Yohana 11:24 - Eriiraghano Eriihë

²⁴ Marita akabhugha, “Oo Omutëmi, nyeeche kubha Eryobha eriibhagha rekobharyoki abhaato bhoose mo‑rosiko ro ntenero, woose nakoryoka na kubha muhöru wiiki.”

Yohana 11:24 Referans Kwoze

Amaköri gha Bhatomu 24:15

Eni netooriri amiitëngʼërö kwo Waryobha, na bhoose mbaanyi ne riitëngʼërö riyo, kubha Eryobha ndekoryoki abhaku bhoose abhahëënë na abhaköri bha mabhe.

Ruuka 14:14

Neekubha ngʼoni ghokoocho, gho kubha, ibho bhataanyi ne egheghiro ghe ghokoreha. Eryobha niryo reghokoreha, eriibhagha re kobharyoki abhaato bhaache abhahëënë.”

Abheebhuraaniya 11:35

Obhokumi ꞉mbuuköriri abhakari nyarebhe bhaghasongʼaana abhahiiri bhaabho bhano ꞉bhaare bhakuure, amare bhakaryoka. Abhande ꞉mbaanyahaaruru chwee na ghwitu, amare bhatiisheriiri ghotighooroku, gho kubha mbaare bhariitëngʼëra kubha, Eryobha ndengabharyokiri na kobhaha obhuhöru bhuno bhoonyi no obhwëra chwee.

Yohana 6:39

Amiigha gha Taata uno antomiri nigho ghano, kubha netaacha komorumeeri koru umu mo‑bhaare aheere, amare nebharyoki mo‑rosiko ro ntenero.

Yohana 6:40

Amiigha gha Taata n‑ghano, omooto woose uno akumënya kubha eni n‑Omoona waache na ghonkumi, abhe no obhuhöru bho miishe ghyose. Eni nekuucha komoryoki mo‑rosiko ro ntenero.”

Yohana 11:23

Niho Yesu akamugharokeri akabhugha, “Ömöönyu nakoryoka.”