto 3:18

Ibheere itu bhoose bhano totaaghwikundekeri mo‑bhosho ne eghitambara, ntokwërëki obhokumi obhokoro bho Mutëmi kinya ekiröri. Omutëmi uno anyi Akörö, nahaatugharura totuubhaane nawe. Naakubha aratugharura koru obhokumi obhokoro mbagha kohika obhokumi obhokoro chwee.

2 Abhakorinto 4:6

Eryobha rino ꞉reebhughiri kubha, “Obhwero bhurëngaari mo‑kengʼuuri,” niryo riyo rirëngaariri mo‑metema ghiito, na ghotuköra tumënyë obhokumi bhooche obhokoro bhuno bhokurëngaari mo‑bhosho bho Yesu Kirisito.

Yohana 9:3

Yesu akabhagharokeri akabhugha, “Uno tabheere omohuku gho ghiri e masari ghaache, hamu amasari gha bhiibhori bhaache. Amare ꞉niibhwiru omohuku, kubha changuru che Ryobha cherighibhu cheraköra emeremo mo‑riimanya reeche.

Yohana 12:41

Isaaya ꞉naabhughiri ghayo gho kubha ꞉naarooche gho kurë obhokumi obhokoro bho Yesu na kobhugha amangʼana ghaache.

Mataayo 17:20

Nawe akabhagharokeri akabhugha, “Gho ghiri e bhokumi bhoonyu kubha bhosuuhu. Mahëënë ˆnekabhabhoorera, aribha moonyi no obhokumi bhoongʼana kinya akahëkë ka harataari, moghokebhoorera egheghoro kino kubha, ‘Nooru hano, ughëndë haare,’ kyose ngeeghuye. Gho ghayo, ghetaanyi‑ho egheghiro kino kengabhataamiri. [

Maariko 9:23

Yesu akamugharokeri akabhugha, “Ngwake okobhugha kubha, ‘Aribha oghotora’? Ghoose ngaakubha kwo mooto uno akorekumi Eryobha.”

Abharuumi 6:4

Hano tubhatiisuru, ntoore kinya tokuure na koryeku haghirohamu nawe, kubha kinya Kirisito aryokiri koru mo‑bhaku gho changuru inkoro che Waryobha Taata, hangʼu hangʼu, koru itu ntoghotora kumanya eriimanya eriihë.