35 Yesu akarera.
Hano Yesu atingʼiri omoghya o Yerusareemu, akaworighi aghasëëma koworerera.
Omuchaama Omokoro uyo niwe abhweche obhutöbhu bhwito, gho kubha woose Erishambu ꞉ndeemusakiri gho chanchëra haghare haghare kinya itu, amare iwe taaköriri amasari.
Hano Yesu amorooche Mariyamu ararera haghirohamu na abhaato bhano ichiri nabho, akabha no obhororo chwee mo‑körö yaache.
Abhaato bhano ꞉bhaare bharamutëghëërëra Yesu, ꞉mbiituuriri kubha obhutëmi bho Ryobha mbokorwera hayo hayo, gho kubha Yesu naare ˆaghatingʼi Yerusareemu, omoghya uno abhatëmi ꞉bhaare bhariikara.
Mbe, akabhabhoori akabhugha, “Hayi momotooriri?” Bhakamugharokeri bhakabhugha, “Oo Omutëmi, ntughëndë tokwërëki.”
